Lifitikos 1:3 - Chuukese Bible

³ Are an asor epwe eu asoren kek seni nöün pwiin kow, epwe uwato eman ätemwänin kow esap wor terin ren asamalapen ewe imwenfel seni mangaku, pwe ewe Samol mi Lapalap epwe etiwa.

Lifitikos 1:3 Iomraidhean Croise

Keneses 22:13

Iwe, Apraham a nenela o küna eman ätemwänin sip a mwöch lein pötöwöl ren mächän. Iwe, Apraham a feila, a angei ewe ätemwänin sip o eäni asor won ewe rongen asoren kek siwilin nöün we.

Keneses 22:2

Iwe, Kot a üreni, “Kopwe angei Isaak noum aleman, ka echeni, o feila won ewe fanü Moria. Ikenan kopwe eäni asoren kek ngeniei won eu chuk üpwe aiti ngonuk.”

Keneses 22:8

Nge Apraham a pälüeni, “Nei, Kot epwe püsin amolätä eman sip fän iten ach asoren kek.” Iwe, ra mwinemwinela ir me ruoman.

Keneses 8:20

Mürin, Noa a senätä eu rongen asor fän iten ewe Samol mi Lapalap. Iwe, a angei eman man seni iteiten sokun man mi limöch me iteiten sokun mansüsü mi limöch, o eäniir asoren kek won ewe rongen asor.

2. Kronika 29:32

Iwe, iteiten ekewe mönün asor ekewe aramas ra uwato fän iten asoren kek ngeni ewe Samol mi Lapalap ükükün fik ätemwänin kow, ipükü ätemwänin sip me rüepükü lam.

2. Kronika 35:12

Mürin, ra aimwüela ekewe mönün asoren kek, pwe repwe ineti ngeni ekewe aramasen Israel lon eu me eu ar kewe cho, pwe ir repwe eänir asor ngeni ewe Samol mi Lapalap, usun a fen mak lon än Moses puken allük. Iei usun ra pwal föri ngeni ekewe ätemwänin kow.

Kölfel 110:3

Lon ränin om kopwe maun ngeni chon oputom noum aramas repwe etuk fän püsin letiper o üföüf ekewe üf mi pin. Usun amurenipwin mi nom lesosorusich, iei usun noum kewe alüal repwe feito reöm.

Kölfel 40:8

Üa pwapwa le föri letipom, ai Kot, om allük a nom lon lelukei.”

Ekistos 12:5

Ewe man oupwe afili, epwe eman ätemwän eu ierin esap wor terin. Oupwe angei seni me lein ekewe pwiin sip ika kuuch.

Ekistos 24:5

Mürin a tinala alüal seni me lein ekewe aramasen Israel ra eäni asoren kek, ra pwal eäni asor ätemwänin kow pwe asoren kinamwe ngeni ewe Samol mi Lapalap.

Ekistos 29:18

o kenala kinikinin ewe ätemwänin sip meinisin won ewe rongen asor. Iei eu asoren kek ngang ewe Samol mi Lapalap üa efich pwoon.

Ekistos 29:4

Kopwe pwal emwenato Aaron me nöün kewe mwän ren asamalapen ewe imw mangaku ia aramas ra churiei ie o atütüür.

Ekistos 29:42

Ei asoren kek mwirimwirimi kana repwe eäni fansoun meinisin me leasamalapen ewe imwenfel seni mangaku fän mesei ngang ewe Samol mi Lapalap. Iei ei leni üpwe churikemi ie pwe üpwe kapas ngenikemi.

Ekistos 32:6

Iwe, ekewe aramas ra pwätä lesosorusich o eäni asoren kek me asoren kinamwe. Nge wesin ar asor ra mottiu pwe repwe momongö o ükün. Mürin ra ütä o urumwotongau.

Ekistos 35:21

Mürin ra liwinto eman me eman fän mefien letipan, pwal fän püsin an mochen, o uwato ar alilis ren ewe Samol mi Lapalap fän iten ewe imw mangaku ia aramas ra churi Kot ie me angangan meinisin, pwal fän iten ekewe üf mi pin.

Ekistos 35:29

Iwe, ekewe aramasen Israel meinisin mwän me fefin mi mochen ra uwato ar alilis ren ewe Samol mi Lapalap seni mefien letiper fän iten ewe angang meinisin ewe Samol mi Lapalap a allük ngeni Moses pwe epwe fis.

