Lifitikos 1:2 - Chuukese Bible

² fän iten ekewe aramasen Israel, pwe repwe apwönüetä, lupwen ra asor: Are eman aramas leimi epwe uwato an asor ngeni ewe Samol mi Lapalap, epwe uwato eman mönün asor seni lein nöün kow are sip are kuuch.

Lifitikos 1:2 Iomraidhean Croise

Keneses 4:3

Iwe, ekoch fansoun mürin a fis pwe Kain a eäni asor uän irä seni lon tanipin ngeni ewe Samol mi Lapalap.

Keneses 4:5

nge Kain me an asor esap efich. Iei mine Kain a fokun chou, nge won mesan a wowongau.

1. Kronika 16:29

Oupwe mwareiti lingen iten ewe Samol mi Lapalap. Oupwe uwato eu asor o feito fän mesan. Oupwe fel ngeni ewe Samol mi Lapalap fän üf mi pin.

Esra 3:5

Lükün ei asor ra pwal eäni ekewe asoren kek mi fifis iteiten rän, ekewe asor mi fis lepopun maram, pwal lon än ewe Samol mi Lapalap kewe chulap meinisin mi kefilitä, me ekewe asor eman me eman a eäni seni mochenin letipan ngeni ewe Samol mi Lapalap.

Ekistos 20:24

Iwe, oupwe föri eu rongen asor seni pwül fän itei, pwe oupwe eäni ämi asoren kek me asoren kinamwe won seni nöümi sip me kow. Ekewe leni meinisin üa filätä pwe oupwe fel ngeniei ie üpwe feito remi o afeiöchükemi me ie.

Numperis 15:3

“Oupwe eäni asor ngeni ewe Samol mi Lapalap eman ätemwänin kow, ika eman ätemwänin sip, ika kuuch, pwe ämi soren kek ika sokun asoren pwon, ika asor seni püsin letipemi, ika asor lupwen fansoun ekewe chulap mi kefilitä, pwe eu asor ewe Samol mi Lapalap a efich pwoon.

Numperis 5:15

Lon ekei lapalap me ruu, ewe mwän epwe emwenato pwülüan we ren ewe souasor. Iwe, epwe uwato pwe eu asor fän iten neminewe ülüngat paun pilawa mi amas seni föün parli. Nge esap niniitä apüra won, esap pwal iseis apach mi pwokus won, pun ei eu asor seni eman mwän mi lukomong, eu asoren alelet, pwe mine a let epwe pwäla.

Numperis 7:15

eman nienifön ätemwänin kow, eman ätemwänin sip me eman ätemwänin lam eu ierin fän iten asoren kek.

Markus 7:11

Nge ämi oua aiti ngeni aramas pwe are eman aramas a wor ren och mettoch epwe aea le alisi ngeni saman are inan, nge a apasa, ‘Iei Korpan,’ (wewen: Ei metoch an Kot)

Nöün Paulus Toropwe ngeni ekewe Souläng lon Rom 12:1

Iei mine üa pese ngenikemi, ämi pwii kana, pokiten watten än Kot ümöümöch ngenikich, pwe oupwe fangala inisimi pwe eu asor mi manau o pin fän iten än Kot angang o i epwe pwapwa ren. Iei usun pwüngün ämi fel ngeni Kot.

Nöün Paulus Toropwe ngeni ekewe Souläng lon Rom 12:6

Iei mine sipwe anganga ekewe sokopaten tufich Kot a lifang ngenikich lon aükükün an ümöümöch. Are eman a tufichin afalafala än Kot we kapas, epwe föri won aükükün ewe lükülük a eäni.

Efisos 5:2

Chen epwe nemeni manauemi, usun Kraist a echenikich o fangala manauan fän itach pwe epwe eu asor mi pwoöch me eu lifang mi apwapwai Kot.