Lukas 1:50 - Chuukese Bible

⁵⁰ A pwärala an ümöümöch ngeni chokewe mi niuokusiti seni eu pilon aramas tori eu pilon.

Lukas 1:50 Iomraidhean Croise

Keneses 17:7

Iwe, üpwe apwönüetä ai we pwon lefilei me ämi me mwirimwirum kana lon tettelir meinisin. Ai we pwon epwe nonom tori feilfeilachök pwe ngang üpwe om Kot, üpwe pwal än mwirimwirum kana Kot.

2. King 17:39

nge oupwe chök fel ngeniei ngang ewe Samol mi Lapalap ämi we Kot. Iwe, ngang üpwe angasakemi seni chon oputakemi meinisin.”

Kölfel 103:11

Pun usun ekewe läng ra tekia seni fanüfan, iei usun an we tong ellet a tekia ngeni chokewe mi niuokusiti i.

Kölfel 115:13

Ewe Samol mi Lapalap epwe afeiöchü chokewe mi niuokusiti i, ekewe aramas kis me ekewe aramas tekia.

Kölfel 118:4

Chokewe mi niuokusiti ewe Samol mi Lapalap repwe apasa, “An tong ellet a nonom tori feilfeilachök.”

Kölfel 145:19

A föri mochenin ir meinisin mi niuokusiti i, a rong ar siö o amanaueer.

Kölfel 147:11

nge a pwapwa ren chokewe mi niuokusiti i, ren chokewe mi eäni apilükülük an tong ellet.

Kölfel 31:19

Om kirikiröch a fokun somwola, ka eäni ngeni chokewe mi niuokusituk. Ka pwal kirikiröch ngeni chokewe mi eänuk lenien op me fän mesen aramas meinisin.

Kölfel 85:9

Ellet, a kaneto pwe epwe amanaua chokewe mi niuokusiti i, pwe an ling epwe nonom lon fanüach.

Ekistos 20:6

Nge üa kirikiröch ngeni ngeröün mwirimwirin chokana mi echeniei o aleasochisi ai allük kana.

Lukas 1:49

Pun Kot, ewe mi Unusen Manaman a föri ekewe mettoch mi amwarar fän itei, itan a pin.

Pwärätä 19:5

Mürin mwelien eman a feito seni ewe lenien motun king, a apasa, “Ousipwe mwareiti ach Kot, ämi chon angang meinisin, ämi aramas meinisin, ämi aramas tekia me aramas kis meinisin mi meniniti Kot!”