Lukas 11:4 - Chuukese Bible

⁴ Kopwe amusala äm kewe tipis pun äm aia amusala chokewe meinisin mi tipis ngenikem. Kosap atolongakem lon sosot.’”

Lukas 11:4 Iomraidhean Croise

Keneses 48:16

pwal ewe chon läng mi amanauaei seni feiengau meinisin epwe afeiöchü ekei ät. Iwe, repwe iteni itei me iten semelapei kewe Apraham me Isaak tori feilfeilachök, repwe pwal fokun chomongola won fanüfan.

1. King 8:34

kopwe aüselingeer me läng o amusala ar tipis. Kopwe aliwinisefäliir ngeni ewe fanü ka fen ngeni ar kewe lewo.

1. King 8:36

mürin kopwe aüselingeer me läng o amusala än noum kewe chon angang ekewe aramasen Israel tipis. Iwe, kopwe aiti ngeniir mine a pwüng pwe repwe föri. Mürin kopwe apüngätiu üt won fanüom, ewe fanü ka ngeni noum aramas pwe repwe fanüeni.

Kölfel 121:7

Ewe Samol mi Lapalap epwe tümwünuk seni feiengau meinisin, i epwe tümwünü manauom.

Kölfel 25:11

Ai Samol mi Lapalap, kopwe amusala ai tipis usun ka pwon, pun ai tipis a kon chomong.

Kölfel 25:18

Kopwe ekieki usun ai riaföü me ai weires o amusala ai kewe tipis meinisin.

Taniel 9:19

Äm Samol, kose mochen kopwe aüselingakem o amusala äm tipis. Äm Samol, kose mochen kopwe aüselinga kem o amüttirato om alilis ngenikem pokiten itom, pwe aramas meinisin repwe silei pwe en Kot. Pun ei telinimw om, nge ekei aramas noum.”

Osea 14:2

Oupwe liwiniti ewe Samol mi Lapalap o eäni ei iotek ngeni, “Kopwe amusala äm kewe tipis meinisin o etiwakem fän om ümöümöch, pwe aipwe mwareituk usun äm aia fen pwon.

Mateus 18:35

Iei usun mine Semei lon läng epwe föri ngeni eman me eman leimi, are ousap amusala tipisin pwimi seni lon letipemi.”

Mateus 26:41

Oupwe mamasa o iotek pwe ousap turutiu lon sosot. Ewe ngün a mochen pwora, nge ewe fituk a apwangapwang.”

Lukas 11:5

Iwe, Jesus a üreni nöün kewe chon kaiö, “Epwe ifa are eman leimi epwe feila lon imwen chiechian lukenipwin o üreni, ‘Pwii, kose mochen üpwe liwinimang reöm ülüföü föün pilawa.

Lukas 13:4

Are ifa usun, ekewe engol me waluman aramas mi mäla, lupwen ewe imw tekia lon Siloam a turutiu wor? Oua ekieki, pwe ir ra kon tipis lap seni ekewe aramas meinisin mi nom lon Jerusalem?

Lukas 22:46

Mürin a aisiniir, “Pwota oua chök mömöür, oupwe pwätä o iotek, pwe ousap turulong lon sosot.”

Lukas 8:13

Ekewe pwükil mi mworotiu lon lenien föüföü ra wewe ngeni chokewe mi rongorong kapasen Kot o etiwa fän pwapwa. Nge pokiten ewe kapas esap tongeni warar lor, ra chök lükü lon fansoun mochomoch. Nge lupwen fansoun sosot a toriir, ra müttir kuf.

Johannes 17:15

Üsap tüngor pwe kopwe angeer seni lon ei fanüfan, nge üa tüngor pwe kopwe tümwünüür seni ewe Eman mi Ngau.

1. Korint 10:13

Ekewe sosot ra torikemi sosotun aramas chök. Nge Kot a apwönüetä an pwon o esap mwütätä ngenikemi pwe oupwe tolong lon sokun sosot mi lap seni ämi tufich. Nge lupwen oupwe tolong lon sosot, i epwe föri efoch alen towu, pwe oupwe tongeni pwora ngeni.

Kolose 3:13

Oupwe songomangfengen o amusamusfengen are eman a chou ngeni eman. Oupwe fokun amusamusfengen usun ach Samol a amusala ämi tipis.

2. Tesalonika 3:3

Nge ach Samol a allükülük, i epwe apöchökülakemi o tümwünükemi seni ewe mi ngau.

2. Timoty 4:18

Ach samol epwe pwal angasaei seni ekewe sokun angangingau meinisin o amanauaei, pwe epwe uweeila ngeni mwün lon läng. I epwe ling tori feilfeilachök! Amen.

James 2:13

Pun Kot esap eäni tong ngeni eman aramas esap eäni tong, lupwen a apwüngü. Pun tong a win lon kapwüng.

Pwärätä 2:10

Kosap niuokusiti och riaföü epwe toruk. Nengeni, ewe Tefil epwe sotunikemi ren an epwe aturalong lon imwen fötek ekoch me leimi, nge oupwe küna riaföü lon ükükün engol rän. Kopwe likitü le lükü, inamwo ika kopwe tolong lon mäla, iwe, üpwe ngonuk ewe mwärin manau.

Pwärätä 3:10

Pokiten ka tümwünü ai kewe kapas, pwe kopwe likitü fän mosonotam, üpwe pwal tümwünuk seni ewe fansoun riaföü epwe feito won unusen fanüfan, pwe epwe sotuni aramas meinisin mi nom won fanüfan.