Lukas 1:2 - Chuukese Bible

² Ra makkeetiu usun met sia rongorong seni chokewe mi wesewesen küna ekei mettoch seni lepoputän o usun ar arongafeili ewe Pworausen Manau.

Lukas 1:2 Iomraidhean Croise

Markus 1:1

Iei poputän ewe Pworausen Manau usun Jesus Kraist ewe Nöün Kot.

Markus 16:20

Iwe, ekewe chon kaiö ra feila o afalafal ekis meinisin. Nge ewe Samol a etiir lon ar angang o anüküchara ar afalafal pwe a let ren ekewe manaman ra föri.]

Markus 4:14

Ewe chon fofot a amworafeili kapasen Kot.

Lukas 24:48

Ämi oua chon pwärätä ekei mettoch.

Johannes 15:27

Pwal ämi oupwe pwärätä usi, pun ämi oua nonom rei seni lepopun.

Johannes 16:4

Nge üa fen ürenikemi ekei kapas, pwe lupwen epwe war ewe fansoun ar repwe föri ngenikemi ekei mettoch, ämi oupwe chemeni mine üa fen ürenikemi. Üsap ürenikemi ekei mettoch seni lepoputän, pun ngang üa nom remi.

Föför 1:3

Lon ükükün faik rän mürin an mäla a pwä ngeniir fan chomong lon chomong sokun lapalap mi alletätä ngeniir pwe a wesewesen manau. Ra küna i, nge i a kapas ngeniir usun ewe Mwün Kot.

Föför 1:8

Nge ämi oupwe angei ewe manaman lupwen Ngünmifel epwe feitiu womi, iwe, oupwe pwäriei lon Jerusalem, lon unusen Jutea me Samaria tori lon unusen fanüfan.”

Föför 14:25

Nge lupwen ar wes le afalafala ewe kapasen Kot lon Perka, ra feitiu lon ewe telinimw Attalia.

Föför 16:6

Iwe, Paulus me chiechian kana ra sai lemenen ekewe fanü Frikia me Kalatia, pun ewe Ngünmifel esap mwüt ngeniir pwe repwe afalafala ewe Kapasen Kot lon ewe fanü Asia.

Föför 17:11

Iwe, ekewe aramasen Perea ra tipemecheres seni ekewe aramasen Tesalonika, pun ra etiwa ewe afalafal fän mochenin letiper. Iteiten rän ra kaiö lon ekewe Toropwe mi Pin o kütta are met Paulus a apasa a wesewesen pwüng.

Föför 26:16

Kopwe pwätä o ütä. Ngang üa pwä ngonuk ai üpwe awisok pwe kopwe nei chon angang. Kopwe pwärätä mine ka küna usi ikenai, pwal mine üpwe pwäri ngonuk lon ekewe fansoun repwe feito.

Föför 4:20

Pun äm aisap tongeni ükütiu le kapas won met aia püsin küna o rongorong.”

Föför 8:4

Iwe, ekewe chon lükü mi toropasfeil ra fetalfeil ekis meinisin o afalafala ewe kapasen Kot.

Nöün Paulus Toropwe ngeni ekewe Souläng lon Rom 15:16

pwe üpwe eman chon angangen Kraist Jesus ai üpwe angang ngeni ekewe chon lükün Israel. Üa angang usun eman souasor lon ai afalafala ewe Pworausen Manau seni Kot, pwe ekewe chon lükün Israel repwe wiliti eu asor mi tiw me ren Kot, a pin ren Ngünmifel.

1. Korint 4:1

Iwe, ämi oupwe ekieki ngenikem pwe äm nöün Kraist chon angang, wisem pwe aipwe tümwünü än Kot we monomon mi let.

Ipru 2:3

Epwe ifa usun ach sipwe tongeni sü seni ach küna liwiningau are sisap aüseling ngeni ekewe kapas usun ach küna manau mi fokun aüchea. Ewe Samol a akomwen asile ngeni aramas usun ei küna manau, nge chokewe mi rongorong ngeni ra alletätä ngenikich pwe a let.

1. Petrus 5:1

Ngang pwal eman souakom üa pesei ekewe souakom me leimi lon ämi kewe mwichefel. Ngang eman chon pwärätä usun än Kraist riaföü, üpwe pwal angei wisei lon ewe ling epwe pwä. Iwe, üpwe pesekemi

2. Petrus 1:16

Äm aisap longolong won ekewe pworaus aramas ra afisätä, lupwen aia aronga ngenikemi usun manamanen ach Samol Jesus Kraist lon ewe fansoun epwe liwinsefäl. Äm aia küna ren püsin mesem an we ling mi lapalap.