Lukas 11:27 - Chuukese Bible

²⁷ Iwe, lupwen Jesus a apasa ekei kapas, eman fefin me lon ewe mwich a kötä o üreni, “Feiöchün ewe fefin mi nöünuk o oupwuk!”

Lukas 11:27 Iomraidhean Croise

Än Salomon Fos 23:25

Kopwe föri mine semom me inom repwe pwapwa ren, amwo neminewe mi nöünuk epwe meseik reöm.

Lukas 1:28

Ewe chon läng a feito ren Maria o üreni, “Kinamwe epwe toruk! Ewe Samol a nom reöm, a pwal fokun afeiöchuk.”

Lukas 1:42

o a apasa fän leüömong, “Ka fokun feiöch me lein fefin meinisin, a pwal feiöch ewe mönükol kopwe nöünätiu.

Lukas 1:48

pun a chechemeniei, ngang nöün chon angang mi tekisoson. Seni ei fansoun aramas meinisin repwe aita ngeniei pwe ngang eman mi feiöch.

Lukas 11:26

Mürin epwe feila o panato pwal füman ngün mi ngau seni i. Iwe, repwe feito o nonom lon. Iwe, manauen ewe aramas epwe fokun ngau seni me mwan.”

Lukas 23:29

Pun repwe war ekewe rän, lupwen aramas repwe apasa, ‘Feiöchün ekewe fefin mi rit, ekewe fefin resap nöünöü, pwal ekewe resap oupwu semirit.’