Lukas 1:49 - Chuukese Bible

⁴⁹ Pun Kot, ewe mi Unusen Manaman a föri ekewe mettoch mi amwarar fän itei, itan a pin.

Lukas 1:49 Iomraidhean Croise

Keneses 17:1

Iwe, lupwen Apram a ierini tiwe me tiu, ewe Samol mi Lapalap a pwä ngeni o üreni, “Ngang ewe Kot mi Unusen Manaman. Kopwe manau me fän mesei o unusen föföröch.

Kölfel 111:9

A angasala nöün aramas o föri eu pwon esemüch. Itan a pin o eniweniu.

Kölfel 24:8

Iö ewe king mi ling? Ewe Samol mi Lapalap mi pöchökül o pwora, ewe Samol mi Lapalap mi win lon maun.

Kölfel 99:3

Aramas meinisin repwe mwareiti itan mi tekia o eniwokus. Kot a pin.

Kölfel 99:9

Oupwe ingeiti ewe Samol mi Lapalap ach we Kot o fel ngeni me arun chukun we mi pin, pun ewe Samol mi Lapalap ach Kot a pin.

Ekistos 15:11

Ai Samol mi Lapalap, iö a wewe ngonuk lein ekewe kot? Iö a wewe ngonuk lon om pin mi tekia, pwal lon om föför mi ling o eniwokus me lon om föri manaman?

Aisea 1:24

Iei oupwe rongorong mine ewe Samol mi Unusen Manaman, ewe Koten Israel a apasa, “Ngang üpwe atoto ai song womi, ämi chon pälüeniei, üpwe pwal ngenikemi chappen ämi föför, ämi chon oputaei.

Aisea 57:15

Pun iei alon Ewe mi Unusen Tekia, ewe mi manau tori feilfeilachök, itan Ewe mi Pin, “Ngang üa imweimw lon eu leni mi pin o tekia, pwal ren eman mi luketatakis o tipetekison, pwe üpwe amanaua ngüngün chon tipetekison o apöchöküla leluken chon liamam.

Aisea 6:3

Iwe, ra kökköfengen lefiler, “A pin, a pin, a pin ewe Samol mi Unusen Manaman. Unusen fanüfan a ur ren lingan.”

Aisea 63:1

“Iö ätewe a feito me Etom seni ewe telinimw Posra fän üfan mi tiketikepar? Iö ätewe a fokun lingöch fän üfan o fetal lon an pwora me pöchökül mi lapalap?” “Ngang ewe Samol mi Lapalap üa kapas fän pwüng, üa tufichin amanaua aramas.”

Jeremaia 10:6

Esap wor eman a wewe ngonuk, en Samol mi Lapalap, ka tekia, nge itom a lapalap o manaman.

Jeremaia 20:11

Nge en, ai Samol mi Lapalap, ka nom rei usun chök eman sounfiu mi pöchökül. Iei mine ekewe chon ariaföüüei repwe chepetek, resap tongeni akufuei. Repwe fokun säw, pun esap pwönüetä ar mochen. Ar itengau esap tongeni manlüküla tori feilfeilachök.

Markus 5:13

Iwe, Jesus a mwüt ngeniir. Ekewe ngününgau ra towu seni ewe mwän o tolong lon ekewe pik. Ekewe pik meinisin arapakan ruungeröü ra sätiu me won palen ewe chuk o turulong lon ewe noom. Iwe, ra mop meinisin.

Lukas 1:48

pun a chechemeniei, ngang nöün chon angang mi tekisoson. Seni ei fansoun aramas meinisin repwe aita ngeniei pwe ngang eman mi feiöch.

Lukas 1:50

A pwärala an ümöümöch ngeni chokewe mi niuokusiti seni eu pilon aramas tori eu pilon.

Efisos 3:20

Sipwe mwareiti Kot, i ewe a tongeni föri mettoch meinisin lap seni mine sia tongeni tüngor ika ekieki ren an we manaman mi akangang loch,

Pwärätä 15:4

Iö esap niuokusituk o alinga itom, en äm Samol? Pun en chök ka pin. Chon ekewe mwü meinisin repwe feito o fel ngonuk, pun om kewe föför mi pwüng ra pwäpwäla ngeni aramas meinisin.”

Pwärätä 4:8

Eman me eman ekewe föman mönümanau a wor wonofoch pöükässin, nge won me fän pöükässiir ra kula ren föün mas. Lerän me lepwin resap ükütiu le kölü ei köl: “A pin, a pin, a pin ewe Samol Kot mi Unusen Manaman, i ewe a fen nonom, ewe a nom iei me ewe epwe feito me mürin.”

1. Samuel 2:2

Esap wor eman mi pin usun ewe Samol mi Lapalap, esap wor eman lükün i, esap pwal wor eu achau usun ach we Kot.