Lukas 1:7 - Chuukese Bible

⁷ Nge esap wor nöür, pun Elisapet a rit, nge ir me ruoman ra fen pwal chinlapala.

Lukas 1:7 Iomraidhean Croise

Keneses 17:17

Iwe, Apraham a chapetiu lepwül, a takir o ekieki lon lelukan, “Ifa usun, eman mönükol epwe uputiu ngeni eman chinlap mi ierini ipükü? Nge Sara mi ierini tiwe epwe tongeni nöünöü?”

Keneses 18:11

Nge Apraham me Sara ra wesewesen chinlap, iei popun Sara esap chüen tongeni nöünöü.

Keneses 25:21

Iwe, Isaak a ikiotek fän äsengesin pwülüan we, pun a rit. Nge ewe Samol mi Lapalap a aüselinga an iotek, iei mine Repeka a pwopwo.

Keneses 30:1

Nge lupwen Rahel a küna pwe esap nöünöü me won Jakop, a lolowo ngeni pwin we. Nge a üreni Jakop, “Kopwe föri mine üpwe nöünöü ren. Pun are kosap, üpwe mäla.”

1. King 1:1

Iwe, lupwen ewe king Tafit a chinlap o ieritam, a fokun würi föü, inamwo ika nöün chon angang ra pwölü ngeni palangket.

2. King 4:14

Mürin, Elisa a aisini Kehasi, “Nge met echök üpwe tongeni föri fän itan?” Kehasi a pälüeni, “Esap wor nöün, nge iei pwülüan a chinlap.”

Lukas 1:5

Lon ewe fansoun, lupwen Herotes a king lon Jutea mi wor eman souasor itan Sakarias seni lon tettelin än Apia mwich. Iten pwülüan Elisapet, neminei eman mwirimwirin Aaron.

Lukas 1:6

Ir me ruoman ra föri mine a pwüng mwen mesen Kot o aleasochisi än ewe Samol kewe allük me pwüüng meinisin.

Lukas 1:8

Lon eu rän, lupwen a tori än Sakarias mwich pwe epwe angang, Sakarias a föri an angangen souasor mwen mesen Kot.

Nöün Paulus Toropwe ngeni ekewe Souläng lon Rom 4:19

Apraham a arapakan ipükü ier, nge an lükülük esap apwangapwangala lupwen a ekieki usun inisin pwe a arap ngeni mäla, nge pwal Sara pwülüan we esap chüen tongeni nöünöü.

Ipru 11:11

Ren än Apraham lükü a wiliti eman sam, inamwo ika a fokun chinlap, pwal Sara a rit. Apraham a lükü Kot an epwe apwönüetä mine a eäni pwon ngeni.

1. Samuel 1:2

Iwe, a wor ruoman pwülüen Elkana, iten eman Hana, pwal iten eman Penina. Iwe, a wor nöün Penina kana, nge Hana esap wor nöün.