Lukas 1:13 - Chuukese Bible

¹³ Nge ewe chon läng a üreni, “Kosap niuokus, Sakarias! Pun Kot a aüseling om iotek. Elisapet pwülüom we epwe pwopwo o nöüni eman ät, iwe, kopwe aita ngeni Johannes.

Lukas 1:13 Iomraidhean Croise

Keneses 17:10

Iei ai we pwon ngonuk me mwirimwirum kana oupwe apwönüetä: Nöümi ät meinisin repwe sirkomsais.

Keneses 17:19

Nge Kot a üreni Apraham, “Apwi, Sara pwülüom we epwe nöüni eman noum ät. Iwe, kopwe aita ngeni Isaak . Üpwe apwönüetä ai pwon esemwüch ngeni, pwal ngeni mwirimwirin kana.

Keneses 18:14

Ifa usun, epwe wor och ewe Samol mi Lapalap esap tufich ngeni? Üpwe fokun liwinto reöm mürin eu ier, usun üa fen pwon ngonuk me mwan. Lon na otun Sara epwe nöüni eman ät.”

Keneses 25:21

Iwe, Isaak a ikiotek fän äsengesin pwülüan we, pun a rit. Nge ewe Samol mi Lapalap a aüselinga an iotek, iei mine Repeka a pwopwo.

Kölfel 113:9

A aleniöchü ewe fefin mi rit lon imwan o föri pwe epwe eman inelap mi pwapwa ren nöün kewe. Ousipwe mwareiti ewe Samol mi Lapalap.

Kölfel 118:21

Üa kilisou ngonuk, pun ka pälüeni ai iotek, ka pwal amanauaei.

Aisea 8:3

Mürin üa kon ren pwülüei we, nge a pwopwo o nöüni eman ät. Iwe, ewe Samol mi Lapalap a üreniei, “Kopwe aita ngeni ewe ät Maher-salal-haspas.

Taniel 10:12

Iwe, a pwal üreniei, “Taniel, kosap niuokus, pun Kot a aüselinga om tüngor seni lon ewe aeuin rän lupwen ka atekisonok fän mesen om we Kot, pun ka fokun mochen weweiti künaom we. Iei üa feito pwe pälüen om iotek.

Osea 1:4

Iwe, ewe Samol mi Lapalap a üreni Osea, “Kopwe aita ngeni ewe ät ‘Jesrel’, pun ekis chök fansoun mürin üpwe apwüngü chon leimwen Jehu fän iten än Jehu ni ekewe aramas me lon Jesrel, üpwe pwal awesi ewe mwün Israel.

Osea 1:6

Iwe, Komer a pwopwosefäl o nöüni eman nengin. Mürin, ewe Samol mi Lapalap a üreni Osea, “Kopwe aita ngeni ewe nengin ‘Esechen’. Pun ngang üsap chüen echeni ekewe chon Israel ika amusala ar kewe tipis.

Mateus 1:21

Epwe nöünöü eman ät, iwe, kopwe aita ngeni Jesus, pun i epwe amanaua aramasan seni ar tipis kana.”

Mateus 14:27

Lon ewe chök otun Jesus a kapas ngeniir o üreniir, “Oupwe apilükülük! Ngang ei, ousap niuokus!”

Mateus 28:5

Nge ewe chon läng a üreni ekewe fefin, “Ousap niuokus. Üa silei pwe oua kütta Jesus ewe mi iräpenges.

Markus 16:6

Ewe alüal a üreniir, “Ousap rükö, üa silei pwe oua kütta Jesus ewe re Nasaret, ewe mi iräpenges. Esap nom ikei, pwe a manausefälitä. Oupwe katol ewe leni ia ra peiaseni ie.

Lukas 1:14

Iwe, kopwe pwapwa o mwanek ren, nge chomong repwe pwapwa lupwen epwe uputiu.

Lukas 1:30

Ewe chon läng a üreni, “Kosap niuokus, Maria, Kot a fokun ümöümöch ngonuk.

Lukas 2:21

Lupwen a tori awaluen ränin ewe mönükol, wesin an sirkomsais, ra aita ngeni Jesus. Iei ewe it ewe chon läng a aita ngeni mwen Maria esamwo pwopwo.

Föför 10:31

o a apasa, ‘Kornelius! Kot a aüselinga om iotek o chechemeni om alilis ngeni ekewe chon wöüngau.

Soukapwüng 6:23

Ewe Samol mi Lapalap a üreni, “Kinamwe epwe toruk. Kosap niuokus, pun kosap mäla.”

1. Samuel 2:21

Iwe, ewe Samol mi Lapalap a afeiöchü Hana, iei mine a pwal wor ülüman nöün ät me ruoman nengin. Nge ewe ät Samuel a mämäritä o föri an angang ngeni ewe Samol mi Lapalap.