Lukas 1:78 - Chuukese Bible

⁷⁸ Ach Kot a ümöümöch o lukpwetete. Epwe awora ngenikich ewe Saramen Manau seni läng,

Lukas 1:78 Iomraidhean Croise

Kölfel 25:6

Ai Samol mi Lapalap, kopwe chechemeni om ümöümöch me om tong ellet, ka pwärätä seni chök lomlom.

Aisea 11:1

Iwe, ekewe mwirimwirin Tafit ra usun efoch irä mi pöküpökütiu. Nge usun ekoch fasar ra pwükütä seni ewe popun, iei usun eman king mi fö epwe ütä seni me lein ekewe mwirimwirin Tafit.

Aisea 42:16

Iwe, üpwe emweni chon mesechun won efoch al resap silei, üpwe afetaleer won ekewe al resamwo fetal won. Üpwe awili ewe rochopwak mi nom mwer ngeni saram, nge ekewe leni mi pwüküpwük üpwe awili ngeni leni mi sosonöch. Ekei mettoch üpwe apwonüetä, nge üsap likiti och.

Aisea 63:15

Äm Samol mi Lapalap, kopwe netiu me läng seni leniom mi pin o ling. Ia a nom ie om tiliken me om manaman? Tipepweteten letipom me om tong resap chüen torikem.

Aisea 63:7

Iwe, üpwe apworausa usun än ewe Samol mi Lapalap tong me ümöümöch, üpwe mwareiti an föför ngenikich, üpwe pwal pworaus usun an kirikiröch mi lapalap a eäni ngeni chon Israel lon an tong me ümöümöch mi somwola.

Sekaraia 3:8

Kopwe aüseling, en Josua ewe souasor mi lap, en me chiechiom kewe mi nom reöm, ämi eu asisilen feiöch epwe war: Üpwe emwenato nei we chon angang itan Ewe Palan.

Sekaraia 6:12

Iwe, kopwe üreni, ‘Iei alon ewe Samol mi Unusen Manaman: Nengeni, iei i ewe mwän mi iteni Ewe Palan. Epwe märitä seni lon lenian, epwe pwal aüsefälietä Imwenfelin ewe Samol mi Lapalap.

Malakai 4:2

Nge usun akkar a asarama fanü, iei usun pwüng epwe uwato manau ngenikemi mi aleasochisiei. Ämi oupwe towu o mwetemwet usun chök ekewe nienifön kow ra mwetemwet lupwen ra towu seni lenier.

Numperis 24:17

Üa küna i, nge esap iei, üa nenengeni, nge esap kanoto. Eföü fü epwe tötä seni Israel, eman king epwe ütä seni lon Israel pwe epwe nemenem. Epwe amökü möküren ekewe chon Moap o niela ekewe mwirimwirin Set meinisin.

Johannes 3:16

Pun iei usun Kot a echeni chon fanüfan, pwe a fangala Nöün Aleman, pwe meinisin mi lükü i resap pöütmwälila, pwe repwe eäni manau esemüch.

Efisos 5:14

Pun meinisin mine a pwäöchüla a saram. Iei mine a mak: “En chon möür, kopwe pwätä, kopwe towu seni mäla, pun Kraist epwe asaramok.”

Filipi 1:8

Kot i nei chon pwärätä pwe a let mine üa apasa, pwe üa tongekemi meinisin, usun chök Kraist Jesus a fen tongekemi.

Filipi 2:1

Iwe, manauemi lon Kraist a apöchöküla letipemi, an chen a echipakemi, oua chiechifengen me Ngünmifel, oua pwal eäni kirikiröch me tongfengen lefilemi.

Kolose 3:12

Ämi chon fil me ren Kot, ämi chon pin kana i a echenikemi, oupwe pwilitalong womi tong, kirikiröch, tipetekison, lukpwetete me mosonotam.

2. Petrus 1:19

Iei mine aia fokun apilükülükü ekewe kapas ekewe soufos ra arongafeili. A men öch ngenikemi pwe oupwe tümwünüöchü, pun a usun chök eu lamp mi tittin lon eu leni mi rochopwak tori an epwe ränila o ewe füün rän epwe tin lon letipemi.

1. Johannes 3:17

Are eman aramas mi pisekisek a küna pwiin lon an osupwang, nge esap tongei o alisi, ifa usun a eäni än Kot we chen lon letipan?

Pwärätä 22:16

“Ngang Jesus, üa tinato nei chon läng, pwe epwe asile ngenikemi ekei mettoch lon ekewe mwichefel. Ngang eman mwirimwirin ewe ainangen Tafit, Ngang ewe füün rän mi saramaram.”