Lukas 11:40 - Chuukese Bible

⁴⁰ Ämi mi umwes! Ifa usun, Kot ewe mi föri lükün esap pwal föri lon?

Lukas 11:40 Iomraidhean Croise

Keneses 1:26

Mürin, Kot a apasa, “Sipwe föri aramas mi wewe ngenikich pwe repwe nemeni ekewe ikenen leset me ekewe mansüsü me ekewe man meinisin won unusen fanüfan.”

Keneses 2:7

Mürin, Kot ewe Samol mi Lapalap a föri eman aramas seni pwülün fanü o wussalong lon pwötün enienin ngasangasen manau. Iei usun manau a tori ewe aramas.

Kölfel 14:1

Ekewe mi umwes ra ekieki lon leluker, “Esap wor Kot.” Ir ra fokun ngau, ra föri sokun föför mi anioput, esap wor eman a föri mine a pwüng.

Kölfel 33:15

I ewe mi afisi ekiekin leluker o silei ar kewe föför meinisin.

Än Salomon Fos 1:22

“Ämi chon wewemang, ifa ükükün fansoun ämi oupwe efich le nonom lon ämi wewemang? Ämi chon turunufas, ifa ükükün fansoun ämi oupwe pwapwaiti ämi turunufas? Ämi chon tiparoch, ifa ükükün fansoun ämi oupwe oput silelap?

Än Salomon Fos 8:5

Ämi chon miritimang, oupwe kaiö mirit, ämi chon tiparoch, oupwe kaiö tipachem.

Jeremaia 5:21

Oupwe rongorong ekei kapas, ämi aramas mi umwes o miritingau. A wor mesemi, nge ousap küna. A wor selingemi, nge ousap rongorong.

Sekaraia 12:1

Iei ewe pworaus ewe Samol mi Lapalap a apasa fän äsengesin Israel. Iei alon ewe Samol mi Lapalap mi ameresala ekewe läng, ewe mi föri fanüfan o atolonga ewe ngasangasen manau lon aramas,

Numperis 16:22

Nge ir ra chapetiu lepwül o apasa, “Äm Kot, en popun manauen aramas meinisin. Ifa usun, kopwe song ngeni unusen ewe mwichen aramas are eman chök mwän a tipis?”

Mateus 23:17

Umwesimi me mesechunemi! Met a fokun aüchea, ekewe mettoch seni kolt ika ewe imwenfel ewe kolt a pin ren?

Mateus 23:26

Mesechunemi, ämi Farisi! Oupwe akomwen limeti lon ewe kap me ewe sepi, mürin epwe pwal limöchüla ewe lükün.

Lukas 12:20

Nge Kot a üreni, ‘Umwesum, lon chök ei pwinin kopwe le mäla. Iwe, iö epwe eäni ekei mettoch meinisin ka amolätä fän itom?’

Lukas 24:25

Iwe, Jesus a üreniir, “Pwota iei me miritimangemi me mangen letipemi! Inet ämi oupwe lükü meinisin mine ekewe soufos ra apasa?

1. Korint 15:36

Ka umwes! Lupwen ka fotuki eföü pwükil lon pwül, esap pwükütä are esap akomwen mäla.

Ipru 12:9

Ina chök usun samach lon pekin fituk, ra apwüngükich, nge kich sia meninitiir. Epwe ifan me watten ach sipwe aleasochisi Samach we lon pekin ngünüch o manau!