Lukas 10:7 - Chuukese Bible

⁷ Oupwe chök nonom lon ewe imw, oupwe mongö o ün mine ra etiwa ngenikemi, pun eman chon angang epwe angei liwinin. Ousap feila seni ewe imw oua nom lon o feila ngeni pwal eu.

Lukas 10:7 Iomraidhean Croise

Numperis 18:31

Iwe, ewe lusun oupwe tongeni mongö ekis meinisin, ämi me chon leimwemi. Pun iei liwinimi fän iten ämi angang lon ewe imwenfel seni mangaku.

Markus 6:10

A pwal üreniir, “Lon meni leni ra etiwakemi, oupwe nonom lon ewe imw tori ämi oupwe towu seni ewe telinimw.

Lukas 10:6

Iwe, are eman aramas mi efich kinamwe a nom ikenan, ämi kinamwe epwe nonom won. Nge are eman esap efich kinamwe, ämi tüngorun kinamwe epwe liwinsefälitikemi.

Lukas 9:4

Lon meni imw ra etiwakemi lon, oupwe nonom lon ewe imw tori oupwe towu seni ewe telinimw.

Föför 16:15

Mürin än neminei me chon leimwan papatais a tüngor ngenikem, “Oupwe feito o nonom lon imwei are oua ekieki pwe ngang eman chon enletin lükü ach Samol.” Iwe, a pesekem pwe aipwe feila lon imwan.

Föför 16:34

Mürin a emwenala Paulus me Silas lon püsin imwan o amongöniir. Iwe, i me chon an famili meinisin ra fokun pwapwa, pun iei ra lükü Kot.

Föför 16:40

Iwe, lupwen ar towu seni ewe imwen fötek, ra feila lon imwen Litia. Ikenan ra churi chiechier kewe chon lükü Jesus o apöchöküla letiper ren ar kapas, mürin ra feila seniir.

Kalatia 6:6

Eman mi kaiö Kapasen Kot epwe aeafengen me nöün we sense ekewe mettoch meinisin mi mürina a eäni.

Tuteronomi 12:12

Iwe, oupwe pwapwa fän mesen ewe Samol mi Lapalap ämi we Kot, ämi me nöümi mwän me nöümi fefin, nöümi chon angang mwän me chon angang fefin, pwal ekewe mwän seni ewe ainangen Lefi mi nom lon ämi kewe telinimw, pun esap wor fanüer me wiser remi.

Tuteronomi 18:8

Iwe, epwe wor inetin mongö usun chök inetin chienan kewe, inamwo ika a fen angei moni seni mine an me won saman a amömöla.”

1. Timoty 5:13

Ra pwal aörüni ngeniir ar repwe asolapala ar fansoun ren ar einimweifeil. Nge resap chök asolapala ar fansoun, pwe ra pwal aörüni ngeniir ar epwe luapas o fosolong lon än eman angang, ra kakapas won mettoch esap wiser pwe repwe kapas won.

2. Timoty 2:6

Eman chon tanipi mi föri an angang weires epwe akomwen angei wisan seni uän ewe räs.