Lukas 1:18 - Chuukese Bible

¹⁸ Iwe, Sakarias a aisini ewe chon läng, “Ifa usun ai üpwe silei pwe met ka apasa epwe fis? Pun ngang eman mwän mi chinlap, nge ierin pwülüei ra chomong.”

Lukas 1:18 Iomraidhean Croise

Keneses 15:8

Nge Apram a aisini, “Ai Samol me ai Kot, met üpwe silei ren pwe üpwe fanüeni ei fanü?”

Keneses 17:17

Iwe, Apraham a chapetiu lepwül, a takir o ekieki lon lelukan, “Ifa usun, eman mönükol epwe uputiu ngeni eman chinlap mi ierini ipükü? Nge Sara mi ierini tiwe epwe tongeni nöünöü?”

Keneses 18:12

Iei mine Sara a takir o ekieki lon lelukan, “Ifa usun, ngang üpwe chüen eäni mochenin fituk lon ai chinlap, nge ai samol a pwal chinlap?”

2. King 7:2

Mürin, ewe meilap, ätewe mi wisen tümwünü ewe king, a üreni Elisa, “Inamwo are ewe Samol mi Lapalap epwe püsin suki asammwachon läng o tinato mongö, ei mettoch esap tongeni fis.” Nge Elisa a üreni, “Kopwe püsin küna ren mesom, nge kosap mongö seni.”

Aisea 38:22

Mürin, Hiskia a ais, “Ifan ewe asisil pwe üpwe tufichin feila lon imwen ewe Samol mi Lapalap?”

Lukas 1:34

Iwe, Maria a üreni ewe chon läng, “Ngang eman föpwül, esap wor pwülüei. Epwe ifa usun an epwe tongeni fis ei sokun ngeniei?”

Lukas 1:7

Nge esap wor nöür, pun Elisapet a rit, nge ir me ruoman ra fen pwal chinlapala.

Nöün Paulus Toropwe ngeni ekewe Souläng lon Rom 4:19

Apraham a arapakan ipükü ier, nge an lükülük esap apwangapwangala lupwen a ekieki usun inisin pwe a arap ngeni mäla, nge pwal Sara pwülüan we esap chüen tongeni nöünöü.