Lukas 1:70 - Chuukese Bible

⁷⁰ A fen pwon me lomlom ren nöün kewe soufos mi pin

Lukas 1:70 Iomraidhean Croise

Keneses 12:3

Iwe, üpwe afeiöchü ekewe chon afeiöchuk, nge afeiengaua ekewe chon afeiengauok. Iwe, chon ekewe mwü meinisin won fanüfan repwe küna feiöch reöm.”

Keneses 3:15

Üpwe afiukemi me ewe fefin, pwal mwirimwirum me mwirimwirin. Men epwe puri mökürom, nge en kopwe küw apilipilin pechen.”

Keneses 49:10

Esap mwöküt senuk, Juta, ewe asisilen samol, nge mwirimwirum kana repwe nemenem fansoun meinisin tori epwe war ätewe mine an ewe nemenem. Iwe, chon ekewe mwü meinisin repwe aleasochis ngonuk.

2. Samuel 23:2

“Ngünün ewe Samol mi Lapalap a fos me woi, an kapas a nom won chönawei.

Jeremaia 23:5

Iei alon ewe Samol mi Lapalap, “Nengeni, epwe war ewe fansoun üpwe seikätä seni mwirimwirin Tafit efoch ‘Palan mi pwüng’, epwe king o nemenem fän tipachem, epwe föri mine a wenechar o pwüng me lon ewe fanü.

Jeremaia 30:10

Nge ämi mwirimwirin Jakop nei chon angang, ousap niuokus, ousap rükö, ämi chon Israel. Pun üpwe fokun amanauakemi seni ewe fanü mi toau, pwal mwirimwirimi seni ewe fanü ia ra oola ie. Ämi mwirimwirin Jakop, oupwe liwinsefälito o nonom fän kinamwe, nge esap wor eman epwe eniuokusukemi.

Markus 12:36

Nge Ngünmifel a amefi ngeni Tafit pwe epwe apasa: ‘Ewe Samol a kapas ngeni ai Samol: Kopwe mot lepelifichi tori üpwe anomu chon oputom fän pecheöm.’

Lukas 24:44

Mürin a üreniir, “Iei met üa fen ürenikemi pwe epwe fis, lupwen üa chüen nonom remi: Meinisin mine a mak usi lon än Moses we Allük, pwal lon ekewe puken soufos me Kölfel epwe fokun pwönüetä.”

Föför 28:25

Iei mine ra feila lon ar tipefesen lefiler mürin än Paulus apasatä ei eu mettoch: “A pwüng mine ewe Ngünmifel a kapas ren ewe soufos Aisea ngeni ach kewe lewo!

Nöün Paulus Toropwe ngeni ekewe Souläng lon Rom 1:2

Ei Pworausen Manau Kot a fen pwon me lomlom ren nöün kewe soufos usun a fen mak lon ekewe Toropwe mi Pin.

Ipru 3:7

Iwe, iei usun met ewe Ngünmifel a apasa, “Ikenai are oua rong mwelien Kot,

1. Petrus 1:12

Kot a pwäri ngeni ekei soufos, pwe ar angang esap fän iten püsin ar feiöch, nge fän iten ämi feiöch, lupwen ar kapas usun ekewe mettoch oua rongorong iei seni ekewe chon künö mi aronga ngenikemi ewe Pworausen Manau ren manamanen Ngünmifel mi titito seni läng. Ikkei ekewe mettoch ekewe chon läng mwo nge ra mochen weweiti.

2. Petrus 1:21

Pun esap wor och kapasen osuni a feito seni letipen aramas, nge ekewe aramas ra nom fän nemenien ewe Ngünmifel ra apasatä ewe kapas a feito seni Kot.

2. Petrus 3:2

Üa mochen pwe oupwe chechemeni ekewe kapas ekewe soufos mi pin ra apasatä me lomlom, pwal ekewe allük me ren ach Samol me Chon Amanau nöümi kewe soukünö ra aronga ngenikemi.

Pwärätä 19:10

Iwe, üa chapetiu arun pechen ewe chon läng pwe üpwe fel ngeni, nge i a üreniei, “Kosap föri iei usun! Ngang eman chiechiom chon angang me chiechien pwiüm kewe, chokewe meinisin mi kamwöchünük won ewe let Jesus a pwärätä. Kopwe fel ngeni Kot!” Pun ewe let Jesus a pwärätä, iei met a amwelielia ekewe soufos.