Ekistos 35:5

Oupwe uwato eu alilis fän iten ewe Samol mi Lapalap seni mine oua eäni. Eman mi fangafangöch seni lelukan epwe uwato an alilis fän iten ewe Samol mi Lapalap: kolt, silifer me piras,

Ekistos 36:3

Iwe, ra angei seni Moses ekewe alilis meinisin ekewe aramasen Israel ra uwato seni mochenin letiper fän iten angangen ewe imw mi pin. Nge iteiten lesosor ekewe aramas ra chök wakato ar alilis seni mochenin letiper,

Ekistos 38:1

Mürin a föri ewe rongen asoren kek seni ewe irä akasia. Langataman me chölapan ra chök nönnöfengen ükükür fisu esop fiit, nge tekian ükükün rüanü esop fiit.

Aisea 1:11

Ewe Samol mi Lapalap a apasa, “Met lomoten ämi achomonga asoren man ngeniei? Üa ku ren ämi asor ngeniei ätemwänin sip me kirisin man mi öümanau. Üsap pwapwa ngeni chan ätemwänin kow me sip me ätemwänin kuuch.

Isikiel 20:40

Iei alon Kot ewe Samol mi Lapalap, “Won chuki mi pin, ewe chukun Israel mi fokun tekia, chon Israel meinisin mi nom lon ewe fanü repwe angang ngeniei. Ikenan üpwe etiwakemi, üpwe angei senikemi ämi asor, ämi lifang mi fokun mürina, pwal meinisin mine oua apini fän itei.

Isikiel 40:39

Nge lon kengkangen ewe asamalap a wor akaruu chepel me rüepek, ia ra niela ie ekewe mönün asoren kek me mönün asoren amusamusen tipis, pwal mönün asoren amusamusen pupungau.

Lifitikos 1:10

Iwe, are an asor epwe eu asoren kek seni nöün sip are kuuch, epwe uwato eman ätemwän esap wor terin.

Lifitikos 14:10

Nge lon awaluen rän epwe uwato ruoman ätemwänin lam me eman liefefinin lam eu ierir esap wor terir. Epwe pwal uwato limu paun pilawa mi amas o mürina a nofitfengen me apüra, pwal ina epwe ükükün esop kuoch noppuk.

Lifitikos 16:7

Mürin, epwe angei ekewe ruoman kuuch o anomuur fän mesen ewe Samol mi Lapalap leasamalapen ewe imw mangaku ia aramas ra churi Kot ie.

Lifitikos 17:4

nge esap uwato ewe man leasamalapen ewe imw mangaku ia aramas ra churi Kot ie, pwe epwe fang ngeni ewe Samol mi Lapalap mwen an imwenfel, ewe mwän epwe nom lon tipisin nimanau. Iwe, pokiten a föri ei, iei mine epwe käriwu seni aramasan.

Lifitikos 17:8

Kopwe pwal üreniir: Iteiten eman me eman me lein chon Israel ika me lein ekewe chon ekis mi nom rer a eäni eu asoren kek ika och sokun asor,

Lifitikos 17:9

nge esap uwato leasamalapen ewe imwenfel seni mangaku pwe epwe eäni asor ngeni ewe Samol mi Lapalap, ätewe epwe käriwu seni lein aramasan.

Lifitikos 23:12

Lon ewe ränin ämi oupwe assawa ewe pilük, oupwe pwal eäni asor eman ätemwänin lam eu ierin esap wor terin, pwe eu asoren kek ngeni ewe Samol mi Lapalap.

Lifitikos 23:18

Oupwe pwal afiti ngeni ewe pilawa füman lam eu ierir esap wor terir, pwal eman nienifön ätemwänin kow me ruoman ätemwänin sip. Ekei man repwe eu asoren kek ngeni ewe Samol mi Lapalap fiti ämi asoren mongö me asoren ün. Ei epwe eu asor ewe Samol mi Lapalap a efich pwoon.

Lifitikos 3:1

Iwe, are eman aramas epwe eäni eu asoren kinamwe, epwe eäni asor eman ätemwän ika eman liafefin seni nöün kow, nge epwe chök eäni asor ngeni ewe Samol mi Lapalap eman man esap wor terin.

Lifitikos 4:15

Iwe, ekewe souakomwen ewe mwich repwe anomu pöür won möküren ewe ätemwänin kow o niela me fän mesen ewe Samol mi Lapalap.

Lifitikos 4:23

Iwe, are a mefi pwe a tipis, epwe uwato eman ätemwänin kuuch esap wor terin fän iten an asor.

Lifitikos 4:3

Are ewe souasor mi lap a tipis o ren an tipis a atoto tipis won ekewe aramas, epwe uwato ngeni ewe Samol mi Lapalap eman nienifön ätemwänin kow esap wor terin, pwe epwe eäni asor fän iten an tipis.

Lifitikos 4:32

Iwe, are eman aramas a uwato eman sip pwe an asoren tipis, epwe uwato eman liafefin esap wor terin.

