Lifitikos 2:3 - Chuukese Bible

³ Nge lusun ewe asoren mongö epwe fän iten Aaron me nöün kewe mwän. Ei kinikinin asor a unusen pin, pun och kinikin seni ewe asoren mongö ngeni ewe Samol mi Lapalap.

Lifitikos 2:3 Iomraidhean Croise

Esra 2:63

Iwe, ewe kepina a üreniir pwe resap tongeni mongö seni ewe mongö mi unusen pin, tori epwe wor eman souasor mi tongeni kütta pwüngün ren ewe Urim me Tumim .

Ekistos 29:37

Lon ükükün fisu rän kopwe föri asoren limelim fän iten ewe rongen asor, kopwe pwal apini. Mürin, ewe rongen asor epwe unusen pin, nge meinisin mine epwe toori epwe pwal pin.”

Isikiel 44:29

Nge repwe mongö seni ekewe asoren mongö, asoren amusamusen tipis, pwal seni asoren amusamusen pupungau. Iwe, meinisin mine ekewe chon Israel ra fangala ngeniei, epwe än ekewe souasor.

Isikiel 46:20

Iwe, a üreniei, “Iei ewe leni ia ekewe souasor repwe kuku fituken ekewe mönün asoren amusamusen pupungau me amusamusen tipis ie. Ikei repwe pwal umuni ewe asoren mongö, nge resap uwala och lon ewe leni lükün Imwenfel, pun a pin ngeni aramas.”

Lifitikos 10:15

Iwe, pechen ewe mönün asor pwal leupwan mi assaw repwe uweefengenireto me kirisin ekewe asor, pwe repwe assawa fän mesen ewe Samol mi Lapalap, pun eu asoren assaw. Iwe, ei epwe inetum me inetin noum kewe pwe wisemi fansoun meinisin, usun ewe Samol mi Lapalap a fen allük.”

Lifitikos 14:13

Mürin epwe niela ewe lam lon ewe leni mi pin, ewe ia ra niela ie ewe mönün asoren tipis me ewe mönün asoren kek. Pun ewe asoren pupungau inetin ewe souasor usun chök ewe asoren tipis, a pwal unusen pin.

Lifitikos 2:10

Nge lusun ewe asoren mongö epwe fän iten Aaron me nöün kewe mwän. Ei kinikinin asor a unusen pin, pun och kinikin seni ewe asoren mongö ngeni ewe Samol mi Lapalap.

Lifitikos 21:22

A tongeni mongö seni ewe asoren mongö aramas ra uwato fän itei, ewe asoren mongö mi unusen pin pwal ewe mi pin.

Lifitikos 5:13

Iei usun ewe souasor epwe föri asoren amusamusen tipis fän iten än ewe aramas tipis ren eu me eu lein ekewe föför, pwe epwe musala. Nge lusun ewe asor epwe än ewe souasor, usun a fis ren ewe asoren mongö.

Lifitikos 6:26

Ewe souasor mi föri ei angangen asoren tipis epwe pwal mongö seni ewe asor lon ewe leni mi pin lükün ewe imw mangaku ia aramas ra churi Kot ie.

Lifitikos 6:9

pwe epwe ngeni Aaron me nöün kewe mwän ekei allükün asoren kek: Ewe asoren kek epwe nom won ewe rongen asor unusen pwin tori lesosor, nge ekkeiin won epwe chök kükü.

Lifitikos 7:7

Mi wor eu chök allükün asoren pupungau me asoren tipis: Ewe souasor mi föri ewe asoren amusamusen tipis epwe eäni fituken ewe mönün asor.

Lifitikos 7:9

Iteiten asoren mongö mi um pwal meinisin mine a kuk lon nape ika furain lon furaipan epwe fän iten ewe souasor mi föri ewe angangen asor.

Numperis 18:9

Ämi oupwe eni ewe kinikin esap kekila seni ekewe asor mi unusen pin. Seni ekewe lifang meinisin aramas ra uwato rei pwe eu asor mi unusen pin, ese lifilifil ika asoren mongö, ika asoren tipis, ika asoren pupungau, ekei kinikin repwe fän itemi me noum kewe mwän.

1. Samuel 2:28

Üa fili i seni ekewe ainangen Israel meinisin pwe epwe nei souasor, epwe angang ngeni ai rongen asor, epwe pwal keni apach mi pwokus o üföüf ewe üf itan efot me fän mesei. Üa ngeni chon leimwen Aaron ai asor won ekkei meinisin seni ekewe aramasen Israel.