Lukas 12:16 - Chuukese Bible

¹⁶ Mürin Jesus a üreni ei pworausen awewe: “A wor eman mwän mi pisekisek, fanüan a fokun ukua.

Lukas 12:16 Iomraidhean Croise

Hiop 12:6

Lon imwen ekewe chon solä a wor kinamwe, nge chokewe mi asonga Kot ra nonomöch, ir chokewe mi eäni kot püsin ar pöchökül.

Hiop 24:23

A fang ngeniir kinamwe, pwe ra ekieki pwe ra nonomöch, nge Kot a nenengeni ar kewe föför.

Kölfel 73:12

Iei usun lapalapen ekewe aramasangau.

Kölfel 73:3

Pun üa lolowo ngeni ekewe chon lamalamtekia, lupwen üa küna än ekewe aramasangau wöümong.

Isikiel 16:49

Iei tipisin pwiüm we Sotom: I me wisoposopun kewe ra lamalamtekia, ra mongömong, ra pwal nonomöch fän kinamwe, nge resap alisi chon wöüngau me mwelele.

Osea 2:8

Iwe, esap mochen mefi pwe ngang ätewe mi ngeni ewe wiich, ewe wain me ewe apüra seni föün olif, üa pwal ngeni chomong silifer me kolt. Nge i a aea ekei mettoch le fel ngeni ewe anü Paal.

Mateus 13:8

Nge pwal ekoch föün ra mworotiu lon pwül mi mürina. Iwe, ekewe irä ra märitä o ua, ekoch leir ra uani ipükü, ekoch wone, nge ekoch ilik.”

Mateus 5:45

pwe oupwe wiliti nöün Sememi mi nom läng. Pun i a atötai förian akkar won ekewe aramasangau me aramasöch, nge a apüngatiu üt won chon pwüng me chon pwüngingau.

Lukas 12:15

Mürin a sopwela le kapas ngeniir meinisin, “Oupwe mamasa o tümwünüöchükemi seni sokopaten mochenia meinisin. Pun manauen eman aramas esap longolong won met mi nom ren, inamwo are a fokun pisekisek.”

Lukas 12:17

Iwe, a ekieki lon lelukan, ‘Met üpwe tongeni föri? Esap wor eu leni ia üpwe tongeni iseis ie uän fanüei meinisin.’

Föför 14:17

Nge Kot a chök pwärätä usun lapalapan ren an föri ekewe mettoch mi mürina: A fang ngenikemi üt seni läng, pwal kiniemi ua lon fansoun räs, a ngenikemi enemi o aura lelukemi ren pwapwa.”