Lifitikos 3:1 - Chuukese Bible

¹ Iwe, are eman aramas epwe eäni eu asoren kinamwe, epwe eäni asor eman ätemwän ika eman liafefin seni nöün kow, nge epwe chök eäni asor ngeni ewe Samol mi Lapalap eman man esap wor terin.

Lifitikos 3:1 Iomraidhean Croise

1. Kronika 21:26

Mürin, Tafit a senätä eu rongen asor ngeni ewe Samol mi Lapalap o eäni asoren kek me asoren kinamwe won. A pwal iotek ngeni ewe Samol mi Lapalap, nge i a pälüeni o tinätiu ekkei seni läng mi kenala ewe asor won ewe rongen asor.

Ekistos 20:24

Iwe, oupwe föri eu rongen asor seni pwül fän itei, pwe oupwe eäni ämi asoren kek me asoren kinamwe won seni nöümi sip me kow. Ekewe leni meinisin üa filätä pwe oupwe fel ngeniei ie üpwe feito remi o afeiöchükemi me ie.

Ekistos 24:5

Mürin a tinala alüal seni me lein ekewe aramasen Israel ra eäni asoren kek, ra pwal eäni asor ätemwänin kow pwe asoren kinamwe ngeni ewe Samol mi Lapalap.

Ekistos 29:28

Ikkei inetin Aaron me nöün kewe mwän, repwe angei me ren ekewe chon Isrel iteiten fansoun meinisin. Pun iei ewe asor ekewe chon Israel repwe fang ngeniei seni ar kewe asoren kinamwe.

Än Salomon Fos 7:14

“Ikenai üa eäni eu asoren kinamwe, nge a chüen wor ochäi fituk seni ewe mönün asor.

Isikiel 43:27

Nge wesin ekewe rän, lon ewe awaluen rän, ekewe souasor repwe popuetä le eäni ämi asoren kek me ämi asoren kilisou won ewe rongen asor. Mürin ngang üpwe etiwakemi fän ümöümöch. Ngang Kot ewe Samol mi Lapalap üa kapas.”

Isikiel 45:15

Iteiten familien chon Israel epwe eäni asor eman sip seni iteiten akaruopükü sip. Iei ewe asoren mongö, asoren kek me asoren kilisou fän iten amusamusen ämi tipis. Ngang Kot ewe Samol mi Lapalap üa kapas.

Lifitikos 1:10

Iwe, are an asor epwe eu asoren kek seni nöün sip are kuuch, epwe uwato eman ätemwän esap wor terin.

Lifitikos 1:3

Are an asor epwe eu asoren kek seni nöün pwiin kow, epwe uwato eman ätemwänin kow esap wor terin ren asamalapen ewe imwenfel seni mangaku, pwe ewe Samol mi Lapalap epwe etiwa.

Lifitikos 17:5

Popun ei allük pwe ekewe aramasen Israel repwe uwato ar kewe mönün asor ren ewe Samol mi Lapalap, nge resap chüen nirela lon ekewe maasies. Repwe uweereto ren ewe souasor leasamalapen ewe imwenfel seni mangaku o nirela, pwe ar asoren kinamwe.

Lifitikos 3:6

Iwe, are eman aramas epwe eäni eu asoren kinamwe ngeni ewe Samol mi Lapalap seni nöün sip eman ätemwän ika eman liafefin, epwe chök eäni asor eman man esap wor terin.

Lifitikos 9:18

Mürin, Aaron a pwal niela ewe ätemwänin kow me ewe ätemwänin sip pwe asoren kinamwe fän iten ekewe aramas. Iwe, nöün Aaron kewe mwän ra uwato chan ekewe mönün asor ren, nge Aaron a uti ngeni pwelin ünükün ewe rongen asor.

