Lukas 11:34 - Chuukese Bible

³⁴ Mesom ra usun chök eu lamp fän iten inisum. Are mesom ra fat, unusen inisum a saram. Nge are mesom a fatangau, unusen inisum epwe rochopwak.

Lukas 11:34 Iomraidhean Croise

Keneses 19:11

Mürin ra achuna ekewe mwän meinisin mi nonom lükün asamalapen ewe imw, seni alüal tori chinlap, pwe resap tongeni küna ewe asamalap.

Kölfel 119:18

Kopwe suki mesei pwe üpwe küna ekewe mettoch mi amwarar seni lon om kewe allük.

Kölfel 81:12

Iei mine üa asechirela lon ar tipeförea pwe repwe chök föri mine ra mochen.

Än Salomon Fos 21:4

Meselamalamtekia me tipelamalamtekia ekei sokun föför ekewe aramasangau ra tipis ren.

Än Salomon Fos 28:22

Eman aramas mi tipemong a mochen müttir küna pisekisek, nge esap silei pwe wöüngau epwe tori.

Aisea 29:10

Pun ewe Samol mi Lapalap a apüngätiu womi eu möürüchou. Iwe, a apüngala mesen ekewe chon mesenikemi, nöümi kewe soufos, a pwal pwölüela möküren ekewe chon mökürenikemi, nöümi kewe souürür.

Aisea 42:19

Iö a mesechun usun nei we chon angang, ika iö a selingepüng usun nei we chon künö ngang üa tini? Iö a mesechun usun ätewe mi fangala manauan ngeniei, ika usun nei we chon angang?

Aisea 44:18

Iwe, ekei aramas resap silei och, resap pwal wewe ren, pun Kot a achuna meser pwe resap tongeni küna, a pwal apüngü letiper pwe resap tongeni wewe.

Aisea 5:20

Feiengauemi, ämi mi aita ngeni mürina mine a ngau, nge ngeni ngau mine a mürina. Oua awili rochopwak ngeni saram, nge saram ngeni rochopwak, oua pwal awili ngeni arar mine a maras, nge ngeni maras mine a arar.

Aisea 6:10

Kopwe aföüala letipen ekei aramas, kopwe apüngala selinger o achunala meser, pwe resap tongeni künakün ren meser ika rongorong ren selinger ika wewe ren letiper, pwe resap kul o küna manau.”

Jeremaia 5:21

Oupwe rongorong ekei kapas, ämi aramas mi umwes o miritingau. A wor mesemi, nge ousap küna. A wor selingemi, nge ousap rongorong.

Markus 4:12

‘Iei usun repwe nenengeni me nenengeni, nge resap küna och, repwe rongorong me rongorong, nge resap wewe ren. Pun are repwe wewe ren, repwe kul ngeni Kot, nge i epwe amuserela.’”

Markus 7:22

maicha, föföringau, atuputup, mochenia, lolowo, kapasingau, lamalamtekia me miritingau.

Markus 8:18

A wor mesemi, pwota ousap küna och? A wor selingemi, pwota ousap rongorong? Ousap chechemeni

Lukas 11:35

Iei mine kopwe tümwünüöchuk, pwe ewe saram mi nom lomw esap rochopwak.

Föför 13:11

Pöün ach Samol epwe feitiu womw iei chök. Kopwe mesechun, pwe kosap chüen tongeni küna saramen akkar lon eu fansoun.” Lon ewe chök otun och toputop me rochopwak a feitiu won Elimas o atoputopala lon mesan. Iwe, a atapfeil o kütta eman epwe wisen amwöchü pöün o emweni.

Föför 2:46

Iteiten rän ra tipeeufengen le mwichfengen lon ewe imwenfel, ra mongöfengen lon imwer fän pwapwa me tipetekison.

Föför 26:18

Kopwe aneloi meser, pwe repwe kul seni rochopwak o kul ngeni saram, repwe towu seni fän nemenien Satan o tolong fän nemenien Kot, nge ren ar lüküei repwe küna amusamusen ar tipis kana o angei lenier ren chokewe mi pin.’

2. Korint 1:12

Iwe, iei met aia aingaing won, pwe mwelien letipem a pwäri ngenikem pwe manauem won ei fanüfan, pwal fokun äm chiechifengen me ämi a fis fän let me wenechar mi feito seni Kot. Äm aia föri iei usun, sap fän tipachemen fanüfan, nge fän än Kot ümöümöch.

2. Korint 11:3

Nge ngang üa niuokus pwe usun ewe serepenit a atupu Efa ren an tipachemsolä, iei usun ämi ekiek epwe tokola seni ämi enletin echeni Kraist fän allükülük.

2. Korint 4:4

Ewe koten ei fanüfan a achuna ekiekin letipen chokewe resap lükü, pwe resap tongeni küna saramen ewe Pworausen Manau usun ewe lingen Kraist, i ewe mi lapalapeni lapalapen Kot.

Efisos 1:17

o tüngor ngeni än ach we Samol Jesus Kraist we Kot, i Samach we mi ling, pwe epwe ngenikemi ewe Ngünmifel. I ewe mi atipachemakemi o asile ngenikemi usun Kot, pwe epwe lapala ämi silei i.

Efisos 6:5

Ämi amanau, oupwe aleasochisi ämi samol lon ei fanüfan fän niuokus me chechech. Oupwe föri ei fän wenecharen lelukemi usun chök nge oupwe aleasochisi Kraist.

Kolose 3:22

Ämi amanau kana, oupwe aleasochisi ämi samol lon ei fanüfan lon mettoch meinisin, sap lupwen chök ar nenengenikemi pokiten oua mochen aitöchükemi. Nge oupwe föri ämi angang fän wenecharen letipemi, pun oua meniniti ach Samol.