Lukas 1:17 - Chuukese Bible

¹⁷ I epwe akom mwen ewe Samol lon tufichin ewe Ngün me ewe manaman mi nom ren Elias. Epwe akulu leluken ekewe sam ngeni nöür o akulusefäli letipen ekewe aramas mi lükümach, pwe repwe eäni ekiekin ekewe chon pwüng. Pun epwe amolätä fän iten ewe Samol eu mwichen aramas mi amolöch.”

Lukas 1:17 Iomraidhean Croise

1. King 17:1

Iwe, eman sofos itan Elias seni Tispe lon Kiliat a üreni Ahap, “Mwo manauen ewe Samol mi Lapalap ewe Koten Israel, ewe Kot üa angang ngeni, esap püngütiu amurenipwin ika üt lon kei ier tori üpwe kapasefäl.”

1. King 18:18

Nge Elias a üreni, “Sap ngang üa atolonga Israel lon feiengau, ngei en me chon leimwen semom, pun oua aleasolap ngeni än ewe Samol mi Lapalap kewe allük o fel ngeni ekewe uluulun anü Paal.

1. King 21:20

Iwe, lupwen Ahap a küna Elias, a üreni, “Ifa usun, ka sereniei, en chon oputaei?” Elias a pälüeni, “Ewer, üa serenuk. Ka fangala inisum pwe kopwe föri mine a ngau me fän mesen ewe Samol mi Lapalap.

2. King 1:16

Iwe, Elias a üreni ewe king, “Iei alon ewe Samol mi Lapalap, ‘Pokiten ka tinala chon künö pwe repwe aisini Paalsepup ewe koten Ekron, usun chök nge itä esap wor eman Kot lon Israel pwe kopwe tongeni aisini, iei mine kosap pwätä seni om kiekien samau, nge kopwe fokun mäla.’”

1. Kronika 29:18

Ai Samol mi Lapalap, än äm kewe lewo Apraham, Isaak me Jakop we Kot, kopwe föri pwe ei lapalap me ekiek epwe chök fifis lon leluken noum aramas tori feilfeilachök, kopwe pwal föri pwe repwe allükülük ngonuk fansoun meinisin.

2. Kronika 29:36

Nge Hiskia me ekewe aramas meinisin ra pwapwa, pokiten Kot a alisiir, pwe ra tongeni müttir föri ekei föför.

Kölfel 10:17

Ai Samol mi Lapalap, kopwe rong än ekewe mi riaföü tüngor, kopwe apöchöküla leluker o aü selingom ngeni ar siö.

Kölfel 111:10

Niuokusiti ewe Samol mi Lapalap, iei poputän tipachem. Chokewe meinisin mi föri iei usun ra fefeitä lon ar silelap. Sipwe mwareiti Kot tori feilfeilachök.

Kölfel 78:8

pwe resap wewe ngeni ar kewe lewo, ewe täppin aramas mi ülöförea me lükümach, ewe täppin aramas leluker esap pos, resap pwal allükülük ngeni Kot.

Aisea 29:24

Iwe, chokewe esap wor ar mirit repwe kaiö mirit, nge chon lalapat repwe aleasochisi kapasen fön.”

Amos 4:12

“Iei mine üpwe apwüngükemi, ämi chon Israel. Pokiten üpwe föri ei, ämi chon Israel oupwe amolakemiitä pwe oupwe churiei, ngang ämi we Kot.”

Mateus 11:14

Nge are oua mochen lükü ar kapas, Johannes i ätewe ewe soufos a kapas usun, lupwen a apasa pwe Elias epwe war.

Mateus 14:4

Pun Johannes Soupapatais a fen üreni Herotes, “Ese pwüng ngonuk om kopwe pwülüeni Herotias.”

Mateus 3:3

Johannes ätewe ewe soufos Aisea a kapas usun lupwen a apasa, “Eman a kökkö fän leüömong lon ewe fanüapö: ‘Oupwe amolätä alen ewe Samol. Oupwe awenecharala ewe al epwe fetal won.’”

Mateus 3:4

Johannes a üföüf üf mi för seni ülen kamel, ririn lukalapan a för seni silin man, nge anan mongö lifichimas me chönün chunen seni lein pötöwöl.

Lukas 1:16

Iwe, epwe aliwinisefäli chomong aramasen Israel ngeni ewe Samol ar we Kot.

Lukas 1:76

Nge en, nei, kopwe iteni nöün Kot ewe mi Unusen Tekia soufos. Kopwe akom mwen ewe Samol, pwe kopwe amolätä alan,

Johannes 1:13

Resap wiliti nöün Kot usun än eman uputiu ngeni saman, pun resap uputiu won tipen fituk are tipen mwän, nge püsin Kot a föri pwe ir nöün.

Johannes 1:34

Ngang üa küna ei, üa pwal pwärätä pwe ätei Nöün Kot.”

Johannes 3:28

Püsin ämi oua tongeni pwärätä pwe ngang üa apasa, ‘Sap ngang ewe Kraist, nge Kot a tinieito me mwan.’

Föför 10:33

Iei mine üa müttir titi en, nge a mürina pwe ka feito. Iei äm meinisin aia nonom mwen mesen Kot, pwe aipwe aüseling ngeni meinisin mine ewe Samol a allük ngonuk pwe kopwe aiti ngenikem.”

Nöün Paulus Toropwe ngeni ekewe Souläng lon Rom 9:23

A pwal mochen pwärala an ling mi lapalap, a torikich, kich chokewe a ümöümöch ngeni, o a amolakich pwe sipwe angei an we ling.

Kolose 1:12

Oupwe pwapwa lon ämi kilisou ngeni Samach Kot, i ewe mi atufichikemi pwe oupwe eäni ekewe feiöch Kot a iseis fän iten ekewe chon pin lon ewe mwün saram.

2. Timoty 2:21

Are eman aramas a püsin limeti seni ekana sokun lapalap mi ngau, i epwe eu pisekin aea fän iten ekoch popun mi aüchea, pun a pin o lomot fän iten an Samol, a molotä pwe epwe eu pisekin aea fän iten föför mürina meinisin.

1. Petrus 2:9

Nge ämi eu ainang mi fil, eu mwichen souasor än ewe king, eu mwün aramas mi pin, nöün Kot kewe aramas, oua fil pwe oupwe arongafeili än Kot kewe föför mi manaman, i ewe mi körikemiiwu seni rochopwak, pwe oupwe tolong lon an saram mi amwarar.

1. Johannes 2:28

Ewer, nei kana, oupwe nonom lon Kraist, pun lupwen i epwe pwä, kich sipwe fokun tipepwora, nge sisap opola seni fän säw lon ewe Rän epwe wareto.

Pwärätä 20:4

Mürin üa küna ekoch lenien motun king, nge chokewe mi mot wor ra angei ewe pöchökül pwe repwe tongeni eäni kapwüng. Üa pwal küna ngünün chokewe mi ninnila pokiten ar arongafeili ewe let Jesus a pwärätä me än Kot kapas. Ir chokewe resap fel ngeni ewe manmwacho ika uluulun we, resap pwal angei asisilen ewe manmwacho won chamwer ika won pöür. Ra manausefäl o eti Jesus le nemenem lon ükükün engeröü ier.

1. Samuel 7:5

Mürin, Samuel a üreni ekewe chon Israel meinisin, “Oupwe mwicheto lon Mispa, nge ngang üpwe iotek ngeni ewe Samol mi Lapalap fän itemi.”