Kolose 4:3 - Chuukese Bible

³ Oupwe pwal iotek fän item pwe Kot epwe suki eu asam ngenikem, pwe aipwe tongeni afalafala an kapas usun ewe monomonen Kraist. Pun iei popun pwe üa nom lon imwen fötek.

Kolose 4:3 Iomraidhean Croise

Mateus 13:11

Jesus a pölüeniir, “Kot a fen ngenikemi ewe tufich pwe oupwe silei usun monomonen Mwün Läng, nge ei tufich esap pwal ngeni ekoch aramas.

Föför 14:27

Iwe, lupwen ar tori Antiokia, ra achufengeni aramasen ewe mwichefel o apworausa ngeniir meinisin mine Kot a föri ngeniir, pwal usun an suki eu asam ngeni ekewe chon lükün Israel pwe repwe lükü Jesus.

Nöün Paulus Toropwe ngeni ekewe Souläng lon Rom 16:25

Ousipwe mwareiti Kot! I a tongeni anükücharakemi lon ämi lükülük ren ewe Pworausen Manau üa afalafala, ewe pworaus usun Jesus Kraist, pwal ren pwälan ewe monomon mi let a monomonola me lom lon chomong, chomong fansoun.

1. Korint 16:9

pun a wor eu asam mi suk chöchöla pwe üpwe föri ewe angang mi aüchea, nge a pwal wor chomong chon pinei ewe angang.

1. Korint 4:1

Iwe, ämi oupwe ekieki ngenikem pwe äm nöün Kraist chon angang, wisem pwe aipwe tümwünü än Kot we monomon mi let.

2. Korint 2:12

Iwe, lupwen üa tori Troas pwe üpwe afalafala ewe Pworausen Manau usun Kraist, üa küna pwe ach Samol a suki eu asam ngeniei fän iten ewe angang.

Efisos 3:1

Fän iten ei popun, ngang Paulus, eman chon fötek fän iten Kraist Jesus fänäsengesin ämi chon lükün Israel, üa iotek ngeni Kot.

Efisos 3:3

Kot a pwäri ngeniei an we ekiek mi monomon o a aiti ngeniei wewen, usun üa manlapei le makkei me mwan.

Efisos 3:4

Nge are oupwe aleani mine üa fen makkeetiu, oupwe tongeni silei usun ai weweiti ewe monomonen Kraist.

Efisos 3:9

üpwe pwal afataöchü ngeni aramas meinisin usun än Kot we ekiek mi monomon epwe pwönüetä. Kot ewe mi föri mettoch meinisin a amonomona an we monomon lon ekewe fansoun lomlom,

Efisos 4:1

Ngang eman chon fötek pokiten ai angang ngeni ach Samol, üa mochen pese ngenikemi pwe oupwe manaueni eu manau mi fich ngeni ewe kö seni Kot.

Filipi 1:19

pun üa silei pwe pokiten ämi iotek, pwal ren än Ngünün Jesus Kraist alisiei üpwe ngasala.

Filipi 1:7

Üa chechemenikemi lon letipei fansoun meinisin, iei mine a pwüng ngeniei an epwe iei usun ai tongekemi. Pun ämi meinisin oua chieneniei lon ei angang mi aüchea Kot a ngeniei, sap chök lon ei fansoun üa nom lon imwen fötek, nge pwal lon ewe fansoun lupwen üa ngasala pwe üpwe peni ewe Pworausen Manau o anüküchara.

Kolose 1:26

ewe monomon Kot a amonala seni aramas meinisin lon ekewe fansoun lomlom, nge iei a pwärala ngeni ekewe chon pin.

Kolose 4:18

Ei kapong ngang Paulus üa makkei ren püsin pei. Oupwe chechemeni pwe üa nom lon imwen fötek! Än Kot ümöümöch epwe nonom remi meinisin.

1. Tesalonika 5:25

Ämi pwiim kana, oupwe iotek fänäsengesim.

2. Timoty 1:16

Ach Samol epwe ümöümöch ngeni chon familien Onesiforus, pun i a echipaei fän chomong. Esap säwäsiniei pwe ngang üa nom lon fötek,

2. Timoty 2:9

Pokiten ngang üa afalafala ewe Pworausen Manau, üa tolong lon riaföü, üa fen mwo nge föfö ngeni selimächä usun eman chon föföringau. Nge än Kot kapas esap föfö.

2. Timoty 4:2

pwe kopwe afalafala ewe Kapasen Kot. Kopwe achocho ngeni om kopwe arongafeili ewe Kapas, ese lifilifil ika lon fansoun öch ika lon fansoun ese öch. Kopwe föri ewe angangen fön, apwüng me apöchöküla manauen souläng lupwen ka föri ewe angangen asukul fän mosonotam.

Filimon 1:22

Iwe, pwal och: Kose mochen kopwe amolätä eu ruum fän itei, pun üa apilüköch pwe Kot epwe apwönüetä mine oua tüngor lon ämi iotek pwe üpwe liwinsefälila remi.