Lukas 10:17 - Chuukese Bible

¹⁷ Iwe, ekewe fik me ruoman ra liwinto fän pwapwa chapur. Ra üreni Jesus, “Äm Samol, ekewe anün rochopwak mwo nge ra aleasochisikem, lupwen aia allük ngeniir fän itom.”

Lukas 10:17 Iomraidhean Croise

Mateus 4:24

Iwe, pworausen Jesus a chöfetal lon unusen ewe fanü Siria, pwe ekewe aramas ra uwato ren ekewe chon samau meinisin, chokewe mi üriir sokopaten samau o metek, aramas mi waan anü, mään kawakau me aramas mi mwök. Iwe, Jesus a apöchöküleretä meinisin.

Markus 16:17

Iwe, chokewe mi lükülük repwe angei tufich pwe repwe föri ekei manaman: Repwe asüela anün rochopwak fän itei, repwe fos lon kapasen ekis.

Lukas 10:1

Mürin ekei pworaus, ewe Samol a pwal filätä fik me ruoman mwän o a tiniirela akaruoman pwe repwe akomwola mwan lon ekewe telinimw me leni meinisin püsin i epwe feila ie me mürin.

Lukas 10:20

Nge ousap pwapwa pwe ekewe ngününgau ra aleasochisikemi, nge oupwe pwapwa pwe itemi a mak lon läng.”

Lukas 10:9

Oupwe apöchöküla ekewe chon samau lon ena telinimw o üreni ekewe aramas mi nom lon, ‘Mwün Kot a arapoto remi.’

Lukas 9:1

Iwe, Jesus a körifengeni nöün kewe engol me ruoman chon kaiö o ngeniir tufich me manaman, pwe repwe asüela anün rochopwak o apöchökülatä ekewe mi samau.

Nöün Paulus Toropwe ngeni ekewe Souläng lon Rom 16:20

Iwe, Kot, i popun ach kinamwe, epwe müttir apachacha Satan fän pechemi. Ümöümöchün ach Samol Jesus epwe nonom remi.

Efisos 5:24

Iei usun chök pwal ekewe fefin repwe fokun aleasochisi pwülüer kewe lon mettoch meinisin usun chök mwichefel a aleasochisi Kraist.