Lukas 11:8 - Chuukese Bible

⁸ Iwe, üpwe ürenikemi, pwe ikamwo ätewe esap pwätä pwe epwe ngonuk ewe pilawa pokiten en chiechian, nge epwe fen pwätä o ngonuk meinisin mine ka osupwang ren, pun kosap säw le tütüngormau ngeni.

Lukas 11:8 Iomraidhean Croise

Keneses 32:26

Mürin, ewe mwän a apasa, “Kose mochen likitieila, pun a tö mallen rän.” Nge Jakop a pälüeni, “Üsap fokun likitukela are kosap afeiöchüei.”

Lukas 11:7

Iwe, epwe ifa ika chienom we a pölüenawu me lon ewe imw, ‘Kosap osukosukaei. Asamen imwei a fen kapüng, nge ngang me nei kei aia möür. Ngang üsap tongeni pwätä pwe üpwe ngonuk och.’

Nöün Paulus Toropwe ngeni ekewe Souläng lon Rom 15:30

Ämi pwii kana, üa pese ngenikemi fän iten ach Samol Jesus Kraist pwal fän iten ewe tong ewe Ngünmifel a fangeto, pwe oupwe etiei lon ämi tiliken le iotek ngeni Kot fänäsengesi.

2. Korint 12:8

Fän ülüngat üa iotek ngeni ach Samol usun ei o tüngor ngeni pwe epwe angei seniei.

Kolose 2:1

Üa mochen asile ngenikemi usun ai weires le angang fän itemi, fän iten ekewe souläng lon Laotisea, pwal fän iten ekewe ekoch aramas resap sisileei.

Kolose 4:12

Kapong seni Epafras, pwal i eman chon ämi we mwich me eman nöün Kraist Jesus chon angang. A fokun achocho le iotek fän itemi o tüngor ngeni Kot an epwe anükücharakemi, pwe oupwe mirit lon ämi souläng, nge ousap tipemwaramwar, oupwe pwal fokun aleasochisi letipen Kot.

Soukapwüng 14:17

Iwe, neminewe a kechü ngeni Samson lon ükükün ekewe fisu ränin kametip. Nge lon ewe afisuen rän, Samson a pwäri ngeni wewen, pun neminewe a fokun echimwa. Mürin, neminewe a apworausa wewen ewe asisil ngeni chon fanüan kewe.

1. Samuel 1:12

Iwe, lupwen Hana a sopwela le iotek, Eli a nenengeni awan.