Lukas 12:14 - Chuukese Bible

¹⁴ Jesus a pölüeni, “Ätenan, iö a ngeniei ewe pwüüng pwe üpwe apwüngükemi are ineti mettochumi?”

Lukas 12:14 Iomraidhean Croise

Ekistos 2:14

Ätewe a pälüeni, “Iö a filuketä pwe kopwe samol me souapwüng wom? Ka ekieki pwe kopwe pwal nieila usun om niela ewe re Isip?” Mürin, Moses a niuokus o ekieki, “Ellet, ewe föför a pwä.”

Mika 6:8

En aramas, ewe Samol mi Lapalap a aiti ngonuk mine a mürina. Met a mochen pwe kopwe föri? A mochen pwe kopwe föri mine a pwüng o eäni kirikiröch, kopwe pwal tipetekison fän mesen om we Kot.

Lukas 12:13

Iwe, a wor eman mwän me lon ewe mwichen aramas a üreni Jesus, “Sense, kose mochen kopwe üreni pwii pwe epwe ineti mettochum me won semem.”

Lukas 22:58

Ekis chök fansoun mürin eman mwän a pwal esilla Petrus o üreni, “Pwal en eman leir.” Nge Petrus a pölüeni, “Mwän, ngang sap eman me leir.”

Lukas 5:20

Lupwen Jesus a küna ar lükülük, a üreni ewe mwän, “Pwii, om tipis kana ra musola.”

Johannes 6:15

Jesus a silei pwe ra ekiekin feito o seikätä fän pöchökül pwe epwe ar king, iei mine a sü seniir o liwinsefälitä won ewe chuk.

Johannes 8:11

Ewe fefin a pölüeni, “Ai samol, esap chüen wor eman leir a nom.” Mürin Jesus a üra, “Üsap pwal fokun apwünguk. Kopwe feila, nge kosap chüen föri tipis.”]

Nöün Paulus Toropwe ngeni ekewe Souläng lon Rom 2:1

En pwii, ifa usun, ka apwüngü pwal ekoch? Esap fokun wor om künetipingen, ese lifilifil ika en iö. Pun lupwen ka apwüngü ekewe ekoch, nge mürin ka föri ekewe sokun föför usun chök ir, ka püsin atipisuk.

Nöün Paulus Toropwe ngeni ekewe Souläng lon Rom 2:3

Nge en pwii, ka püsin föri ekei sokun föför ka apwüngü ekoch won! Ifa usun, ka ekieki pwe ka tongeni sü seni än Kot apwüng?

Nöün Paulus Toropwe ngeni ekewe Souläng lon Rom 9:20

Pwii, nge pwota ka tongeni wippin ngeni Kot? Ifa usun, eu sepi seni pwül a tongeni aisini ewe chon föri, “Pwota ka föriei pwe üpwe iei usun?”