Lifitikos 3:16 - Chuukese Bible

¹⁶ Iwe, ewe souasor epwe keniir won ewe rongen asor pwe eu asoren mongö mi pwoöch. Kirisin ekewe mönün asor meinisin än ewe Samol mi Lapalap.

Lifitikos 3:16 Iomraidhean Croise

Keneses 4:4

Nge Epel a eäni asor mwänichien folenian sip pwal seni kirisir. Iwe, ewe Samol mi Lapalap a efich Epel me an asor,

2. Kronika 29:35

Iwe, lükün ekei chomongun asoren kek, ekewe souasor ra pwal keni kirisin ekewe mönün asoren kinamwe o ninätiu ekewe asoren ün mi chu ngeni ekewe asoren kek. Iei usun angangen fel lon imwen ewe Samol mi Lapalap a fisisefäl.

2. Kronika 7:7

Iwe, Salomon a epini lukalapen ewe leni lükün mwen imwen ewe Samol mi Lapalap. Ikenan a eäni ekewe asoren kek me asoren mongö, pwal kirisin ekewe mönün asoren kinamwe, pokiten ewe rongen asor seni piras Salomon a föri a men kükün fän iten ekewe sokopaten asor meinisin.

Ekistos 29:13

Mürin kopwe angei kirisin meinisin mi pwölüela pisekin lon inisin, pwal mwärekeon ammünün me ekewe ruoföü föün lon fiti kirisir o kenirela won ewe rongen asor.

Ekistos 29:22

Kopwe pwal angei kirisin ewe ätemwänin sip, kirisin ükün, ewe kiris mi pwölüela pisekin lon inisin, mwärekeon ammünün, ekewe ruoföü föün lon fiti kirisir, pwal pelifichin pechen, pun ei ätemwänin sip eu asoren afeiöch.

Aisea 53:10

Iwe, iei letipen ewe Samol mi Lapalap, pwe a kinas o cheuch. Are a fangala manauan pwe eu asor fän iten tipis, epwe wor mwirimwirin, epwe pwal alangatama ränin manauan. Iwe, letipen ewe Samol mi Lapalap epwe fisitä ren.

Isikiel 44:15

Nge ekewe souasor seni ewe ainangen Lefi, ir mwirimwirin Satok mi allükülük le föri angangen leniei mi pin, lupwen chon Israel ra tok seniei, repwe feito rei o angang ngeniei. Iwe, repwe ütä fän mesei o asor ngeniei kirisin me chan ekewe mönün asor. Ngang Kot ewe Samol mi Lapalap üa kapas.

Lifitikos 17:6

Iwe, ewe souasor epwe äsupu chan ewe mönün asor ngeni ewe rongen asor än ewe Samol mi Lapalap leasamalapen ewe imwenfel seni mangaku, epwe pwal keni kirisin pwe ewe Samol mi Lapalap epwe efich pwoon.

Lifitikos 4:26

Nge kirisin meinisin epwe kenala me won ewe rongen asor, usun a kenala kirisin ewe mönün asoren kinamwe. Iei usun ewe souasor epwe föri asoren amusamusen tipis fän iten ewe samol, pwe an tipis epwe musala.

Lifitikos 4:31

Mürin, epwe aserala kirisin meinisin, usun a aserala kirisin ekewe mönün asoren kinamwe. Iwe, ewe souasor epwe keni me won ewe rongen asor, pwe ewe Samol mi Lapalap epwe efich pwoon. Iei usun ewe souasor epwe föri asoren amusamusen tipis fän iten ewe aramas, pwe an tipis epwe musala.

Lifitikos 8:25

Iwe, a angei kirisin ewe mönün asor, kirisin mechan me kirisin won pisekin lon inisin meinisin, mwärekeon ammünün pwal ekewe ruoföü föün lon fiti kirisir me pelifichin pechen.

Lifitikos 9:24

Iwe, ewe Samol mi Lapalap a tinato ekkei o kenala ewe asoren kek me ewe kiris mi nom won ewe rongen asor. Nge lupwen ekewe aramas meinisin ra küna, ra mweireir ren ar pwapwa o chapetiu lepwül.

Mateus 22:37

Jesus a pölüeni, “Kopwe echeni ewe Samol om Kot ren unusen lelukom, ren unusen ngünum pwal ren unusen ekiekum.