Lukas 1:51 - Chuukese Bible

⁵¹ A aitiewu pöün mi manaman o atoropasa chokewe mi lamalamtekia lon ar ekiek kana.

Lukas 1:51 Iomraidhean Croise

Keneses 11:8

Iei usun ewe Samol mi Lapalap a atoropasafeseniir won unusen fanüfan. Iwe, ra ükütiu me aüetä ewe telinimw.

Keneses 6:5

Iwe, ewe Samol mi Lapalap a küna pwe än aramas föföringau a fokun wattela won fanüfan, nge ekiekin leluker a chök ngauala fansoun meinisin.

Keneses 8:21

Nge lupwen ewe Samol mi Lapalap a tini pwoöchün ewe asor, a ekieki lon lelukan, “Üsap chüen anümamaua fanüfan pokiten aramas. Üa silei pwe ekiekin leluken aramas a ngau seni lekisikisin. Üsap chüen arosala mönümanau meinisin, usun üa piin föri.

Kölfel 118:15

Oupwe aüseling ngeni ekewe kölün pwapwan win lon imwen ekewe chon pwüng, “Pöüifichin ewe Samol mi Lapalap a föri föförün pwora me win.

Kölfel 33:10

Ewe Samol mi Lapalap a ataela än chon ekewe mwü akot o pinei än ekewe aramas ekiek.

Kölfel 52:9

Ai Kot, üpwe kilisou ngonuk tori feilfeilachök ren mine ka föri. Üpwe asilefeili ngeni noum kewe aramas pwe en ka kirikiröch. Ei üpwe föri me fän meser.

Kölfel 63:5

Ngüni a mötüla usun üa mötüla ren mongö mi annö. Üpwe mwareituk fän pwapwa,

Kölfel 89:10

Ka atatakisi Rahap pwe a usun chök eman mi ninnila, ka atoropasa ekewe chon oputom ren poum mi manaman.

Kölfel 89:13

En ka fokun manaman. Poum a pöchökül, pöüifichum a ititä.

Kölfel 98:1

Oupwe eäni echö köl mi fö ngeni ewe Samol mi Lapalap, pun a föri mettoch mi amwarar. An manaman me an pöchökül mi pin ra afisätä an win.

Ekistos 18:11

Iei üa silei pwe ewe Samol mi Lapalap a tekia seni ekewe kot meinisin, pun a angasa ekewe aramasen Israel seni lepöün chon Isip, lupwen ra turunufaseer.”

Aisea 40:10

Kot ewe Samol mi Lapalap a feito pwe epwe nemenem fän pöchökül. Nengeni, a uwato an liwin fän iten nöün aramas, nge liwiningau fän iten chon oputan.

Aisea 51:9

Kopwe pwätä, kopwe pwätä, äm Samol mi Lapalap, kopwe aea om pöchökül o amanauakem. Kopwe pwätä o alisikem usun chök me lom lon ekewe fansoun ra la. Ifa usun, sap en ätewe a posu o atatakisi Rahap ewe trakon?

Aisea 52:10

Iwe, ewe Samol mi Lapalap a pwärawu an manaman mi pin ngeni chon ekewe mwü won fanüfan, nge lesopun fanüfan meinisin repwe küna pwe ach we Kot a amanaua nöün aramas.

Aisea 63:12

ewe Kot mi atufichi Moses ren an manaman mi amwarar o kinifeseni ewe matau me mwer, pwe itan epwe ling ren tori feilfeilachök,

Jeremaia 49:15

Nengeni, ewe Samol mi Lapalap epwe akisuketiu me lein ekewe mwü, kopwe küna koput me lein ekewe aramas.

Taniel 4:37

Iei mine ngang Nepukatnesar üpwe mwareiti o asamolu ewe Kingen Läng, üpwe pwal alinga i. An föför ra let o pwüng, nge a atekisona chokewe mi eäni lamalamtekia.”

Nöün Paulus Toropwe ngeni ekewe Souläng lon Rom 1:21

Ikamwo ra silei usun Kot, nge resap asamolu i usun Kot, resap pwal kilisou ngeni. Ar ekiek esap fokun wor lomotan, nge letiper mi wewemang a uren rochopwak.

2. Korint 10:5

Äm aia awesi ekewe kapas mi mwäl o ataetiu ekewe leni mi tekia meinisin mi epeti än aramas repwe silei Kot. Aia liapeni sokun ekiekin aramas meinisin, pwe repwe aleasochis ngeni Kraist.

Tuteronomi 4:34

Are ifa usun, mi wor eman kot a fen sotuni le feito o angeawu eu mwichen aramas seni eu mwü fän püsin itan ren asisil me manaman, ren maun, ren pöün mi manaman o aköüpöü, pwal ren watten föför mi eniwokus, usun ewe Samol mi Lapalap ämi we Kot a föri fän itemi lon Isip me fän mesemi?

1. Petrus 5:5

Ina usun pwal ämi alüal kana, oupwe aleasochisi ekewe chinlap. Ämi meinisin oupwe fokun eäni tipetekison lon ämi alilisfengen lefilemi. Pun a mak lon ekewe Toropwe mi Pin, “Kot a ü ngeni chon lamalamtekia kana, nge a ümöümöch ngeni chon tipetekison kana.”

Pwärätä 18:8

Pokiten a eäni ei sokun ekiek, lon eu chök rän neminei epwe fokun tolong lon ekei feiengau: samau, letipeta me mailengita. Iwe, epwe karala ren ekkei, pun ach Samol Kot, ewe mi apwüngü, a wor an pöchökül.”