Lifitikos 3:9 - Chuukese Bible

⁹ Iwe, seni ewe mönün asoren kinamwe epwe eäni asor won ekkei ngeni ewe Samol mi Lapalap ekei kinikin: kirisin, unusen kirisin mechan, epwe rei kükü ngeni chülapan, ewe kiris mi pwölüela pisekin lon inisin meinisin,

Lifitikos 3:9 Iomraidhean Croise

2. Samuel 6:17

Iwe, ra uwato än ewe Samol mi Lapalap we pworofel o uwalong lon ewe imw mangaku Tafit a aüetä fän iten ewe pworofel. Mürin, Tafit a eäni asoren kek me asoren kinamwe ngeni ewe Samol mi Lapalap.

1. King 3:15

Iwe, Salomon a nela o mefi pwe Kot a fos ngeni lon an tan. Mürin, a feila Jerusalem, a ütä me mwen än ewe Samol mi Lapalap we pworofel o eäni asoren kek me asoren kinamwe ngeni. Mürin a föri eu kametip fän iten nöün kewe nöüwis meinisin.

1. King 8:63

Iwe, Salomon a eäni asoren kinamwe ngeni ewe Samol mi Lapalap ükükün rüe me ruungeröü ätemwänin kow me ipükü rüe ngeröü sip. Iei usun ewe king me ekewe aramasen Israel meinisin ra efinüna imwen ewe Samol mi Lapalap.

1. King 8:64

Lon ewe chök ränin ewe king a apini lukalapen ewe leni lükün mwen imwen ewe Samol mi Lapalap. Iwe, ikenan a eäni ekewe asoren kek me asoren mongö, pwal ekewe kinikinin kiris seni ekewe asoren kinamwe, pokiten ewe rongen asor seni piras mi nom fän mesen ewe Samol mi Lapalap a men kükün fän iten ekei sokopaten asor meinisin.

1. Kronika 16:1

Iwe, ra uwato än Kot we pworofel o anomu lon ewe imw mangaku Tafit a fen amolätä fän itan. Mürin, ra eäni asoren kek me asoren kinamwe ngeni Kot.

Ekistos 29:22

Kopwe pwal angei kirisin ewe ätemwänin sip, kirisin ükün, ewe kiris mi pwölüela pisekin lon inisin, mwärekeon ammünün, ekewe ruoföü föün lon fiti kirisir, pwal pelifichin pechen, pun ei ätemwänin sip eu asoren afeiöch.

Än Salomon Fos 23:26

Nei, kopwe fokun aüselingaei o apirüei lon ai föför.

Aisea 53:10

Iwe, iei letipen ewe Samol mi Lapalap, pwe a kinas o cheuch. Are a fangala manauan pwe eu asor fän iten tipis, epwe wor mwirimwirin, epwe pwal alangatama ränin manauan. Iwe, letipen ewe Samol mi Lapalap epwe fisitä ren.

Lifitikos 17:5

Popun ei allük pwe ekewe aramasen Israel repwe uwato ar kewe mönün asor ren ewe Samol mi Lapalap, nge resap chüen nirela lon ekewe maasies. Repwe uweereto ren ewe souasor leasamalapen ewe imwenfel seni mangaku o nirela, pwe ar asoren kinamwe.

Lifitikos 7:3

Ewe souasor epwe eäni asor kirisin ewe mönün asor meinisin: Kirisin mechan pwal ewe kiris mi pwölüela pisekin lon inisin,

Lifitikos 8:25

Iwe, a angei kirisin ewe mönün asor, kirisin mechan me kirisin won pisekin lon inisin meinisin, mwärekeon ammünün pwal ekewe ruoföü föün lon fiti kirisir me pelifichin pechen.

Lifitikos 9:19

Iwe, ra angei kirisin ewe ätemwänin kow me kirisin ewe ätemwänin sip, iei ewe mechan mi kiris echök, ewe kiris mi pwölüela pisekin lon inisir, ekewe föün lor me mwärekeon ammünür,

Numperis 7:88

Nge ükükün ekewe man fän iten ewe asoren kinamwe: rüe me föman ätemwänin kow, wone ätemwänin sip, wone ätemwänin kuuch me wone ätemwänin lam eu ierir. Iei ükükün asoren apinipinin ewe rongen asor mürin an kepit.

1. Samuel 10:8

Iwe, kopwe akomwetiu me mwei Kilkal. Ngang üpwe feila reöm pwe üpwe eäni asoren kek me asoren kinamwe. Kopwe witiwitiei lon ükükün fisu rän, tori üpwe feito reöm o ürenuk mine kopwe föri.”