Lukas 11:49 - Chuukese Bible

⁴⁹ Iei popun Tipachemen Kot a apasa, ‘Üpwe tinala rer soufos me soukünö. Repwe niela ekoch me leir, nge ekoch repwe ariaföüür.’

Lukas 11:49 Iomraidhean Croise

Jeremaia 7:25

Seni ewe rän ämi kewe lewo ra towu seni Isip tori ikenai üa chök titinala remi nei chon angang ekewe soufos meinisin.

Mateus 22:6

nge pwal ekoch ra turufi ekewe chon angang, ra wichiir o niirela.

Lukas 11:48

Ren ei oua pwärätä pwe oua tipeeu ngeni mine ämi kewe lewo ra föri. Ir ra niela ekewe soufos, nge ämi oua alinga peiaser kewe.

Lukas 24:47

Ren itan oupwe afalafala chon ekewe mwü meinisin, pwe repwe ekieksefäl, pwe Kot epwe amusala ar tipis, nge oupwe popuetä lon Jerusalem.

Johannes 16:2

Repwe atowukemi seni ar mwich lon ar kewe imwen felikis. Nge epwe war ewe fansoun lupwen chokewe mi nikemi repwe ekieki, pwe ar föför eu angang ngeni Kot.

Föför 1:8

Nge ämi oupwe angei ewe manaman lupwen Ngünmifel epwe feitiu womi, iwe, oupwe pwäriei lon Jerusalem, lon unusen Jutea me Samaria tori lon unusen fanüfan.”

Föför 11:27

Lon ena fansoun ekoch soufos ra feito Antiokia seni Jerusalem.

Föför 22:20

Nge lupwen ar niela noumw chon pwärätä Stefanus, ngang üa nom ikenan o tipeeu ngeni ar niela, üa pwal tümwünü üfen ätekewe mi niela i.’

Föför 7:57

Lupwen ra rong ekei kapas, ra pinela selinger ngeni pöür o pupuchör fän leüömong. Iwe, ir meinisin ra rangeiti Stefanus,

Föför 8:3

Nge Saul a popuetä le atala mwichefel. A feila ngeni imw me imw o etekinawu ekewe chon lükü, mwän me fefin, o atolongeer lon imwen fötek.

1. Korint 1:24

Nge ren chokewe Kot a köriir me lein chon Juta me chon lükün Israel, Kraist ewe manamanen Kot me ewe tipachemen Kot.

1. Korint 1:30

Nge Kot chök popun ämi nonom lon Kraist Jesus. Kot a föri pwe Kraist ach tipachem, ach pwüng, ach pin me ach ngas seni ach tipis.

Efisos 4:11

I ewe mi “ngeni aramas lifanger”. A filätä ekoch pwe repwe soukünö, pwal ekoch repwe soufos, pwal ekoch repwe chon asoulängala aramas, nge pwal ekoch repwe soumas me sense.

Kolose 2:3

Kraist i ewe mi tongeni pwärala wöün än Kot tipachem me silelap meinisin mi monomonola.

Pwärätä 16:6

Pun ra ninätiu chaan ekewe chon pin me ekewe soufos, iei mine ka ngeniir cha pwe repwe ünümi usun a fich ngeniir!”

Pwärätä 18:20

En läng, kopwe fokun pwapwa pokiten ewe telinimw a tala. Oupwe fokun pwapwa ämi kewe chon pin, ämi kewe soukünö me ämi kewe soufos! Pun Kot a apwüngü ewe telinimw ren met a föri ngenikemi.