Lifitikos 4:3 - Chuukese Bible

³ Are ewe souasor mi lap a tipis o ren an tipis a atoto tipis won ekewe aramas, epwe uwato ngeni ewe Samol mi Lapalap eman nienifön ätemwänin kow esap wor terin, pwe epwe eäni asor fän iten an tipis.

Lifitikos 4:3 Iomraidhean Croise

2. Kronika 29:21

Ra emwenato füman ätemwänin kow, füman ätemwänin sip, füman lam, pwal füman ätemwänin kuuch pwe eu asoren tipis fän iten familien ewe king, fän iten chon Juta, pwal fän iten limelimen ewe leni mi pin. Iwe, Hiskia a allük ngeni ekewe souasor ir mwirimwirin Aaron, pwe repwe eäniir asor won än ewe Samol mi Lapalap rongen asor.

Esra 8:35

Lon ewe fansoun chokewe mi liwinto seni ar oola ra eäni asoren kek ngeni ewe Koten Israel ükükün engol me ruoman ätemwänin kow fän iten chon Israel meinisin, tiwe me wonoman ätemwänin sip me fik me füman nienifön sip, pwal engol me ruoman ätemwänin kuuch fän iten asoren tipis. Ekei mönün asor meinisin ra eäni asoren kek ngeni ewe Samol mi Lapalap.

Ekistos 29:14

nge fituken ewe ätemwänin kow me silin pwal taran kopwe kenirela lükün ewe ia chon Israel ra nonom ie, pun iei eu asoren tipis fän iten ekewe souasor.

Ekistos 29:21

Iwe, kopwe angei ekis cha me won ewe rongen asor me ewe löön epit o äsupu ngeni Aaron me üfan, pwal ngeni nöün kewe mwän me üfer. Iwe, Aaron me üfan kewe repwe pin, pwal nöün kewe mwän me üfer.

Ekistos 29:7

Mürin kopwe angei ewe löön epit o ninätiu won möküran pwe kopwe epiti.

Ekistos 30:10

Fän eu lon eu ier Aaron epwe föri ewe angangen elimelima ewe rongen asoren ötüöt ren an tofi ngeni mächän kewe chan ewe mönün asoren amusamusen tipis. Ei epwe fis iteiten ier seni eu täppin aramas tori eu täppin. Ei rongen asoren ötüöt a unusen pin fän itei ngang ewe Samol mi Lapalap.”

Isikiel 40:39

Nge lon kengkangen ewe asamalap a wor akaruu chepel me rüepek, ia ra niela ie ekewe mönün asoren kek me mönün asoren amusamusen tipis, pwal mönün asoren amusamusen pupungau.

Isikiel 43:19

Lon ewe rän kopwe angei eman nienifön ätemwänin kow o ngeni ekewe souasor seni ewe ainangen Lefi, ir mwirimwirin Satok mi feito rei pwe repwe angang ngeniei. Ngang Kot ewe Samol mi Lapalap üa kapas. Iwe, repwe eäni asor ei ätemwänin kow fän iten asoren amusamusen tipis.

Isikiel 44:27

Iwe, lon ränin an tolong lon ewe leni mwen Imwenfel pwe epwe föri an angang lon, epwe föri asoren amusamusen an tipis, ngang Kot ewe Samol mi Lapalap üa kapas.

Lifitikos 1:10

Iwe, are an asor epwe eu asoren kek seni nöün sip are kuuch, epwe uwato eman ätemwän esap wor terin.

Lifitikos 1:3

Are an asor epwe eu asoren kek seni nöün pwiin kow, epwe uwato eman ätemwänin kow esap wor terin ren asamalapen ewe imwenfel seni mangaku, pwe ewe Samol mi Lapalap epwe etiwa.

Lifitikos 16:11

Iwe, Aaron epwe uwato ewe ätemwänin kow pwe asoren tipis fän püsin itan, o föri asoren amusamusen an tipis me än an famili tipis. Epwe niela ewe ätemwänin kow pwe asoren tipis fän püsin itan.

Lifitikos 16:3

Iei usun pwüngün än Aaron epwe tolong lon ewe leni mi unusen pin: Epwe uwato eman nienifön ätemwänin kow fän iten asoren tipis, pwal eman ätemwänin sip fän iten asoren kek.

