Lukas 11:2 - Chuukese Bible

² Iwe, Jesus a üreniir, “Lupwen oupwe iotek, iei usun mine oupwe apasa, ‘Semem, itom epwe pin, Mwum epwe war.

Lukas 11:2 Iomraidhean Croise

1. King 8:43

kopwe aüselinga me läng ewe ia ka nom ie. Iwe, kopwe mwütätä meinisin mine ewe chon ekis a tüngor ngonuk. Ren ei ekewe aramasen fanüfan meinisin repwe silei itom o meninituk, usun noum kewe aramasen Israel ra föri, repwe pwal silei pwe ei imwenfel üa aüetä a eu leni ia aramas repwe fel ngonuk ie.

2. King 19:19

Nge iei, ai Kot Samol mi Lapalap, üa tüngor ngonuk, kopwe amanauakem seni Sanherip, pwe chon ekewe mwün fanüfan meinisin repwe silei pwe en chök Kot ewe Samol mi Lapalap.”

2. Kronika 20:6

Iwe, a iotek, “Äm Samol mi Lapalap, en äm kewe lewo we Kot. En ewe Koten läng, ka nemenem won ekewe mwün fanüfan meinisin. Ka fokun manaman o pöchökül, esap wor eman a tongeni ü ngonuk.

Kölfel 103:20

Oupwe mwareiti ewe Samol mi Lapalap, ämi nöün chon läng kana, ämi mi pwora o aleasochisi an kapas, ämi mi aüselinga alon.

Kölfel 108:5

Ai Kot, kopwe pwäri om tekia asen ekewe läng. Om ling epwe pwäla won unusen fanüfan.

Kölfel 11:4

Ewe Samol mi Lapalap a nom lon imwan mi pin, än ewe Samol mi Lapalap lenien motun king a nom lon läng. A netiu won fanüfan o ouwasacha aramas meinisin, a pwal silei mine ra föri.

Kölfel 57:11

Ai Kot, kopwe pwäri om tekia asen ekewe läng. Om ling epwe pwäla won unusen fanüfan.

Än Salomon Afalafal 5:2

Kosap awakai, kosap pwal mwökütükai lon lelukom pwe kopwe müttir le fos fän mesen Kot, pun Kot a nom won läng, nge en ka nom won fanüfan. Iei mine kosap achomonga om kapas.

Aisea 63:16

Nge en Semelapem, inamwo are Apraham esap silekem, ika Jakop esap ekieki usum. Äm Samol mi Lapalap, en semelapem, en äm Chon Amanau, iei itom seni chök lomlom.

Isikiel 36:23

Üpwe aüöchüsefäli pinin itei mi tekia, ämi oua aitengaua me lein chon ekewe mwü. Mürin chon ekewe mwü repwe silei pwe ngang ewe Samol mi Lapalap, lupwen üpwe pwäri ngeniir pwe üa pin me remi. Ngang Kot ewe Samol mi Lapalap üa kapas.

Taniel 2:28

Nge mi wor eman Kot won läng a pwäri mine a monomon, a pwal pwäri ngonuk, en king Nepukatnesar, mine epwe fis me mürin. Iei usun om we tan me künaom, lupwen ka annut.

Taniel 2:44

Iwe, lon fansoun mwün ekewe king, ewe Koten läng epwe aüetä eu mwü esap tongeni tala, esap pwal wor eu mwü epwe tongeni akufu. Iwe, ei mwü epwe ataela o arosala ekewe lusun mwü, nge epwe püsin nom tori feilfeilachök.

Taniel 7:18

Nge chon pin kana nöün Ewe mi Fokun Tekia repwe angei ewe mwü o mwüni tori feilfeilachök.”

Taniel 7:27

Nge ewe mwichen chon pin nöün Ewe mi Fokun Tekia repwe angei nemenem me ling, pwe repwe nemeni mwü kana meinisin mi nom won fanüfan. Iwe, mwür epwe nonom tori feilfeilachök, nge sounemenem meinisin repwe angang ngeniir o aleasochisiir.”

Osea 14:2

Oupwe liwiniti ewe Samol mi Lapalap o eäni ei iotek ngeni, “Kopwe amusala äm kewe tipis meinisin o etiwakem fän om ümöümöch, pwe aipwe mwareituk usun äm aia fen pwon.

Lifitikos 10:3

Mürin, Moses a üreni Aaron, “Iei usun wewen mine ewe Samol mi Lapalap a apasa: Üpwe pwärätä pwe ngang üa pin me lein chokewe ra kan ngeniei, nge üpwe pwal alinga ai ling fän mesen aramas meinisin.” Iwe, Aaron a chök fanafanala.

Lifitikos 22:23

Iwe, eman kow ika eman sip mi wor efoch pechen a kon langatam ika mochomoch oua tongeni uwato fän iten asor seni püsin letipemi. Nge ei sokun man esap tufich ngeni asoren pwon.

Apakuk 2:14

Nge än chon fanüfan silei lingen ewe Samol mi Lapalap epwe alolol usun matau a alolol.