Lifitikos 5:15

Are eman aramas esap allükülük o tipisin chechengau ren an tümwününgau ngeni mettoch mi pin me ren ewe Samol mi Lapalap, epwe uwato eman ätemwänin sip esap wor terin, pwe an asoren pupungau ngeni ewe Samol mi Lapalap. Nge ükükün liwininin ewe mönün asor kopwe aükük won aüchean föün silifer mi alongolong won ewe kilo ra aea lon ewe imw mi pin. Iei eu asoren pupungau.

Lifitikos 5:18

Iwe, epwe uwato ren ewe souasor eman ätemwänin sip esap wor terin. Nge liwinin ewe mönün asor me reöm epwe usun chök liwinin ewe mönün asoren pupungau. Iwe, ewe souasor epwe föri asoren amusamusen tipis fän iten än ewe aramas föför a chechengau ren, pwe epwe musala.

Lifitikos 6:2

Are eman a tipis ngeni ewe Samol mi Lapalap ren an atupu chon arun, pun esap mochen aliwini mine a wisen tütümwünü are amwöchü, ika ren an soläni och, ika ren an ariaföüü chon arun,

Lifitikos 6:8

Iwe, ewe Samol mi Lapalap a üreni Moses,

Lifitikos 7:16

Iwe, are ewe aramas a eäni an asor fän iten pwon ika seni püsin letipan, epwe ochei fituken ewe mönün asor lon ewe rän a asor, nge lusun a pwal tongeni ochei sorotan.

Lifitikos 8:18

Mürin, Moses a emwenato ewe ätemwänin sip fän iten asoren kek. Nge Aaron me nöün kewe mwän ra isetä pöür won möküran.

Lifitikos 8:21

Iwe, a talü ekewe pisekin lon inisin me pechen ngeni koluk o kenala unusen ewe ätemwänin sip won ewe rongen asor pwe eu asoren kek ngeni ewe Samol mi Lapalap a efich pwoon. Iei usun ewe Samol mi Lapalap a allük ngeni Moses.

Lifitikos 9:2

Iwe, a üreni Aaron, “Kopwe angei eman nienifön ätemwänin kow fän iten asoren tipis, pwal eman ätemwänin sip fän iten asoren kek, nge esap wor terir. Iwe, kopwe eäniir asor fän mesen ewe Samol mi Lapalap.

Sekaraia 13:7

Iei alon ewe Samol mi Unusen Manaman, “Kopwe pwök, en ketilas, o fiu ngeni nei chon mas, ngeni ewe aramas mi fokun kan ngeniei. Kopwe niela ewe chon mas, pwe ekewe sip repwe toropasfeil. Üpwe ü ngeni ekewe aramas mi kis.

Malakai 1:14

A anümamau eman chon atuputup mi pwon pwe epwe eäni ngeniei asor eman ätemwänin sip seni nöün pwiin man, nge mürin a eäni asor eman mi wor terin. Pun ngang eman king mi lap, nge chon ekewe mwü ra meninitiei.”

Numperis 15:3

“Oupwe eäni asor ngeni ewe Samol mi Lapalap eman ätemwänin kow, ika eman ätemwänin sip, ika kuuch, pwe ämi soren kek ika sokun asoren pwon, ika asor seni püsin letipemi, ika asor lupwen fansoun ekewe chulap mi kefilitä, pwe eu asor ewe Samol mi Lapalap a efich pwoon.

Numperis 15:8

Iwe, lupwen ewe aramas epwe eäni asor ngeni ewe Samol mi Lapalap eman ätemwänin kow fän iten asoren kek ika sokun asoren pwon ika asoren kinamwe,

Numperis 19:2

“Iei pwüngün ewe allük ewe Samol mi Lapalap a allük: Kopwe üreni ekewe aramasen Israel pwe repwe nukieto eman kow mi par esamwo nöünöü, esap wor terin ika ngauan, esap pwal uwei mwo efoch waas fän eu.

Numperis 23:19

Kot esap eman aramas pwe epwe chofana, esap pwal i nöün aramas pwe epwe ekieksefäl. Ifa usun, epwe apasa och, nge esap föri? Ika epwe pwonei och, nge esap apwönüetä?

Numperis 23:27

Mürin, Palak a üreni Palam, “Kopwe etto pwe üpwe emwenuk ngeni pwal eu leni. Eli Kot epwe efich om kopwe anümamaueer ngeniei seni ikenan.”

Numperis 23:3

Mürin, Palam a üreni Palak, “Kopwe ütä lükün om kei asoren kek, nge ngang üpwe feila ekis. Eli ewe Samol mi Lapalap epwe feito o churiei. Iwe, meinisin mine epwe pwäri ngeniei üpwe ürenuk.” Iwe, a feitä won eu chukuchukutä mi amasawa.

