Lukas 11:13 - Chuukese Bible

¹³ Iwe, are mwo ämi aramas mi ngau oua silei ämi oupwe fang ngeni nöümi lifang mi mürina, epwe fen ifa me watten än Sememi lon läng fangela Ngünmifel ngeni chokewe mi tüngorei!”

Lukas 11:13 Iomraidhean Croise

Keneses 8:21

Nge lupwen ewe Samol mi Lapalap a tini pwoöchün ewe asor, a ekieki lon lelukan, “Üsap chüen anümamaua fanüfan pokiten aramas. Üa silei pwe ekiekin leluken aramas a ngau seni lekisikisin. Üsap chüen arosala mönümanau meinisin, usun üa piin föri.

Kölfel 51:5

Ellet ngang eman chon tipis seni ai uputiu. Ngang üa uren tipis seni ewe fansoun inei a nöünieitiu.

Än Salomon Fos 1:23

Are oupwe aüselinga ai kewe kapasen fön, ngang üpwe pwärätä ngenikemi ai ekiek, üpwe asile ngenikemi ai kewe kapas.

Aisea 49:15

Nge ewe Samol mi Lapalap a üreni, “Ifa usun, eman fefin epwe tongeni manlükala nöün mönükol, pwe esap tongeäsini nöün won inisin? Nge are epwe fen manlükala, ngang üsap manlukuk.

Isikiel 36:27

Üpwe fangelong lomi Ngüni, pwe oupwe tümwünüöchü ai kewe pwüüng o aleasochisi ai kewe allük.

Sowel 2:28

“Mürin, epwe war ewe fansoun pwe üpwe tinato Ngüni won aramas meinisin. Nöümi mwän me fefin repwe osuni, ekewe chinlap mwän me leimi repwe eäni tan, nge nöümi alüal epwe wor künaer.

Mateus 5:16

Iei usun ämi saram epwe tittin mwen ekewe aramas, pwe repwe küna ämi föför mürina o mwareiti Sememi lon läng.

Mateus 5:45

pwe oupwe wiliti nöün Sememi mi nom läng. Pun i a atötai förian akkar won ekewe aramasangau me aramasöch, nge a apüngatiu üt won chon pwüng me chon pwüngingau.

Mateus 6:14

Pun are oupwe amusala än aramas tipis, Sememi mi nom läng epwe pwal amusala ämi tipis.

Mateus 6:30

Are iei usun än Kot aüfa ekewe fetilin lemäl, fetil mi wor ikenai, nge lesor epwe koturulong lon um, ifa usun, Kot esap fokun aüföüfakemi lap seniir? Ämi oua lükülük kisikis!

Mateus 6:32

Pun chokewe resap silei Kot ra chök ekieki usun ekei mettoch. Iwe, Sememi lon läng a silei pwe oua osupwang ren ekei mettoch.

Mateus 7:11

Iwe, are mwo ämi aramas mi ngau, nge oua silei ämi oupwe fang ngeni nöümi lifang mi mürina, epwe fen ifan me watten än Sememi lon läng fangala mettoch mi mürina ngeni chokewe mi tüngorei!

Lukas 11:12

Nge are epwe tüngor eföü sokul, epwe ngeni eman mönükam?

Lukas 11:2

Iwe, Jesus a üreniir, “Lupwen oupwe iotek, iei usun mine oupwe apasa, ‘Semem, itom epwe pin, Mwum epwe war.

Lukas 18:7

Ifa usun, Kot esap fokun pwärala än nöün kewe mi fil pwüng, ir chokewe mi kökköri le rän me le pwin? Ifa usun, epwe mang le alisiir?

Johannes 4:10

Iwe, Jesus a pölüeni, “Are kopwe chök silei än Kot lifang, pwal ätewe mi tüngor ngonuk ünüman koluk, kopwe fen tüngor ngeni, nge i epwe ngonuk ewe kolukun manau.”

Föför 2:38

Petrus a pölüeniir, “Ämi meinisin oupwe aier seni ämi tipis kana o papatais ngeni iten Jesus Kraist, pwe ämi tipis kana repwe musala. Iwe, oupwe angei an Kot we lifang, ewe Ngünmifel.

Nöün Paulus Toropwe ngeni ekewe Souläng lon Rom 5:17

A pwüng pwe ren tipisin ewe eman mwän mäla a popuetä le nemenem, pokiten ewe chök eman mwän. Nge epwe ifan me watten ewe feiöch mi fis ren ewe chök eman mwän Jesus Kraist! Iwe, chokewe meinisin mi etiwa än Kot ümöümöch mi somwola me an we lifangen pwüng repwe nemenem lon manauer ren Kraist.

Nöün Paulus Toropwe ngeni ekewe Souläng lon Rom 7:18

Ngang üa silei pwe mine a mürina esap nom loi, wewen esap nom lon fitukei. Pun inamwo ika a nom rei ewe mochenin föri mine a mürina, nge üsap tongeni föri.

Nöün Paulus Toropwe ngeni ekewe Souläng lon Rom 8:32

Ewer, esap Kot, pun i esap mwo nge amwöchü püsin Nöün, pwe a fangala fänäsengesich meinisin. Ifa usun, esap pwal fang ngenikich mettoch meinisin me Nöün we?

Titus 3:3

Pun me lom püsin kich sia miritimang o aleasolap, sia pwal mwalechela. Sia nom fän nemenien sokopaten mochenia me pwapwan fanüfan. Sia manaueni eu manau mi ngau me lolowo, aramas ra oputakich, nge kich sia oputa ir.