Lukas 10:4 - Chuukese Bible

⁴ Ousap uwou lenien iseis moni are pwotou are eu pean sus. Ousap üla pwe oupwe kapong me won al.

Lukas 10:4 Iomraidhean Croise

Keneses 24:33

Nge lupwen a uwato mongö ren ewe mwän, ätewe a üreni, “Üsap fokun mongö tori üpwe wes me apworausa pworausei.” Mürin, Lapan a pälüeni, “Kopwe pworaus.”

Keneses 24:56

Nge ewe chon angang a pälüeni, “Ouse mochen ousap amwöchüei, pun ewe Samol mi Lapalap a afeiöchü ai sai. Ouse mochen oupwe mwüt ngeniei pwe üpwe liwinla ren ai samol.”

2. King 4:24

Mürin, neminewe a rietä ewe lenien mot won ewe aas o üreni nöün chon angang, “Kopwe amüttiri ewe aas, nge kosap amanga tori üpwe ürenuk.”

2. King 4:29

Iwe, Elisa a üreni Kehasi, “Kopwe anükünükuk, kopwe angei woki o säla. Are kopwe churi eman, kosap kapong ngeni, nge are eman epwe kapong ngonuk, kosap pälüeni. Iwe, kopwe tolong lon ewe imw o anomu woki won mesen ewe ät.”

Än Salomon Fos 4:25

Mesom epwe newenewenela, kopwe chök nefotofotola mwom.

Markus 6:7

A körifengeni nöün kewe engol me ruoman chon kaiö o tiniirela akaruoman. Iwe, a ngeniir manaman won ekewe ngününgau,

Lukas 22:35

Mürin Jesus a aisini nöün kewe chon kaiö, “Lupwen üa tinikemiila, nge ousap uwou pwotou, chota me sus, ifa usun, oua osupwangen och mettoch?” Iwe, ra pölüeni, “Ap, aisap osupwangen och mettoch.”

1. Samuel 21:8

Iwe, Tafit a üreni Ahimelek, “Ifa usun, mi wor reöm efoch siles ika efoch ketilas ka tongeni ngeniei? Pun ngang üsap uwei efoch nei ketilas ika ai pisekin maun, pokiten än ewe king angang a fokun tawat.”