Lukas 11:28 - Chuukese Bible

²⁸ Nge Jesus a pölüeni, “Ewer, nge ra feiöch chokewe mi rong kapasen Kot o aleasochis ngeni.”

Lukas 11:28 Iomraidhean Croise

Kölfel 112:1

Ousipwe mwareiti ewe Samol mi Lapalap. A feiöch ewe aramas mi niuokusiti ewe Samol mi Lapalap, mi pwapwaiti an epwe aleasochisi an kewe allük.

Kölfel 128:1

Ra feiöch ir meinisin mi niuokusiti ewe Samol mi Lapalap, chokewe mi aleasochisi an kewe allük.

Än Salomon Fos 19:16

Eman aramas mi aleasochisi än Kot allük a tümwünü manauan, nge eman mi turunufasei an kapas epwe mäla.

Än Salomon Fos 8:32

Nge iei ämi nei kana, oupwe aüselingaei: Oupwe apwönüetä mine üa ürenikemi, pwe oupwe feiöch.

Lukas 8:21

Nge Jesus a üreniir, “Inei me pwii ir chokewe mi rongorong kapasen Kot o aleasochis ngeni.”

Johannes 13:17

Iei oua silei ekei mettoch, oupwe feiöch are oupwe apwönüretä.

Pwärätä 1:3

A feiöch eman mi aleani ei puk, ra pwal feiöch chokewe mi rongorong ngeni ekei kapasen pwärätä o aleasochis ngeni mine a mak lon. Pun ewe fansoun a arap än ekei mettoch meinisin repwe fisitä.

Pwärätä 22:14

Ra feiöch chokewe mi limeti üfer pwe repwe limöch, pwe epwe wor ar pwüüng ar repwe mongö seni uän ewe irän manau, repwe pwal tolong lon ekewe asamalap o tolong lon ewe telinimw.