Lukas 1:48 - Chuukese Bible

⁴⁸ pun a chechemeniei, ngang nöün chon angang mi tekisoson. Seni ei fansoun aramas meinisin repwe aita ngeniei pwe ngang eman mi feiöch.

Lukas 1:48 Iomraidhean Croise

Keneses 30:13

Nge Lea a üra, “Pwapwa a toriei. Iei ekewe fefin repwe apasa pwe ngang üa pwapwa.” Iei mine a aita ngeni ewe ät Aser .

2. Samuel 7:8

Iei mine kopwe üreni nei chon angang Tafit, pwe iei aloi ngang ewe Samol mi Unusen Manaman: Üa angeek seni om tümwünü sip lemäl pwe kopwe samolun nei aramasen Israel.

Kölfel 102:17

Epwe aüselinga än ekewe chon riaföü iotek, nge esap turunufasei ar tüngor.

Kölfel 136:23

I ewe mi chechemenikich lon ach tekison, an tong ellet a nonom tori feilfeilachök,

Kölfel 138:6

Inamwo ika ka fokun tekia, ka afäli ekewe chon tekison. Nge ka silleni ekewe chon lamalamtekia me toau.

Kölfel 72:17

Amwo iten ewe king epwe nonom tori feilfeilachök, nge iteüöchün epwe nonom ükükün fansoun akkar a nonom. Chon ekewe mwü meinisin repwe angei ar feiöch me ren, nge ir repwe apasa pwe i a feiöch.

Aisea 66:2

Pun pei a föri ekei mettoch meinisin, iei mine ir meinisin nemeniei.” Pwal iei alon ewe Samol mi Lapalap, “Ngang üpwe chök aücheani eman aramas mi tipetekison o luketatakis, pwal eman mi niuokusiti ai kapas o aleasochis ngeni.

Malakai 3:12

Mürin chon ekewe mwü meinisin repwe aita ngenikemi chokewe mi feiöch, pun fanüemi epwe eu fanü mi wor pwapwa lon.” Iei alon ewe Samol mi Unusen Manaman.

Lukas 1:28

Ewe chon läng a feito ren Maria o üreni, “Kinamwe epwe toruk! Ewe Samol a nom reöm, a pwal fokun afeiöchuk.”

Lukas 1:42

o a apasa fän leüömong, “Ka fokun feiöch me lein fefin meinisin, a pwal feiöch ewe mönükol kopwe nöünätiu.

Lukas 1:45

Ka fokun feiöch, pun ka lükü pwe alon ewe Samol ngonuk epwe fis.”

Lukas 1:49

Pun Kot, ewe mi Unusen Manaman a föri ekewe mettoch mi amwarar fän itei, itan a pin.

Lukas 11:27

Iwe, lupwen Jesus a apasa ekei kapas, eman fefin me lon ewe mwich a kötä o üreni, “Feiöchün ewe fefin mi nöünuk o oupwuk!”

1. Samuel 1:11

A eäni eu pwon o apasa, “Ai Samol mi Unusen Manaman, kose mochen kopwe nenengeniei. Kopwe küna ai riaföü o chechemeniei, kosap manlükieila ngang noum chon angang fefin. Are ka mochen ngeniei eman ät, ngang üa pwon pwe üpwe ngonuk ewe ät lon ükükün ränin manauan meinisin, esap pwal fich möküran.”

1. Samuel 2:8

A aütai ekewe chon wöüngau seni lon pwül, a ekiewu chon mwelele seni lon ewe ioien falang, a amoteer ren ekewe samol o alenier won än chon iteföüla lenien mot. Pun ekewe longolongun fanüfan än ewe Samol mi Lapalap. I a aüetä fanüfan wor.