Lukas 1:74 - Chuukese Bible

⁷⁴ pwe epwe amanauakich seni chon oputach o mwüt ngenikich pwe sipwe angang ngeni, nge sisap niuokus,

Lukas 1:74 Iomraidhean Croise

2. King 17:39

nge oupwe chök fel ngeniei ngang ewe Samol mi Lapalap ämi we Kot. Iwe, ngang üpwe angasakemi seni chon oputakemi meinisin.”

Kölfel 119:134

Kopwe angasaei seni ekewe aramas mi ariaföüüei, pwe üpwe tongeni aleasochisi om kewe öüröür.

Aisea 43:21

Ir ekewe aramas üa afisiir fän itei, pwe repwe pwärätä ai ling.

Aisea 45:17

Nge chon Israel ra küna manau esemüch ren ewe Samol mi Lapalap. Resap küna säw are itengau tori feilfeilachök.

Sekaraia 8:19

“Ekewe ränin echikefel oua eäni lon arüanün maram, alimuen maram, afisuen maram me aengolun maram repwe wiliti fansoun pwapwa me mwänek me ränin kametip mi apwapwa ngeni chon Juta. Iei mine oupwe sani let me kinamwe.”

Lukas 1:71

pwe epwe amanaua kich seni chon oputach, seni pöchökülen chokewe meinisin mi oputa kich.

Lukas 1:73

A pwon fän akapel ngeni semelapach Apraham

Lukas 1:75

sipwe pwal angang ngeni lon pin me pwüng me mwen mesan lon ränin manauach meinisin.

Nöün Paulus Toropwe ngeni ekewe Souläng lon Rom 6:22

Nge iei oua ngas seni fän nemenien tipis o oua chon angang ngeni Kot. Feiöchümi pwe oua angei eu manau mi pin, nge sopolan ewe manau esemüch.

Nöün Paulus Toropwe ngeni ekewe Souläng lon Rom 8:15

Pun ewe Ngün Kot a ngenikemi esap nöünikemi chon angang pwe oupwe niuokus, nge ewe Ngün a atolongakemi lon tettelin nöün Kot. Iwe, ren atufichien ewe Ngün sia kökkö ngeni Kot, “Sam! Semei!”

2. Timoty 1:7

Pun ewe Ngünmifel Kot a ngenikich esap afisi ngenikich ach sipwe pireir, nge a ngenikich Ngünün mi aurakich ren pwora, chen me ewe tufichin püsin nemeni inisich.

Ipru 2:15

Iwe, ren ei a angasala chokewe mi fötek lon unusen manauer pokiten ar niuokusiti mäla.

Ipru 9:14

Pokiten ei a pwüng, epwe le ifan me ükükün aüchean ewe chaan Kraist. Ren ewe Ngün esemüch a asor ngeni Kot püsin inisin pwe eu asor mi unusöch. Chaan Kraist epwe limeti mwelien letipach seni sokun föför mi lomotongau, pwe sipwe tongeni angang ngeni ewe Kot mi manau.

Pwärätä 2:10

Kosap niuokusiti och riaföü epwe toruk. Nengeni, ewe Tefil epwe sotunikemi ren an epwe aturalong lon imwen fötek ekoch me leimi, nge oupwe küna riaföü lon ükükün engol rän. Kopwe likitü le lükü, inamwo ika kopwe tolong lon mäla, iwe, üpwe ngonuk ewe mwärin manau.