Lukas 1:46 - Chuukese Bible

⁴⁶ Iwe, Maria a apasa, “Letipei a mwareiti ewe Samol,

Lukas 1:46 Iomraidhean Croise

Kölfel 35:9

Mürin ngang üpwe meseik ren ewe Samol mi Lapalap, üpwe ingemwareiti i pokiten an angasaei.

Aisea 45:25

Nge ren ewe Samol mi Lapalap ekewe mwirimwirin Israel meinisin repwe küna pwüng, repwe pwal mwänek.”

Aisea 61:10

Üpwe fokun pwapwa ren ewe Samol mi Lapalap, ngüni epwe mwänek ren ai Kot. Pun a aüföüfa ngeniei manau, a pwal pwilitalong woi pwüng pwe ina üfei. Üa wewe ngeni eman mwän apwüpwülü söfö, a foutei ngeni foutan, üa pwal wewe ngeni eman fin apwüpwülü söfö, a mwärämwär mwärin fau aüchea.

Nöün Paulus Toropwe ngeni ekewe Souläng lon Rom 5:11

Nge sap iei chök, pwe sia pwal pwapwa lon Kot pokiten ach Samol Jesus Kraist a achäfengenikich me Kot.

1. Korint 1:31

Pun iei usun a mak lon ekewe Toropwe mi Pin, “Iö a mochen aingaing epwe aingaing won ach Samol.”

2. Korint 2:14

Nge kilisou ngeni Kot! Pun lon Kraist Kot a emwenikich fansoun meinisin, pwe sipwe eti Kraist lon an win. Kot a nöünöükich, pwe sipwe achöfetalei ewe pworaus usun Kraist pwe aramas repwe silei i, usun och löpwokus mi pwopwonfeil.

Filipi 3:3

Sap ir, nge kich sia angei ewe enletin sirkomsais, pun sia fel ngeni Kot ren Ngünün, sia pwapwa lon manauach lon Kraist Jesus, nge sisap anomu ach apilükülük won met sia föri ngeni inisich.

Filipi 4:4

Oupwe pwapwa lon ach Samol fansoun meinisin, üpwe apasasefäli: Oupwe pwapwa!

1. Tesalonika 5:23

Kot, ewe mi fang ngenikich kinamwe epwe unusen apinikemi, pwe unusen ngünümi me letipemi me inisimi epwe unusöch tori ach Samol Jesus Kraist epwe war.

1. Petrus 1:8

Ämi oua echeni Jesus, inamwo ika ousap fen küna i, oua lükü i, inamwo ika ousap küna i iei. Iei mine oua fokun pwapwa, ren sokun pwapwa esap naf lon ach kapas ach sipwe pwärätä, pun pwapwa mi ling,