Lifitikos 3:11 - Chuukese Bible

¹¹ Iwe, ewe souasor epwe keni ekei kinikin me won ewe rongen asor, pwe eu asoren mongö ngeni ewe Samol mi Lapalap.

Lifitikos 3:11 Iomraidhean Croise

Kölfel 22:14

Üa usun chök koluk mi niitiu, lekeilen chüi meinisin ra ruwofesen, lelukei a usun kiris, a telila me leupwei.

Isikiel 44:7

Pun oua mwüt ngeni chon ekis pwe repwe tolong lon ai leni mi pin o apiningaua, ir resap sirkomsais, resap pwal aleasochisiei. Iwe, lupwen ra nom, oua pwal eäni asoren mongö ngeniei, asoren kiris me cha. Ren ei oua awateela ämi föför mi anioput o ataela ämi pwon ngeniei.

Lifitikos 21:17

“Kopwe üreni Aaron: Esap wor eman me lein mwirimwirum kana mi wor terin epwe kaneto pwe epwe eäni asoren mongö ngeniei. Ei epwe fis seni eu täppin aramas tori eu täppin.

Lifitikos 21:6

Iwe, repwe pin fän itei, nge resap aitengaua itei. Pun ir ra eäni ewe asoren mongö ngeniei ngang ewe Samol mi Lapalap. Iei mine ekewe souasor repwe pin.

Lifitikos 21:8

Iei mine ekewe aramas repwe föri met ewe souasor epwe pin me rer, pun a eäni ewe asoren mongö ngeniei. Ngang ewe Samol mi Lapalap üa pin, üa pwal apinikemi.

Lifitikos 22:25

Ousap pwal eäni asor ei sokun man oua angei me ren eman chon ekis pwe asoren mongö ngeni ämi Kot. Iwe, a wor terir, iei mine Kot esap etiwa ewe asor senikemi.

Lifitikos 3:16

Iwe, ewe souasor epwe keniir won ewe rongen asor pwe eu asoren mongö mi pwoöch. Kirisin ekewe mönün asor meinisin än ewe Samol mi Lapalap.

Lifitikos 3:5

Mürin, nöün Aaron kewe mwän repwe keni me won ewe rongen asor asen ewe asoren kek mi nom won mwüchün ewe ekkei. Ei eu asor ewe Samol mi Lapalap a efich pwoon.

Malakai 1:12

Nge oua apiningaua pinin ewe rongen asor, lupwen oua apasa pwe ai rongen asor a limengau, nge ewe mongö mi nom won a anioput.

Malakai 1:7

Ren ämi eäni asor mongö mi limengau won ai rongen asor. Nge ämi oua ais, ‘Met aia alimengaua ren?’ Ren ämi apasa pwe ai rongen asor a aücheangau.

Numperis 28:2

“Kopwe allük ngeni ekewe aramasen Israel: Oupwe tümwünü pwe oupwe uwato rei ekewe asor fän itei lon ekewe fansoun mi kefilitä, ekewe asoren mongö üa efich pwoon.

Numperis 28:24

Iei usun oupwe eäni asor iteiten rän lon ükükün fisu rän. Ei eu asoren mongö ewe Samol mi Lapalap a efich pwoon, epwe fis lükün ewe asoren kek me ewe asoren ün mi chök fifis iteiten rän.

Nöün Paulus Toropwe ngeni ekewe Souläng lon Rom 8:32

Ewer, esap Kot, pun i esap mwo nge amwöchü püsin Nöün, pwe a fangala fänäsengesich meinisin. Ifa usun, esap pwal fang ngenikich mettoch meinisin me Nöün we?

1. Korint 10:21

Ousap tongeni ün seni än ach Samol kap pwal ün seni än ekewe anün rochopwak kap. Ousap pwal tongeni mongö seni än ach Samol chepel, nge pwal mongö seni än ekewe anün rochopwak chepel.

Pwärätä 3:20

Nengeni, üa ü lükün asam o fichifich. Are eman epwe rongorong mweliei o suki ewe asam, üpwe tolong ren o mongö ren, nge i epwe mongö rei.