Lifitikos 3:5 - Chuukese Bible

⁵ Mürin, nöün Aaron kewe mwän repwe keni me won ewe rongen asor asen ewe asoren kek mi nom won mwüchün ewe ekkei. Ei eu asor ewe Samol mi Lapalap a efich pwoon.

Lifitikos 3:5 Iomraidhean Croise

1. King 8:64

Lon ewe chök ränin ewe king a apini lukalapen ewe leni lükün mwen imwen ewe Samol mi Lapalap. Iwe, ikenan a eäni ekewe asoren kek me asoren mongö, pwal ekewe kinikinin kiris seni ekewe asoren kinamwe, pokiten ewe rongen asor seni piras mi nom fän mesen ewe Samol mi Lapalap a men kükün fän iten ekei sokopaten asor meinisin.

2. Kronika 35:14

Mürin ei, ekewe mwän seni ewe ainangen Lefi ra amolätä ener pwal enen ekewe souasor, ir ekewe mwirimwirin Aaron, pun ekewe souasor ra achocho le eäni asor ekewe asoren kek me ekewe kinikinin kiris tori lepwin. Iei usun ra amolätä fän iter pwal fän iten ekewe souasor.

Ekistos 29:13

Mürin kopwe angei kirisin meinisin mi pwölüela pisekin lon inisin, pwal mwärekeon ammünün me ekewe ruoföü föün lon fiti kirisir o kenirela won ewe rongen asor.

Isikiel 44:15

Nge ekewe souasor seni ewe ainangen Lefi, ir mwirimwirin Satok mi allükülük le föri angangen leniei mi pin, lupwen chon Israel ra tok seniei, repwe feito rei o angang ngeniei. Iwe, repwe ütä fän mesei o asor ngeniei kirisin me chan ekewe mönün asor. Ngang Kot ewe Samol mi Lapalap üa kapas.

Isikiel 44:7

Pun oua mwüt ngeni chon ekis pwe repwe tolong lon ai leni mi pin o apiningaua, ir resap sirkomsais, resap pwal aleasochisiei. Iwe, lupwen ra nom, oua pwal eäni asoren mongö ngeniei, asoren kiris me cha. Ren ei oua awateela ämi föför mi anioput o ataela ämi pwon ngeniei.

Lifitikos 1:13

Nge ewe aramas epwe talü ngeni koluk pisekin lon inisin me pechen. Iwe, ewe souasor epwe uwato unusan meinisin o kenala me won ewe rongen asor. Pun iei eu asoren kek ewe Samol mi Lapalap a efich pwoon.

Lifitikos 1:17

Epwe pwal amwöchü pöükässin o ekis pwiliela, nge esap wesewesen pwilifeseni. Iwe, ewe souasor epwe kenala me won mwüchün ekkein ewe rongen asor. Pun ei eu asoren kek ewe Samol mi Lapalap a efich pwoon.

Lifitikos 1:9

Nge ewe aramas epwe talü ngeni koluk pisekin lon inisin ewe mönün asor me pechen. Mürin, ewe souasor epwe kenala meinisin me won ewe rongen asor pwe eu asoren kek ewe Samol mi Lapalap a efich pwoon.

Lifitikos 3:11

Iwe, ewe souasor epwe keni ekei kinikin me won ewe rongen asor, pwe eu asoren mongö ngeni ewe Samol mi Lapalap.

Lifitikos 3:4

ekewe ruoföü föün lon fiti kirisin wor mi kükü ngeni fitukesaran wänüükün pwal mwärekeon ammünün.

Lifitikos 4:31

Mürin, epwe aserala kirisin meinisin, usun a aserala kirisin ekewe mönün asoren kinamwe. Iwe, ewe souasor epwe keni me won ewe rongen asor, pwe ewe Samol mi Lapalap epwe efich pwoon. Iei usun ewe souasor epwe föri asoren amusamusen tipis fän iten ewe aramas, pwe an tipis epwe musala.

Lifitikos 4:35

Iwe, epwe aserala kirisin meinisin, usun a aserala kirisin ewe sip a ninnila fän iten asoren kinamwe. Mürin, ewe souasor epwe kenala ewe kiris won ewe rongen asor asen ewe asoren kek ngeni ewe Samol mi Lapalap. Ren ei ewe souasor epwe föri asoren amusamusen tipis fän iten ewe aramas, pwe an tipis epwe musala.

Lifitikos 6:12

Iwe, ewe ekkei won ewe rongen asor epwe chök kükü, nge esap fokun kunula. Iteiten lesosor ewe souasor epwe sosoni ewe ekkei, epwe pwal atettelöchü ewe mönün asoren kek o kenala kirisin ekewe mönün asoren kinamwe won.

Lifitikos 7:28

Iwe, ewe Samol mi Lapalap a pwal ngeni Moses ekei allük

Lifitikos 9:17

Iwe, a pwal uwato ewe asoren mongö, a angei ekumwuch seni o keni me won ewe rongen asor pach ngeni ewe asoren kek mi fis iteiten rän.

Numperis 15:8

Iwe, lupwen ewe aramas epwe eäni asor ngeni ewe Samol mi Lapalap eman ätemwänin kow fän iten asoren kek ika sokun asoren pwon ika asoren kinamwe,

Numperis 18:17

Nge mweinöün eman kow ika sip ika kuuch resap tongeni möni ngonuk, pun ra pin. Kopwe äsupu char ngeni won ewe rongen asor o kenala kirisir pwe eu asor üa efich pwoon.

Numperis 28:12

Iwe, wonu paun pilawa mi amas o mürina mi nofitfengen me apüra epwe chu ngeni eman me eman ätemwänin kow, rüanü paun pilawa mi amas mi nofitfengen me apüra epwe chu ngeni ewe ätemwänin sip,

Numperis 28:3

Iwe, kopwe üreniir: Iei ewe asor oupwe eäni asor ngeni ewe Samol mi Lapalap. Iteiten rän oupwe chök äkeäni asor ruoman ätemwänin lam eu ieriir esap wor terir.

1. Petrus 2:5

Pwal ämi oua usun chök fau mi manau. Oupwe mwüt ngeni Kot pwe epwe aükemiitä, pwe oupwe eu imwen ngün, ia oupwe angang ie lon wisen souasor mi pin, pwe oupwe eäni sokun asor Ngünmifel a tipeni, Kot a etiwa ren Kraist.