Lukas 11:48 - Chuukese Bible

⁴⁸ Ren ei oua pwärätä pwe oua tipeeu ngeni mine ämi kewe lewo ra föri. Ir ra niela ekewe soufos, nge ämi oua alinga peiaser kewe.

Lukas 11:48 Iomraidhean Croise

2. Kronika 36:16

Nge ir ra chök sopwela le turunufasei nöün Kot kewe chon künö, ra oput an kapas o ämängaua nöün kewe soufos, tori ewe Samol mi Lapalap a aworato an lingeringer won nöün aramas, nge esap chüen wor eman a tongeni sü seni.

Hiop 15:6

Kapasen awom a atipisuk, sap ngang, püsin om kapas a pwärätä pwe ka tipis.

Kölfel 64:8

Epwe atoto wor feiengau pokiten kapasen awer, nge meinisin mi küneer repwe nünüti mökürer.

Isikiel 18:19

Nge ämi oua ais, ‘Pwota nöün ewe mwän esap angei liwinin än saman tipis?’ Pokiten nöün a eäni pwüng me wenechar o apwönüetä ai kewe allük meinisin fän allükülük, epwe fokun manau.

Mateus 23:27

Feiengauemi, ämi Sensen Allük me Farisi! Ämi chon likatuputup! Oua usun chök ekewe peias mi peinitipwech ra lingöch me lükün, nge lon ra ur ren chün aramas me machen somä.

Mateus 23:31

Ren ei oua püsin pwärätä pwe oua mwirimwirin chokewe mi niela ekewe soufos!

Lukas 11:47

Feiengauemi! Ämi oua alinga peiasen ekewe soufos ämi kewe lewo ra niela.

Lukas 11:49

Iei popun Tipachemen Kot a apasa, ‘Üpwe tinala rer soufos me soukünö. Repwe niela ekoch me leir, nge ekoch repwe ariaföüür.’

Nöün Paulus Toropwe ngeni ekewe Souläng lon Rom 1:32

Ra silei pwe Kot a apwüngala, pwe ekewe aramas mi föri ekei sokun föför repwe mäla. Iwe, resap chök sopwela le föri ekei sokun föför, nge ra pwal tipeeu ngeni ekewe aramas ra föri iei usun.

James 5:10

Ämi pwii kana, oupwe chechemeni ekewe soufos mi kapas fän iten ach Samol. Oupwe eäniir lenien apirü lon ar mosonotam me likitü fän ekewe riaföü.

Josua 24:22

Mürin, Josua a üreni ekewe aramas, “Ämi oua püsin chon pwärätä fän itemi, pwe oua filätä ewe Samol mi Lapalap pwe oupwe angang ngeni.” Nge ir ra üreni, “Äm aia chon pwärätä.”