Lukas 10:28 - Chuukese Bible

²⁸ Iwe, Jesus a pölüeni, “Mi pwüng mine ka apasa. Iei usun mine kopwe föri, iwe, kopwe manau.”

Lukas 10:28 Iomraidhean Croise

Nehemia 9:29

Ka fönöör pwe repwe aleasochis ngeni om kewe allük. Nge ir ra chök lamalamtekia o aleasolap ngeniir. Iwe, ra tipis ren ar puri om kewe pwüüng, are eman epwe fen apwönüretä, epwe manau ren. Iwe, ra ülöförea o tipepöchökül, nge resap mochen aleasochis.

Än Salomon Fos 19:16

Eman aramas mi aleasochisi än Kot allük a tümwünü manauan, nge eman mi turunufasei an kapas epwe mäla.

Isikiel 20:11

Üa ngeniir ai kewe allük o aiti ngeniir ai kewe pwüüng, pwe chokewe mi aleasochisiir repwe manau.

Isikiel 20:13

Nge ekewe chon Israel ra lükümach o ü ngeniei lon ewe fanüapö. Ra fokun purätiu ai kewe allük o aleasolapa ai kewe pwüüng aramas ra wisen aleasochisiir, pwe repwe manau ren. Iwe, ra pwal fokun apiningaua pinin ai kewe ränin sapat. Iei popun üa ekiekin awarato ai lingeringer wor lon ewe fanüapö, pwe repwe rosola meinisin.

Isikiel 20:21

Nge nöür kewe ra pwal lükümach o ü ngeniei. Resap fokun alesochisi ai kewe allük, resap pwal apwönüetä ai kewe pwüüng aramas ra wisen aleasochisiir pwe repwe manau ren. Iwe, ra pwal apiningaua pinin ai kewe ränin sapat. Iei popun üa ekiekin awarato ai lingeringer wor o amüchü ai song ngeniir lon ewe fanüapö.

Lifitikos 18:5

Iei mine oupwe fokun apwönüetä ai kewe allük me pwüüng, pun are eman aramas epwe aleasochisiir, epwe manau. Ngang ewe Samol mi Lapalap.

Mateus 19:17

Jesus a pölüeni, “Pwota ka aisiniei usun mine a mürina? A chök wor Eman mi mürina. Are ka mochen angei manau esemüch, kopwe apwönüetä ekewe allük.”

Markus 12:34

Iwe, lupwen Jesus a mefi usun an tipachem le pölüeni, a üreni, “Kosap toau seni ewe Mwün Kot.” Mürin chök ei esap chüen wor eman a tongeni ais ngeni Jesus och kapas ais.

Lukas 7:43

Simon a pölüeni, “Üa ekieki pwe ewe eman a kon watte an liwinimang a musola.” Iwe, Jesus a üreni, “Mi pwüng mine ka apasa.”

Nöün Paulus Toropwe ngeni ekewe Souläng lon Rom 10:4

Pun Kraist a fen aükätiu manamanen ekewe Allük, pwe iteiten aramas mi lükü repwe küna pwüng me ren Kot.

Nöün Paulus Toropwe ngeni ekewe Souläng lon Rom 3:19

Iei sia silei pwe meinisin mine a mak lon ekewe Allük a fän iten chokewe mi nom fän ekewe Allük pwe epwe aükätiu än aramas meinisin künetipingen o atolonga unusen fanüfan fän än Kot kapwüng.

Nöün Paulus Toropwe ngeni ekewe Souläng lon Rom 7:10

Iwe, üa mäla. Itä ewe allük epwe aworato manau, nge a chök aworato mäla ngeniei.

Kalatia 3:12

Nge ekewe Allük resap longolong won lükülük, pun iei usun mine a mak lon ekewe Toropwe mi Pin, “Iö a föri pwüngün ekewe Allük epwe manau.”

Tuteronomi 6:24

Mürin, ewe Samol mi Lapalap a allük ngenikem pwe aipwe aleasochsi ekei allük meinisin o meniniti ewe Samol mi Lapalap ach we Kot, pwe aipwe feiöch iteiten fansoun, nge i epwe amwöchü manauem, usun a fis ikenai.