Lukas 11:39 - Chuukese Bible

³⁹ Iei mine ewe Samol a kapas ngeni, “Ämi kana Farisi, oua limeti lükün ämi kewe kap me sepi, nge lon letipemi a uren mochenia me föföringau.

Lukas 11:39 Iomraidhean Croise

Keneses 6:5

Iwe, ewe Samol mi Lapalap a küna pwe än aramas föföringau a fokun wattela won fanüfan, nge ekiekin leluker a chök ngauala fansoun meinisin.

2. Kronika 25:2

Amasia a föri mine a pwüng me fän mesen ewe Samol mi Lapalap, nge sap seni unusen lelukan.

Kölfel 22:13

Ra amassaw ngeniei usun eman laion mi mwacho a wörüwör o atatakisi liapan.

Än Salomon Fos 26:23

Kapasen tinaw mi motoutou me eu leluk mi ngau ra usun chök motoutoun me misin lükün eu sepi mi för seni pwül.

Än Salomon Fos 26:25

Lupwen a eäni kapasöch ngonuk, kosap lükü, pun lelukan a urela ren ekiek mi anioput.

Än Salomon Fos 30:12

Mi wor aramas ra ekieki pwe ra püsin limöch, nge ra fokun limengau.

Jeremaia 4:14

En Jerusalem, kopwe limeti lelukom seni om föföringau, pwe kopwe manau. Ifa ükükün fansoun an epwe nom lomw om kewe ekiekingau.

Isikiel 22:25

Ekewe samol mi nom lon ra föri ar rawangau. Usun eman laion mi wörüwör a ochei liapan, ina usun ra ochei aramas. Ra angei wöür me pisekir mi aüchea fän pöchökül, ra pwal achomonga ekewe fefin mi mä pwülüer me lon.

Isikiel 22:27

Ekewe nöüwis mi nom lon ra usun chök wolif mi ochei liaper. Iwe, ra nimanauei aramas, pwe repwe pisekisekila ren.

Sefanaia 3:3

Nöün kewe nöüwis ra usun chök laion mi wörüwör, nöün kewe soukapwüng ra usun chök wolif mi echik, resap likiti och tori lesosor.

Mateus 15:19

Pun seni lon lelukan a towu ekiek mi ngau, ekiekin ninni, lisowu, mocheisou, solä, chofona me aitengaua aramas.

Mateus 7:15

“Oupwe afälikemi ren ekewe soufos chofona, ra feito remi lon lapalapen sip me lükün, nge me lon letiper a wewe ngeni tipen ekewe wolif mi mwacho.

Lukas 16:15

Nge Jesus a üreniir, “Ämi oua alapalapöchükemi fän mesen aramas, nge Kot a silei lelukemi. Pun ekewe mettoch aramas ra ekieki pwe ra kon aüchea ra anioput me ren Kot.

Lukas 7:13

Lupwen ewe Samol a küna ewe fefin, a fokun tongei. Iwe, a üreni, “Kosap kechü.”

Lukas 7:19

o tiniirela ren ewe Samol, pwe repwe aisini, “En ewe eman epwe wareto, are sipwe witiwiti pwal eman?”

Johannes 12:6

Jut a apasa ei ititin kapas, sap pokiten an ekieki ekewe chon wöüngau, nge pokiten i eman chon solä. I a tümwünü ewe moni, nge fän ekoch a pwal angei och seni fän püsin itan.

Johannes 13:2

Iwe, Jesus me nöün kewe chon kaiö ra mongön lekuniol. Ewe Tefil a fen atolonga ewe ekiekin afangamä Jesus lon letipen Jutas nöün Simon Iskariot.

Föför 5:3

Mürin Petrus a üreni, “Ananias, pwota ka mwüt ngeni Satan pwe epwe nemeni letipom, pwe ka chofona ngeni Ngünmifel ren om aopala och seni ewe moni ka angei fän iten fanüom we?

Kalatia 1:14

Üa fokun fefeitä lon ai angang ngeni ewe lamalamen chon Juta lap seni chomong piloi kana me lein aramasei, üa pwal fokun tiliken le apwönüetä örünien ach kewe lewo.

2. Timoty 3:5

Repwe pomweni pomwen souläng, nge manamanan ra pöütala. Kosap chiechi ngeni ekei sokun aramas.

Titus 1:15

Mettoch meinisin ra limöch ngeni chokewe mi limöch manauer, nge esap wor och a limöch ngeni chokewe mi limengau manauer, ir chokewe mi lükümang, pun ar ekiek me mwelien letiper a fen limengau.

James 4:8

Oupwe arap ngeni Kot, iwe, epwe arap ngenikemi. Oupwe limeti pöümi, ämi chon tipis kana, oupwe limeti lelukemi, ämi chon tipekinikin kana.