Lukas 12:19 - Chuukese Bible

¹⁹ Mürin üpwe üreni ngüni: Ngüni, a wor chomong mettochumw, a naf ngonuk lon chomong ier. Kopwe manau fän kinamwe. Kopwe momongö o ükün o pwapwa.’

Lukas 12:19 Iomraidhean Croise

Hiop 14:1

“Eman aramas mi uputiu me ren eman fefin a chök manau lon fansoun mochomoch, nge manauan a uren weires.

Kölfel 49:18

Inamwo are a ekieki pwe a feiöch lupwen an manau, pwal inamwo are aramas ra mwareiti i pokiten an pisekisekila,

Kölfel 62:10

Ousap anomu ämi apilükülük won pisek oua angemwäli fän pöchökül, ousap pwal eäni apilükülük pisek oua soläni. Inamwo ika oua pisekisekila, ousap apilükülükü.

Än Salomon Fos 10:2

Eman mi wöümong pokiten an angangen atuputup esap feiöch ren, nge pwüngüöch a amanaua eman aramas seni mäla.

Än Salomon Fos 14:24

Än ekewe chon tipachem pisekisek iei ar lingöch, nge än ekewe chon tiparoch wewemang iei ar umwes.

Än Salomon Fos 18:11

Nge ekewe chon pisekisek ra ekieki pwe wöür a tümwünüür seni feiengau, usun chök eu tit mi tekia o pöchökül a epeti eu telinimw seni feiengau.

Än Salomon Fos 23:5

Lupwen ka kärän nengeni woumw, ese chüen nom. Pun a müttir sü usun chök a angei pöükässin o ässitä läng usun eman ikel.

Än Salomon Fos 27:1

Kosap sikesik usun lesor, pun kosap silei mine ewe rän epwe atoto.

Än Salomon Afalafal 11:9

En alüal, kopwe pwapwa le alüalum, letipom epwe meseik lon fansoun om alüal. Kopwe chök föri mine letipom a tipeni o mesom a küna. Nge kopwe chechemeni pwe Kot epwe apwünguk ren om kewe föför meinisin.

Än Salomon Afalafal 2:24

Iwe, a mürina seni meinisin pwe eman aramas epwe mongö o ün, epwe pwal pwapwa lon an angang weires. Nge üa küna pwe pwal ei a chök feito seni lepöün Kot.

Aisea 22:13

Nge oua chök pwapwa o mweireir, oua niela kow me sip kana pwe oupwe ochoch fituk o ünümi wain. Pun oua apasa, “Ousipwe momongö o ükün, pun lesor sipwe mäla.”

Aisea 5:11

Feiengauemi, ämi mi pwätä lesosorusich pwe oupwe popuetä le ün sakau, ämi mi motmwäl tori lepwin pwe oupwe puch ren wain.

Aisea 5:8

Feiengauemi, ämi mi achomonga imwemi me fanüemi tori esap chüen wor lenien ekewe lusun aramas. Mürin, ämi chök oupwe nonom lon ewe fanü.

Aisea 56:12

Iwe, ra apasa, “Ou etto, sipwe kütta ünümach wain me sakau pwe sipwe puchula ren. Mine sa föri ikenai, sipwe pwal alapala le föri lesor.”

Osea 12:8

Iwe, ra apasa, ‘Sa fokun wöü, sa pisekisekila. Nge esap wor eman a tongeni atipisikich pwe sa pisekisekila fän atuputup.’

Amos 6:13

Oua aingaing pokiten oua liapeni ewe telinimw Lotepar , oua sikesik o apasa, “Aia liapeni Karnaim ren püsin äm pöchökül.”

Apakuk 1:16

Ra mwo nge fel ngeni ar kewe cheew o asor ngeni ar kewe uuk, pun ra manau rer, nge ener mongö a fokun chomong o anö.

Lukas 12:18

Mürin a apasa, ‘Iei mine üpwe föri. Üpwe atomwala ai kewe lenien iseis o aüetä ekoch mi watte seni. Ikenan üpwe iseis ai kewe föün wiich me piseki meinisin.

Lukas 16:19

“A wor eman mwän mi pisekisek, a üföüf üf mi parachol me pwechepwech mi fokun mömong o a chök kakametip iteiten rän.

Lukas 21:34

“Oupwe afälikemi, pwe lelukemi esap chouchou ren mongömong me ünüpuch, pwal ren öürekin manauen ikenai, pwe ewe rän esap müttiritikemi usun eu sär.

1. Korint 15:32

Are ngang üa fiu ngeni ekewe manmwacho lon Efisos fänäsengesin ekoch popun mi fis seni ekiekin aramas, met lomotan ngeniei? Nge are ekewe mi mäla resap manausefäl, pwota sisap chök föri usun met ekewe ekoch ra apasa, “Ousipwe momongö o ükün, pun lesor sipwe mäla”?

Filipi 3:19

Lesopolan manauer repwe nom lon hell, pun ar kot iei mochenian inisiir. Ra sikäsini mine repwe säw ren o ekieki chök mettochun lon ei fanüfan.

1. Timoty 5:6

Nge eman fefin mi mä pwülüan nge a chök apwapwai inisin lon sokun pwapwan fanüfan, neminei a fen mäla, inamwo ika a chüen manau lon inisin.

1. Timoty 6:17

Kopwe allük ngeni ekewe mi pisekisek lon mettochun ei fanüfan pwe resap lamalamtekia. Resap pwal anomu ar apilükülük won wöür epwe morola, nge repwe apilükülükü Kot mi fangesom ngenikich mettoch meinisin pwe sipwe feiöch ren.

2. Timoty 3:4

ra rawangauei aramas, ra rochongau o uren lamalamtekia, ra efich pwapwan fanüfan, nge resap echeni Kot.

James 5:5

Oua manaueni eu manau mi fokun mecheres won ei fanüfan, oua pwal eäni pwapwan fanüfan. Oua püsin föri met oupwe kitinup ren fän iten ewe ränin ninnila.

1. Petrus 4:3

Pun lon ewe fansoun a la a naf fansoun ämi föri mine ekewe chon lükün lamalam ra pwapwa le föri. Oua föri föförün lisowu, mocheisou, ünüpuch, mongömong, mwichen ün sakau me angangen fel ngeni anümwäl mi anioput.

Pwärätä 18:7

Oupwe awora ngeni neminei chomong riaföü me letipeta, usun chök watten ewe ling a püsin alinga ngeni me ewe pwapwan fanüfan a awora ngeni. Pun a püsin ekieki lon letipan, ‘Ngang eman kiwin, üa mot won ai lenien mot! Ngang üsap eman fin lipichsefäl. Ngang üsap fokun tolong lon letipeta.’

1. Samuel 30:16

Iwe, lupwen a emwenala Tafit ren ewe leni, ra küna ekewe chon Amalek pwe ra toropasfeil won unusen ewe fanü, ra momongö o ükün, ra pwal pworuk pokiten liaper mi chomong ra angei seni fanüen chon Filistia me fanüen chon Juta.