Numperis 23:30

Iwe, Palak a föri usun mine Palam a üreni. A eäni asor eman ätemwänin kow me eman ätemwänin sip won eu me eu kewe rongen asor.

Numperis 28:11

Iwe, lepoputän iteiten maram oupwe eäni asoren kek ngeni ewe Samol mi Lapalap ruoman nienifön ätemwänin kow, eman ätemwänin sip, füman ätemwänin lam eu ierir esap wor terir.

Numperis 28:19

Oupwe eäni eu asoren kek ngeni ewe Samol mi Lapalap ruoman nienifön ätemwänin kow, eman ätemwänin sip me füman ätemwänin lam eu ierir. Oupwe pii pwe esap wor terir.

Numperis 28:31

Iwe oupwe eäni ekei asor fitifengen me ekewe asoren ün lükün ewe asoren kek me ewe asoren mongö mi chök fifis iteiten rän. Oupwe pii pwe esap wor terin ekewe mönün asor.

Numperis 29:13

Iwe, lon aeuin rän oupwe eäni asoren kek engol me ülüman nienifön ätemwänin kow, ruoman ätemwänin sip me engol me föman ätemwänin lam eu ierir, pwe ewe Samol mi Lapalap epwe efich pwoon. Ir meinisin esap wor terir.

Numperis 29:2

Oupwe eäni asoren kek eman nienifön ätemwänin kow, eman ätemwänin sip me füman ätemwänin lam eu ierir, pwe ewe Samol mi Lapalap epwe efich pwoon. Ir meinisin esap wor terir.

Lukas 1:35

Ewe chon läng a pölüeni, “Ngünmifel epwe feitiu womw, nge manamanen ewe mi Unusen Tekia epwe nom womw. Iei mine ewe mi pin epwe uputiu ngonuk, epwe iteni Nöün Kot.

Johannes 1:36

Nge lupwen Johannnes a küna Jesus pwe a fetaleto, a apasa, “Iei i ewe Lamen Kot!”

Johannes 10:7

Iei mine Jesus a apasasefäli, “Enlet üpwe wesewesen ürenikemi: Ngang ewe asam fän iten ekewe sip.

Johannes 10:9

Ngang ewe asam. Iö a tolong lon ei asam epwe küna manau. Epwe tolong o towu o küna anan.

2. Korint 8:12

Pun are a wor remi ewe mochen lifang, Kot epwe etiwa ämi lifang won ükükün met oua tongeni, sap won ükükün met ousap tongeni.

2. Korint 9:7

Oupwe fang en me usun mefien letipan. Ousap fangürüfituk ika fang fän echimw. Pun Kot a echeni eman mi pwapwa le lifang.

Efisos 2:18

Pun ren Kraist kich meinisin, chon Juta me chon lükün Israel, sia tongeni feito mwen mesen Samach ren eman chök Ngün.

Efisos 5:27

fän iten an epwe aütai mwichefel fän püsin itan lon unusen lingöchün, pwe esap wor tikitikipwülün are lemomon are och limengau, nge epwe pin o unusöch.

Tuteronomi 12:27

Iwe, oupwe eäni ämi asoren kek, ewe fituk me ewe cha won ewe rongen asor än ewe Samol mi Lapalap ämi we Kot. Oupwe pwal eäni ekewe asor oua tongeni ochoch fituker, nge chan ekewe mönün asor epwe ninitiu won ewe rongen asor än ewe Samol mi Lapalap ämi we Kot.

Tuteronomi 15:21

Nge are a wor terin, are a mwok ika chun ika a wor och sokun terin mi ngau, ousap eäni asor ngeni ewe Samol mi Lapalap ämi we Kot.

Tuteronomi 17:1

Iwe, ousap eäni asor ngeni ewe Samol mi Lapalap ämi we Kot eman ätemwänin kow ika eman sip mi wor terin, ese lifilifil met sokun. Pun ei sokun asor a anioput ngeni ewe Samol mi Lapalap ämi we Kot.

Ipru 7:26

Iei usun Jesus ewe Souasor mi Lap a alisikich lon ach osupwang meinisin. I ewe mi pin, esap wor an mwäl ika an tipis. Kot a aimwüela i seni chon tipis o atekiatai seni ekewe läng.

Ipru 9:14

Pokiten ei a pwüng, epwe le ifan me ükükün aüchean ewe chaan Kraist. Ren ewe Ngün esemüch a asor ngeni Kot püsin inisin pwe eu asor mi unusöch. Chaan Kraist epwe limeti mwelien letipach seni sokun föför mi lomotongau, pwe sipwe tongeni angang ngeni ewe Kot mi manau.