Lifitikos 16:5

Aaron epwe pwal angei seni ekewe aramasen Israel ruoman ätemwänin kuuch fän iten asoren tipis me eman ätemwänin sip fän iten asoren kek.

Lifitikos 16:6

Iwe, Aaron epwe eäni asor ewe ätemwänin kow pwe asoren tipis fän püsin itan, o föri asoren amusamusen an tipis me än an famili tipis.

Lifitikos 4:14

Nge are ra mefi pwe ra tipis, ewe mwichen aramas epwe emwenato mwen ewe imwenfel seni mangaku eman nienifön ätemwänin kow fän iten asoren tipis.

Lifitikos 4:23

Iwe, are a mefi pwe a tipis, epwe uwato eman ätemwänin kuuch esap wor terin fän iten an asor.

Lifitikos 4:28

Nge are a mefi pwe a tipis, epwe uwato eman liafefinin kuuch esap wor terin, pwe an asor fän iten an tipis.

Lifitikos 4:5

Mürin, ewe souasor mi lap epwe angei ekis chan ewe ätemwänin kow o uwato lon ewe imwenfel seni mangaku.

Lifitikos 5:6

o uwato ren ewe Samol mi Lapalap fän iten an tipis eman liafefinin sip ika kuuch seni nöün man pwe an asoren tipis. Nge ewe souasor epwe föri asoren amusamusen tipis fän iten ewe aramas.

Lifitikos 6:18

Iteiten mwän me lein ekewe mwirimwirin Aaron repwe mongö seni. Iei inetir seni ewe asor ngeni ewe Samol mi Lapalap, seni eu täppin aramas tori eu täppin. Esap fokun wor eman lükür epwe atapa ekewe asor, pun iö a atapa epwe feiengau ren pinin.

Lifitikos 8:12

A pwal ninätiu ekis seni ewe löön epit won möküren Aaron o epiti pwe epwe pin.

Lifitikos 9:2

Iwe, a üreni Aaron, “Kopwe angei eman nienifön ätemwänin kow fän iten asoren tipis, pwal eman ätemwänin sip fän iten asoren kek, nge esap wor terir. Iwe, kopwe eäniir asor fän mesen ewe Samol mi Lapalap.

Lifitikos 9:3

Mürin kopwe üreni ekewe aramasen Israel: Oupwe angei eman ätemwänin kuuch fän iten asoren tipis, pwal eman nienifön kow me eman lam fan iten asoren kek, nge ir me ruoman eu ierir, esap pwal wor terir.

Numperis 16:22

Nge ir ra chapetiu lepwül o apasa, “Äm Kot, en popun manauen aramas meinisin. Ifa usun, kopwe song ngeni unusen ewe mwichen aramas are eman chök mwän a tipis?”

Numperis 8:8

Mürin repwe angei eman nienifön ätemwänin kow o achu ngeni ewe asoren mongö seni pilawa mi amas o mürina a nofit ngeni apüra. Nge en kopwe angei pwal eman nienifön ätemwänin kow fän iten asoren tipis.

Nöün Paulus Toropwe ngeni ekewe Souläng lon Rom 8:3

Iwe, mine ewe Allük esap tongeni föri pokiten fitukach a apwangapwang, Kot a föri: A ngeni tipis liwinin lon fituken Nöün we, ren an tinato püsin Nöün lon lapalapen aramas usun eman aramas tipis, pwe epwe eu asoren tipis.

2. Korint 5:21

Kraist esap wor an tipis, nge fän itach Kot a föri pwe i a tipisini tipisich, pwe kich sipwe küna pwüngün Kot lon i.

Ipru 5:3

Iwe, pokiten püsin i a apwangapwang, epwe fokun föri asoren amusamusen tipis, sap fän iten chök än ekewe aramas tipis, pwe pwal fän iten püsin an tipis.

Ipru 9:12

Lupwen Kraist a tolong lon ewe imwenfel seni mangaku, a tolong lon ewe Leni mi Unusen Pin fän eu chök, nge a naf ngeni fansoun meinisin. Iwe, esap uwalong chaan kuuch me chaan ätemwänin kow, pwe epwe eäni asor, nge a uwalong püsin chaan, pwe epwe angasakich seni ach tipis tori feilfeilachök.