Lukas 1:33 - Chuukese Bible

³³ I epwe nemeni ekewe mwirimwirin Jakop feilfeilachök, nge mwün esap fokun müchüla.”

Lukas 1:33 Iomraidhean Croise

2. Samuel 7:13

Ätewe epwe aüetä eu imw fän itei, nge ngang üpwe anüküchara an nemenem lon mwün tori feilfeilachök.

2. Samuel 7:16

Iwe, üpwe afisi mwirimwirum, nge mwum me om nemenem epwe nüküchar me fän mesei tori feilfeilachök.”

Kölfel 45:6

Om lenien motun king a usun chök än Kot lenien mot, a nom tori feilfeilachök. Ka nemeni noum kewe aramas fän pwüng.

Kölfel 89:4

Üpwe föri pwe mwirimwirum kana repwe king tori feilfeilachök o anüküchara mwum tori ekewe täppin aramas meinisin.”

Aisea 16:5

mürin eman seni mwirimwirin Tafit epwe king. I epwe nemeni ekewe aramas fän allükülük me tong, epwe eäni pwüng fän pwüng o müttir ngeni föförün pwüng.

Aisea 9:7

Iwe, nemeneman epwe chök wattela, nge mwün epwe chök kinamwe fansoun meinisin. Epwe siwili Tafit lon wisan wisen king o nemeni mwün. Epwe aüetä o apöchöküla mwün ren apwüng me pwüngüöch seni ikenai tori feilfeilachök. Iwe, ewe Samol mi Unusen Manaman epwe tiliken le apwönüetä ei.

Jeremaia 23:5

Iei alon ewe Samol mi Lapalap, “Nengeni, epwe war ewe fansoun üpwe seikätä seni mwirimwirin Tafit efoch ‘Palan mi pwüng’, epwe king o nemenem fän tipachem, epwe föri mine a wenechar o pwüng me lon ewe fanü.

Taniel 2:44

Iwe, lon fansoun mwün ekewe king, ewe Koten läng epwe aüetä eu mwü esap tongeni tala, esap pwal wor eu mwü epwe tongeni akufu. Iwe, ei mwü epwe ataela o arosala ekewe lusun mwü, nge epwe püsin nom tori feilfeilachök.

Taniel 4:34

Iwe, ewe king a üra, “Wesin ekewe fisu ier, ngang Nepukatnesar üa netä läng o miritsefäl. Iwe, üa mwareiti Ewe mi Fokun Tekia o manau tori feilfeilachök, üa pwal alinga o asamolu i. Pun an nemenem esap müchüla, nge mwün a nonom seni eu täppin aramas tori pwal eu täppin.

Taniel 6:26

Üa apwüngala eu allük, pwe aramas meinisin mi nom fän nemeniei repwe niueiti o meniniti än Taniel we Kot. Pun i ewe Kot mi Manau a nom tori feilfeilachök, mwün esap tala, an nemenem esap pwal müchüla.

Taniel 7:18

Nge chon pin kana nöün Ewe mi Fokun Tekia repwe angei ewe mwü o mwüni tori feilfeilachök.”

Taniel 7:27

Nge ewe mwichen chon pin nöün Ewe mi Fokun Tekia repwe angei nemenem me ling, pwe repwe nemeni mwü kana meinisin mi nom won fanüfan. Iwe, mwür epwe nonom tori feilfeilachök, nge sounemenem meinisin repwe angang ngeniir o aleasochisiir.”

Opataia 1:21

Iwe, ekewe chon pwora seni Jerusalem repwe maun ngeni Etom o nemeni. Nge püsin ewe Samol mi Lapalap epwe king.”

Mika 4:7

Ra pechemä o toau seni lenier, nge ngang üpwe föri seni chokewe mi chüen manau eu mwichen aramas, repwe wiliti eu mwü mi pöchökül. Iwe, üpwe nemeniir seni won ewe chuk Sion seni ena fansoun tori feilfeilachök.”

Mateus 1:1

Iei tettelin uruwon än Jesus Kraist kewe lewo, i eman mwirimwirin Tafit, nge Tafit eman mwirimwirin Apraham.

Mateus 28:18

Nge Jesus a kan ngeniir o üreniir, “Nemenem meinisin won läng me fanüfan a toriei.

Lukas 1:34

Iwe, Maria a üreni ewe chon läng, “Ngang eman föpwül, esap wor pwülüei. Epwe ifa usun an epwe tongeni fis ei sokun ngeniei?”

Nöün Paulus Toropwe ngeni ekewe Souläng lon Rom 9:6

Ngang üsap apasa pwe än Kot we pwon esap pwönüetä. Pun sap chon Israel meinisin ra nöün Kot aramas.

Kalatia 3:29

Are ämi oua nöün Kraist, mürin oua mwirimwirin Apraham, iwe, oupwe angei ewe mine Kot a fen pwonei.

Kalatia 6:16

Kinamwe me tong epwe nom ren chokewe meinisin mi aleasochisi ai kei kapas lon manauer, ewer, epwe nonom rer pwal ren nöün Kot kewe aramas meinisin.

Filipi 3:3

Sap ir, nge kich sia angei ewe enletin sirkomsais, pun sia fel ngeni Kot ren Ngünün, sia pwapwa lon manauach lon Kraist Jesus, nge sisap anomu ach apilükülük won met sia föri ngeni inisich.

Ipru 1:8

Nge usun Nöün we Kot a apasa, “O Kot, mwum epwe nonom tori feilfeilachök. Ka nemeni noumw aramas fän pwüng.

Pwärätä 11:15

Mürin ewe afümanün chon läng a ettiki nöün rappwa, iwe, a wor chomong möngüngü mi leüömong lon läng, ra apasa, “Ewe manamanen nemeni fanüfan, iei a nom ren ach Samol me nöün we Messaia. Iwe, epwe nemenem tori feilfeilachök.”