Lifitikos 9:4

Oupwe pwal angei eman ätemwänin kow me eman ätemwänin sip fän iten asoren kinamwe o eäniir asor fän mesen ewe Samol mi Lapalap fiti eu asoren mongö mi nofit ngeni apüra, pun ikenai ewe Samol mi Lapalap epwe pwä ngenikemi.”

Amos 5:22

Inamwo ika oua eäni asoren kek ngeniei me asoren mongö, ngang üsap etiweer. Üsap pwal nenengeni ämi eäni asoren kinamwe nöümi mönün asor mi kitinup.

Malakai 1:14

A anümamau eman chon atuputup mi pwon pwe epwe eäni ngeniei asor eman ätemwänin sip seni nöün pwiin man, nge mürin a eäni asor eman mi wor terin. Pun ngang eman king mi lap, nge chon ekewe mwü ra meninitiei.”

Malakai 1:8

Ifa usun, lupwen oua eäni asor ekewe man mi chun, esap ngau? Nge ifa usun, lupwen oua eäni asor ekewe man mi ter ika samau, esap ngau? Are oupwe fang ngeni nöümi kepina ei sokun man, ifa usun, epwe pwapwa ngenikemi ika kirikiröch ngenikemi?

Numperis 15:8

Iwe, lupwen ewe aramas epwe eäni asor ngeni ewe Samol mi Lapalap eman ätemwänin kow fän iten asoren kek ika sokun asoren pwon ika asoren kinamwe,

Numperis 6:14

nge i epwe uwato an asor ngeni ewe Samol mi Lapalap ülüman man esap wor terir: eman ätemwänin lam eu ierin pwe asoren kek, eman liefefinin lam eu ierin pwe asoren tipis, pwal eman ätemwänin sip pwe asoren kinamwe.

Numperis 7:17

pwal ruoman ätemwänin kow, liman ätemwänin sip, liman ätemwänin kuuch pwal liman ätemwänin lam eu ierir fän iten asoren kinamwe. Iei ükükün ewe asor än Nason nöün Aminatap we mwän.

Numperis 7:59

pwal ruoman ätemwänin kow, liman ätemwänin sip, liman ätemwänin kuuch pwal liman ätemwänin lam eu ierir fän iten asoren kinamwe. Iei ükükün ewe asor än Kamaliel nöün Petasur we mwän.

Tuteronomi 12:27

Iwe, oupwe eäni ämi asoren kek, ewe fituk me ewe cha won ewe rongen asor än ewe Samol mi Lapalap ämi we Kot. Oupwe pwal eäni ekewe asor oua tongeni ochoch fituker, nge chan ekewe mönün asor epwe ninitiu won ewe rongen asor än ewe Samol mi Lapalap ämi we Kot.

Kolose 1:20

Ren Nöün we Kot a akota pwe epwe achäsefäli mettoch meinisin ngeni püsin i. Kot a afisätä kinamwe ren chaan Nöün we mi pupula me won ewe iräpenges o a achäsefäli mettoch meinisin won fanüfan pwal lon läng ngeni püsin i.

Ipru 10:22

Iei mine ousipwe arap ngeni Kot ren wenecharen letipach, pwal fän lükülük mi nüküchar, ren letipach mi limöch seni mengiringirin ach tipis, pwal ren inisich mi limelim ren koluk mi limöch.

1. Johannes 1:3

Mine aia fen küna o rongorong aia pwal asile ngenikemi, pwe ämi oupwe etikem lon äm chiechifengen me ewe Sam me Jesus Kraist Nöün we.

Soukapwüng 20:26

Mürin, ekewe aramasen Israel meinisin ra feila Petel. Ikenan ra mot o kechü fän mesen ewe Samol mi Lapalap o achuun lon ewe rän tori lekuniol, ra pwal eäni asoren kek me asoren kinamwe fän mesen ewe Samol mi Lapalap.

Soukapwüng 21:4

Nge sorotän ewe rän ekewe aramas ra pwätäkai, ra senätä eu rongen asor o eäni asoren kek me asoren kinamwe won.