Lukas 1:16 - Chuukese Bible

¹⁶ Iwe, epwe aliwinisefäli chomong aramasen Israel ngeni ewe Samol ar we Kot.

Lukas 1:16 Iomraidhean Croise

Aisea 49:6

Iwe, a apasa, “Kosap nei chök chon angang mi wisen achufengeni chon ekewe ainangen Israel o aliwinato chokewe mi chüen manau me leir. Nge üpwe pwal föri pwe kopwe eu saram fän iten chon ekewe mwü, pwe chon fanüfan meinisin repwe küna manau.”

Taniel 12:3

Iwe, ekewe chon mirit repwe meriweriw usun meriweriwen läng, nge chokewe mi aiti ngeni chomong aramas usun ar repwe föri mine a pwüng repwe titin usun fü kana tori feilfeilachök.

Malakai 3:1

Iwe, ewe Samol mi Unusen Manaman a pälüeni, “Nengeni, üpwe tinala nei chon künö pwe epwe amolätä efoch al fän itei. Mürin, ewe Samol mi Lapalap, ewe oua kütta, epwe müttir feito lon imwan imwenfel. Nengeni, epwe feito ewe chon künön ewe pwon, ätewe oua pwapwaiti.”

Mateus 21:32

Pun Johannes Soupapatais a feito remi o aiti ngenikemi ewe al mi pwüng oupwe fetal won, nge ämi ousap lükü an afalafal. Nge ekewe chon ioni takises me ekewe fin lisowu ra lükü an afalafal. Inamwo lupwen oua küna ar lükü, ämi ousap siwili ämi ekiek o lükü an afalafal.”

Lukas 1:76

Nge en, nei, kopwe iteni nöün Kot ewe mi Unusen Tekia soufos. Kopwe akom mwen ewe Samol, pwe kopwe amolätä alan,

Lukas 3:3

Iei mine Johannes a feila lemenen unusen ewe fanü ünükün ewe chanpupu Jortan o afalafal, “Oupwe kul seni ämi tipis o papatais, iwe, Kot epwe amusala ämi tipis.”