Lukas 12:15 - Chuukese Bible

¹⁵ Mürin a sopwela le kapas ngeniir meinisin, “Oupwe mamasa o tümwünüöchükemi seni sokopaten mochenia meinisin. Pun manauen eman aramas esap longolong won met mi nom ren, inamwo are a fokun pisekisek.”

Lukas 12:15 Iomraidhean Croise

1. King 2:40

Simei a rietä eu lenien mot won nöün aas o feila Kat ren Akis, pwe epwe kütta nöün kewe amanau. Iwe, Simei a küneer o aliwinireto.

Hiop 2:4

Mürin, Satan a pälüeni ewe Samol mi Lapalap, “Eman aramas epwe fangala meinisin mine a eäni fän iten manauan.

Kölfel 10:3

Ewe aramasangau a sikäsini mochenin lelukan, nge ewe aramas mi mochenian win a otteki o pöütala ewe Samol mi Lapalap.

Kölfel 37:16

Än eman chon pwüng pisek mi chokükün a mürina seni wöün ekewe aramasangau meinisin.

Kölfel 62:10

Ousap anomu ämi apilükülük won pisek oua angemwäli fän pöchökül, ousap pwal eäni apilükülük pisek oua soläni. Inamwo ika oua pisekisekila, ousap apilükülükü.

Än Salomon Fos 15:16

A mürina än eman epwe wöükükün, nge a niuokusiti ewe Samol mi Lapalap, lap seni än eman epwe wöümong, nge a nom lon weires.

Än Salomon Fos 16:16

Ach sipwe eäni tipachem a mürina seni ach eäni kolt, nge ach eäni silelap a mürina seni ach eäni silifer.

Än Salomon Fos 28:16

Eman sounemenem mi ngau esap wor an mirit a ariaföüü aramas, nge ätewe mi oput an epwe angei winnan fän pwüngingau epwe manauatam.

Jeremaia 6:13

Pun seni ekewe mi kis tori ekewe mi lap ir meinisin ra kütta ar win fän pwüngingau. Pwal seni ekewe soufos tori ekewe souasor ir meinisin ra atupu aramas.

Isikiel 33:31

Iwe, nei aramas repwe mwicheto reöm o mot me mwom pwe repwe aüselinga om kapas, nge resap aleasochis ngeni. Pun awer a pwärätä ar echeniei, nge letiper a chök mocheniaiti moni fän pwüngingau.

Mika 2:2

Lupwen ra mocheniaiti ekewe mälämäl, ra angeir fän pöchökül. Lupwen ra mochen imweni eu imw, ra chök angei. Iei usun ra ariaföüü eman aramas fänäsengesin imwan me fanüan me won saman.

Apakuk 2:9

Feiengauom, en mi angei om win fän pwüngingau fän iten chon leimwom o aüetä imwom won eu leni mi tekia pwe esap tori och feiengau.

Markus 7:22

maicha, föföringau, atuputup, mochenia, lolowo, kapasingau, lamalamtekia me miritingau.

Lukas 12:16

Mürin Jesus a üreni ei pworausen awewe: “A wor eman mwän mi pisekisek, fanüan a fokun ukua.

Lukas 16:14

Iwe, lupwen ekewe Farisi ra rongorong ekei kapas, ra esita Jesus, pun ir ra echeni moni.

Lukas 21:34

“Oupwe afälikemi, pwe lelukemi esap chouchou ren mongömong me ünüpuch, pwal ren öürekin manauen ikenai, pwe ewe rän esap müttiritikemi usun eu sär.

Lukas 8:14

Ekewe pwükil mi mworotiu lein ekewe iräfölüföl ra wewe ngeni chokewe mi rong kapasen Kot, nge öürek me wöün fanüfan, pwal pwapwan ei manau ra tolong lon leluker o amopu ewe kapas, pwe uar esap tongeni mau.

1. Korint 6:10

ika chon solä, ika chon tipemong, ika chon ünüpuch, ika chon aitengaua aramas, ika chon achomau resap mwüni mwün Kot.

Kolose 3:5

Iei mine oupwe amäloi ekewe mochenian fanüfan mi nom remi: sokopaten föförün lisowu, lüangau, mocheisou, mocheniangau me tipemong. (Pun tipemong och sokun angang ngeni anümwäl.)

2. Timoty 3:2

Aramas repwe ekieki chök püsin ir, repwe efich moni, repwe tunomong me lamalamtekia, repwe turunufas o aleasolap ngeni semer me iner, resap sile kilisou, resap meniniti lamalam,

Ipru 13:5

Oupwe afälikemi pwe ousap manaueni eu manauen mochenian moni, nge oupwe menemenöch ren mine oua eäni. Pun Kot a apasa, “Ngang üsap fokun likituk, üsap pwal tümwününgau ngonuk.”

Josua 7:21

Lupwen üa küna me lein liapach kewe echö owokot mi ling minen Papilon, pwal limu paun silifer me efoch fochun kolt ükükün choun rüe aunus, üa mocheniaitiir o angeer. Üa aopeer fän pwül lon imwei imw mangaku, nge ewe silifer a nom far.”

2. Petrus 2:14

Ra chök mochen nenengeni ekewe fin lisowu, resap fokun ükütiu le föri föför mi ngau. Ra atupu ekewe aramas mi apwangapwang lon ar lükü pwe repwe tipis. Ra sipeöch lon ar tipemong. Ra nom fän än Kot anümamau!

2. Petrus 2:3

Lon ar tipemong ekei chon afalafal chofona ra angei ar win ren ar aronga ngenikemi pworaus ra püsin afisätä. Fansoun langatam tori iei, Kot nöür we soukapwüng, ewe Chon Afeiengaueer, a fen molotä o a chök nenela pwe epwe apwüngüür.