Lukas 12:1 - Chuukese Bible

¹ Lon ena fansoun, lupwen chomong ngeröün aramas ra chufengen pwe ra chök ipwerifengeniir, Jesus a akomwen kapas ngeni nöün kewe chon kaiö, “Oupwe afälikemi ren ewe iis än ekewe Farisi, wewen ar likatuputup.

Lukas 12:1 Iomraidhean Croise

2. King 7:17

Nge ewe king a awisa ewe meilap, ätewe mi wisen tümwünü ewe king, pwe epwe tümwünü asamalapen tittin ewe telinimw. Iwe, ekewe aramas ra ipwetä won me lon ewe asamalap pwe a mäla, usun ewe soufos Elisa a fen apasa, lupwen ewe king a feito ren.

Hiop 20:5

pwe än ekewe aramasangau mweireir a chök fis lon fansoun mochomoch, nge än chokewe resap aleasochisi Kot pwapwa a fis lon eu chök otun.

Hiop 27:8

Pun ifan än ätewe esap aleasochisi Kot apilükülük, lupwen Kot a angei manauan?

Hiop 36:13

Iwe, chokewe resap aleasochisi Kot ra chök sossong. Nge lupwen Kot a apwüngüür, resap siö ngeni pwe epwe alisiir.

Aisea 33:14

Ekewe chon tipis lon Sion ra niuokus, nge chokewe resap lükü Kot ra chechech. Ra ais, “Iö leich epwe tongeni manau ren än Kot apwüng mi wewe ngeni eu ekkei mi sarara tori feilfeilachök?”

Lukas 11:44

Feiengauemi! Pun oua usun chök ekewe peias esap wor eman a küna, aramas ra fetal won, nge resap silei.”

Lukas 12:56

Ämi chon atuputup! Oua tongeni osuni usun ränöch me räningau ren ämi nengeni lapalapen fanüfan me läng, nge pwota ousap silei usun ämi awewe lapalapen fansoun ikenai?

Lukas 5:1

Lon eu rän, lupwen Jesus a ütä arun ewe nomun Kalilea, ekewe aramas ra mwicheto o etieti ngeni, pwe repwe rongorong än Kot kapas.

Lukas 5:15

Iei mwo ei, nge ewe pworaus usun Jesus a chök chöfetal ekis meinisin. Iwe, eu mwichen aramas mi chomong ra feito pwe repwe rongorong an afalafal, repwe pwal küna pöchökül seni ar samau.

Lukas 6:17

Lupwen Jesus a feitiu seni won ewe chuk me nöün kewe chon kaiö, a ütä lon eu leni mi sosonöch. Iwe, chomong nöün kewe chon kaiö ra mwicheto ren, pwal eu mwichen aramas mi chomong seni unusen ewe fanü Jutea, seni Jerusalem pwal seni ekewe telinimw Tirus me Siton mi nom aroset.

Föför 21:20

Mürin ar rongorong ngeni, ir meinisin ra mwareiti Kot. Mürin ra üreni Paulus, “Pwiim Paulus, ka küna pwe mi wor chomong ngeröün chon Juta ra lükü Jesus, nge ir meinisin ra fokun achocho le apwönüetä ekewe Allük.

1. Korint 15:3

Üa ngenikemi mine üa fen angei met a fokun aüchea: pwe Kraist a mäla fän iten ach tipis usun a mak lon ekewe Toropwe mi Pin,

Ipru 12:22

Nge ämi oua feito ngeni ewe Chuk Sion, pwal ngeni ewe telinimwen ewe Kot mi manau, ewe Jerusalem mi nom läng fiti ngeröün chon läng.

James 3:17

Nge ewe tipachem seni läng a fokun limelimöch, a pwal akinamwe, tipepwetete me kirikiröch, a uren tong o awora chomong föför mi mürina, esap lifilifil aramas, esap pwal atuputup.

1. Petrus 2:1

Iei mine oupwe pöütala sokun föför mi ngau meinisin. Ousap chüen eäni kapas chofona, ika angangen atuputup, ika lolowo, ika eäni kapasen turunufas.