Lukas 10:35 - Chuukese Bible

³⁵ Sorotän ewe rän a angei ruoföü föün moni silifer o ngeni mine än ewe imwen wasöla. Iwe, a üreni, ‘Kopwe tümwünü ätei, nge lupwen üpwe liwinsefäliti ikei, üpwe mönätiu meinisin mine esap naf won liwinin.’”

Lukas 10:35 Iomraidhean Croise

Än Salomon Fos 19:17

Eman aramas mi kichiöch ngeni chon wöüngau a fangala ngeni ewe Samol mi Lapalap, nge i epwe liwini ngeni liwinin an föför.

Mateus 18:28

Mürin ewe chon angang a feila o a küna eman chiechian chon angang mi liwinimang ngeni fitu chök chala. Iwe, a turufi ätewe, a fiei chioran o üreni, ‘Kopwe mönisefäli om we liwinimang ngeniei.’

Mateus 20:2

A tipeeu ngeni pwe epwe möniir won ükükün eföü moni silifer, iei liwinin eman chon angang lon eu rän. Mürin a tiniirela pwe repwe angang lon an tanipin wain.

Lukas 10:34

Iwe, a feito ren, a epiti kinasan kewe ngeni lö me wain o finiti ngeni wotai. Mürin a ekietä ewe mwän won nöün we man, a uwala ngeni eu imwen wasöla o a tümwünü.

Lukas 10:36

Mürin Jesus a aisini ewe Sensen Allük, “Met ka ekieki, iö lein ekei ülüman mwän a föri föförün eman chon arun ngeni ätewe mi feiengau ren chon solä?”

Lukas 14:13

Nge lupwen ka föri eu kametip, kopwe köri ekewe chon mwelele, ekewe chon ter, ekewe chon pechemä me ekewe chon chun.

Nöün Paulus Toropwe ngeni ekewe Souläng lon Rom 16:23

Kaius, ätewe üa nonom ren, pwal chon ewe mwichefel a mwichfengen lon imwan ra kapong ngenikemi. Erastus, ewe chon tümwünü moni fän iten ewe telinimw, me pwiich Kwartus ra kapong ngenikemi.