Lukas 10:27 - Chuukese Bible

²⁷ Iwe, ewe mwän a pölüeni, “Kopwe echeni ewe Samol om Kot ren unusen lelukom, ren unusen ngünum, ren unusen tufichum me unusen ekiekum. Kopwe pwal echeni chon arum usun püsin om echenuk.”

Lukas 10:27 Iomraidhean Croise

Lifitikos 19:18

Kosap püsin ngeni ätewe mi tipis ngonuk chappen an föför, kosap pwal chou ngeni eman lein aramasom. Nge kopwe echeni chon arum usun püsin om echenuk, pun ngang ewe Samol mi Lapalap.

Mateus 19:19

Kopwe asamolu semom me inom, kopwe echeni chon arum usun püsin om echenuk.”

Lukas 10:26

Jesus a pölüeni, “Met a mak lon ewe Allük? Met ka aleani?”

Nöün Paulus Toropwe ngeni ekewe Souläng lon Rom 13:9

Ekewe allük, “Kosap lisowu, kosap solä, kosap mocheniaiti pisekin eman”, ekei allük meinisin me pwal ekewe ekoch ra nom fän ewe eu chök allük, “Kopwe echeni chon arum usun püsin om echenuk.”

Kalatia 5:13

Nge ämi pwii kana, Kot a körikemi pwe oupwe ngas. Nge pokiten oua ngas, ousap ekieki pwe oua tongeni mwüt ngeni mochenian fitukemi epwe chüen nemenikemi, nge oupwe angangfengen lefilemi fän tong.

Tuteronomi 10:12

“Iwe, ämi chon Israel, met ewe Samol mi Lapalap ämi we Kot a mochen pwe oupwe föri? A chök mochen pwe oupwe meniniti i o föri meinisin mine a allük ngenikemi. Oupwe echeni o angang ngeni seni unusen lelukemi me unusen ngünümi.

Tuteronomi 30:6

Ewe Samol mi Lapalap ämi we Kot epwe limeti lelukemi me leluken mwirimwirimi kewe, pwe oupwe echeni i ren unusen lelukemi pwal ren unusen ngünümi, pwe oupwe manau.

Tuteronomi 6:4

Kopwe aüseling Israel: Ewe Samol mi Lapalap ach Kot i chök ewe Samol mi Lapalap.

Tuteronomi 6:5

Kopwe echeni ewe Samol mi Lapalap om Kot ren unusen lelukom, ren unusen ngünum, pwal ren unusen tufichum.

Ipru 8:10

Iwe, iei ewe pwon üpwe föri ngeni ekewe chon Israel lon ewe fansoun epwe feito, iei alon ewe Samol: Üpwe atolonga ai kewe allük lon ekiekiir o makkeretiu lon letiper. Iwe, ngang üpwe ar Kot, nge ir repwe nei aramas kana.

James 2:8

Oua föri mine a pwüng are oua aleasochis ngeni allükün ewe Mwün Kot mi mak lon ekewe Toropwe mi Pin, “Kopwe echeni chon arum usun püsin om echenuk.”

1. Johannes 3:18

Ämi nei kana, ach chen esap fis lon kapas chök, pwe pwal lon ach föför mi let.