Lukas 1:8 - Chuukese Bible

⁸ Lon eu rän, lupwen a tori än Sakarias mwich pwe epwe angang, Sakarias a föri an angangen souasor mwen mesen Kot.

Lukas 1:8 Iomraidhean Croise

1. Kronika 24:19

Ikkei ir ekewe mwän mi kefilitä lon tettelin ar kewe angang, lupwen repwe feito lon imwenfelin ewe Samol mi Lapalap, pwe repwe föri pwüngün ar angang won mine a fen pwüngüla me ren Aaron ar we lewo, usun mine ewe Samol mi Lapalap ewe Koten Israel a allük ngeni.

1. Kronika 24:2

Iwe, Natap me Apihu ra mäla mwen semer we, nge esap wor nöür. Iei mine Eleasar me Itamar ra wiseni ewe wisen souasor.

2. Kronika 11:14

Ekewe mwän seni ewe ainangen Lefi ra mwo nge likitala fanüer, imwer me pisekir o feila Juta me Jerusalem, pokiten Jeropoam me nöün kewe mwän ra asürela, pwe resap tongeni föri angangen wiser wisen souasor ngeni ewe Samol mi Lapalap.

2. Kronika 31:19

Nge me lein ekewe souasor ir mwirimwirin Aaron mi nom lon ar kewe telinimw ika lon ekewe fanü ünükür a wor mwän mi mak iter, ra wisen ineti ewe mongö ngeni iteiten eman me eman ekewe souasor, pwal ngeni iteiten eman me eman chon ewe ainangen Lefi mi makelong lon ewe iteit.

2. Kronika 31:2

Iwe, Hiskia a awisa ekewe souasor me ekewe mwän seni ewe ainangen Lefi lon ar kewe mwich, eu me eu mwich lon tettelin en me an angang, usun akoten wiser. Repwe eäni ekewe asoren kek me asoren kinamwe o angang lon imwen ewe Samol mi Lapalap, repwe pwal kilisou ngeni o kölün mwareiti i.

2. Kronika 8:14

Iwe, Salomon a awisa ekewe mwichen souasor ngeni ar angang, usun Tafit saman we a fen apwüngala. A awisa ekewe mwän seni ewe ainangen Lefi, pwe repwe kölün mwareiti Kot o alisi ekewe souasor lon ewe angang ra wisen föri iteiten rän. A pwal awisa ekewe mwichen chon mamas, pwe repwe mamasa ekewe asamalapen imwenfel, pun iei usun Tafit ewe aramasen Kot a fen allük.

Esra 6:18

Ra pwal awisa ekewe souasor me ekewe mwän seni ewe ainangen Lefi lon en me an mwich fän iten ewe angangen Kot lon Jerusalem, usun a fen mak lon än Moses we puk.

Ekistos 28:1

“Iwe, kopwe körato reöm Aaron pwiüm we seni lein ekewe chon Israel fiti nöün kewe mwän iter Natap, Apihu, Eleasar me Itamar, pwe repwe angang ngeniei lon wisen souasor.

Ekistos 28:41

Iwe, ekewe üf kopwe aüföüfa ngeni Aaron pwiüm we, pwal ngeni nöün kewe mwän. Kopwe epitiir o afeiöchüür, kopwe pwal apiniir pwe repwe angang ngeniei lon wiser wisen souasor.

Ekistos 29:1

“Iei usun mine kopwe föri, lupwen kopwe apini Aaron me nöün kewe mwän pwe repwe föri ar angang ngeniei lon wisen souasor. Kopwe angei eman nienifön ätemwänin kow me ruoman ätemwänin sip esap wor terir,

Ekistos 29:44

Iwe, üpwe apini ewe imwenfel seni mangaku me ewe rongen asor, üpwe pwal apini Aaron me nöün kewe mwän pwe repwe pin o angang ngeniei lon wiser wisen souasor.

Ekistos 29:9

kopwe pwal peliti ngeniir ekewe pelit o eimweimwa ngeniir ekewe akkaw. Ren pwüngün ei föför ir me mwirimwirir repwe wiseni wisen souasor tori feilfeilachök. Iei usun kopwe afeiöchü Aaron me nöün kewe mwän.

Ekistos 30:30

Mürin, kopwe epiti Aaron me nöün kewe mwän o apiniir pwe repwe angang ngeniei lon wisen souasor.

Numperis 18:7

Nge ämi chök me noum kewe mwän oupwe föri angangen wisen souasor won ewe rongen asor, pwal angangen lon ewe rumw mi unusen pin. Iei wisemi, pun üa lifang ngenikemi ewe wisen souasor. Nge are eman me lükün epwe kan ngeni ewe imw mi pin, epwe ninnila.”

Lukas 1:5

Lon ewe fansoun, lupwen Herotes a king lon Jutea mi wor eman souasor itan Sakarias seni lon tettelin än Apia mwich. Iten pwülüan Elisapet, neminei eman mwirimwirin Aaron.

Lukas 1:7

Nge esap wor nöür, pun Elisapet a rit, nge ir me ruoman ra fen pwal chinlapala.