Mateus 10:32

“Iwe, iö a pwäriei mwen mesen aramas, pwal ngang üpwe pwäri mwen mesen Semei lon läng.

Mateus 3:2

Iwe, a apasa, “Oupwe aier seni ämi tipis, pun a arap Mwün Läng.”

Mateus 5:16

Iei usun ämi saram epwe tittin mwen ekewe aramas, pwe repwe küna ämi föför mürina o mwareiti Sememi lon läng.

Lukas 11:1

Lon eu rän Jesus a iotek lon eu leni. Lupwen a wes le iotek, eman lein nöün kewe chon kaiö a üreni, “Äm Samol, kopwe aiti ngenikem iotek usun Johannes a aiti ngeni nöün kewe chon kaiö.”

Nöün Paulus Toropwe ngeni ekewe Souläng lon Rom 1:7

Iei mine üa mak ngenikemi meinisin mi nom lon Rom, ämi chokewe Kot a echenikemi o körikemi pwe oupwe chon pin: Kot Samach me ach Samol Jesus Kraist epwe ngenikemi ümöümöch me kinamwe.

Nöün Paulus Toropwe ngeni ekewe Souläng lon Rom 8:15

Pun ewe Ngün Kot a ngenikemi esap nöünikemi chon angang pwe oupwe niuokus, nge ewe Ngün a atolongakemi lon tettelin nöün Kot. Iwe, ren atufichien ewe Ngün sia kökkö ngeni Kot, “Sam! Semei!”

1. Korint 1:3

Iwe, Samach Kot me ach Samol Jesus Kraist epwe ngenikemi ümöümöch me kinamwe.

2. Korint 1:2

Samach Kot me ach Samol Jesus Kraist epwe ngenikemi ümöümöch me kinamwe.

Kalatia 1:4

Kraist a fangala manauan fänäsengesin ach tipis kana ren an aleasochisi letipen ach Kot i Samach pwe epwe angasakich seni ei fansoun mi ngau.

Efisos 1:2

Samach Kot me ach Samol Jesus Kraist epwe fang ngenikemi ümöümöch me kinamwe.

Filipi 1:2

Samach Kot me ach Samol Jesus Kraist epwe ngenikemi ümöümöch me kinamwe.

Filipi 4:20

Ach Kot, i Samach epwe küna ling tori feilfeilachök! Amen.

Kolose 1:2

aia kapong ngeni ekewe chon pin lon Kolose, ir pwiich kewe mi allükülük lon Kraist: Samach Kot epwe fang ngenikemi ümöümöch me kinamwe.

1. Tesalonika 1:1

Äm Paulus, Silas me Timoty aia kapong ngeni chon ewe mwichefel lon Tesalonika, ir nöün Samach Kot me ach Samol Jesus Kraist: Ümöümöch me kinamwe epwe nonom remi.

1. Tesalonika 1:3

Pun aia chechemeni me mwen ach Kot i Samach usun ämi lükülük mi pwä lon ämi föför, usun ämi tong mi pwä lon ämi angang weires, pwal usun ämi apilükülüköch mi nüküchar lon ach Samol Jesus Kraist.

2. Tesalonika 2:16

Püsin ach Samol Jesus Kraist me Samach Kot, ewe mi echenikich o fang ngenikich chipen letipach fansoun meinisin pwal ach apilükülüköch ren an ümöümöch,

Pwärätä 11:15

Mürin ewe afümanün chon läng a ettiki nöün rappwa, iwe, a wor chomong möngüngü mi leüömong lon läng, ra apasa, “Ewe manamanen nemeni fanüfan, iei a nom ren ach Samol me nöün we Messaia. Iwe, epwe nemenem tori feilfeilachök.”

Pwärätä 15:4

Iö esap niuokusituk o alinga itom, en äm Samol? Pun en chök ka pin. Chon ekewe mwü meinisin repwe feito o fel ngonuk, pun om kewe föför mi pwüng ra pwäpwäla ngeni aramas meinisin.”

Pwärätä 19:6

Mürin üa rongorong eu möngüngü mi wewe ngeni möngüngün eu mwichen aramas mi fokun watte, a pwal wewe ngeni ngüngün chomong koluk me chopun chopulap mi leüömong a apasa, “Ousipwe mwareiti Kot! Pun ach Samol, ewe Kot mi Unusen Manaman a nemenem.

Pwärätä 20:4

Mürin üa küna ekoch lenien motun king, nge chokewe mi mot wor ra angei ewe pöchökül pwe repwe tongeni eäni kapwüng. Üa pwal küna ngünün chokewe mi ninnila pokiten ar arongafeili ewe let Jesus a pwärätä me än Kot kapas. Ir chokewe resap fel ngeni ewe manmwacho ika uluulun we, resap pwal angei asisilen ewe manmwacho won chamwer ika won pöür. Ra manausefäl o eti Jesus le nemenem lon ükükün engeröü ier.