Kolose 3:1 - Chuukese Bible

¹ Iwe, pokiten oua manausefäl fiti Kraist, iei mine oupwe anomu ämi ekiek won ekewe mettoch mi nom läng ia Kraist a mot ie won an lenien mot mi nom lepelifichin Kot.

Kolose 3:1 Iomraidhean Croise

Kölfel 110:1

Ewe Samol mi Lapalap a kapas ngeni ai samol ewe king, “Kopwe mot lepelifichi tori üpwe anomu chon oputom pwe repwe lenien puun pecheöm.”

Kölfel 16:11

En ka aiti ngeniei ewe alen manau. Om nom rei a afisätä ai pwapwa mi somwosom o awarato ai mwänek tori feilfeilachök.

Än Salomon Fos 15:24

Chon tipachem ra fetal won ewe al mi aletä ngeni manau, pwe resap fetal won ewe al mi aletiu ngeni mäla.

Än Salomon Afalafal 10:2

Eman mi mirit a chök föri mine a pwüng, nge eman mi umwes a chök föri mine a ngau.

Mateus 22:44

‘Ewe Samol a kapas ngeni ai Samol: Kopwe mot lepelifichi tori üpwe anomu chon oputom fän pecheöm.’

Mateus 26:64

Jesus a pölüeni, “Ewer, usun om apasa. Nge üpwe ürenikemi meinisin: Seni ei fansoun oupwe küna Nöün Aramas a mot lepelifichin Ewe mi unusen Manaman, epwe war won kuchun läng.”

Mateus 6:20

Nge oupwe iseis wöümi lon läng ia ekewe pwötür me parang resap tongeni atarela, nge chon solä resap tongeni atai o soläni.

Mateus 6:33

Nge oupwe chök ekieki lon letipemi ewe Mwün Kot me pwüngün, iwe, i epwe ngenikemi ekei mettoch meinisin.

Markus 12:36

Nge Ngünmifel a amefi ngeni Tafit pwe epwe apasa: ‘Ewe Samol a kapas ngeni ai Samol: Kopwe mot lepelifichi tori üpwe anomu chon oputom fän pecheöm.’

Markus 14:62

Jesus a pölüeni, “Ewer, ngang ätewe. Ämi oupwe küna Nöün Aramas epwe mot lepelifichin ewe mi Unusen Manaman, epwe feito won ekewe kuchun läng.”

Markus 16:19

Mürin än Jesus fos ngeni nöün kewe chon kaiö a feitä läng o mottiu lepelifichin Kot.

Lukas 12:33

Oupwe amömöla pisekimi, nge liwinin oupwe ngeni ekewe chon wöüngau. Oupwe awora ämi kewe sokun pwotou resap tongeni tala, oupwe iseis wöümi lon läng, ewe ia esap tongeni kisikisila me ie, pun chon solä resap tongeni angeer, nge pwötür resap tongeni atarela.

Lukas 20:42

Pun Tafit a püsin apasa lon ewe puken Kölfel, ‘Ewe Samol a kapas ngeni ai Samol: Kopwe mot lepelifichi,

Lukas 22:69

Nge seni iei Nöün Aramas epwe mot lepelifichin Kot ewe mi Manau.”

Föför 2:34

Pun Tafit esap püsin feitä läng, nge a apasa, ‘Ewe Samol a kapas ngeni ai Samol: Kopwe mottiu lepelifichi,

Föför 7:55

Nge Stefanus a uren Ngünmifel, a anetai mesan ngeni läng o a küna lingen Kot me Jesus mi ütä lepelifichin Kot.

Nöün Paulus Toropwe ngeni ekewe Souläng lon Rom 8:34

Iö epwe ngeniir liwinin ar tipis? Kraist Jesus ewe mi mäla, nge a pwal fokun manausefälitä, i a nonom lepelifichin Kot, a iotek fänäsengesich o penikich.

Nöün Paulus Toropwe ngeni ekewe Souläng lon Rom 8:6

Are sia nonom fän nemenien fituk, sopolan mäla, nge are sia nonom fän nemenien Ngünmifel, sopolan manau me kinamwe.

2. Korint 4:18

Pun sisap afota mesach won ekewe mettoch sia tongeni küna, nge sia afota mesach won ekewe mettoch sisap tongeni küna. Pun ekewe mettoch sia tongeni küna repwe müchüla, nge ekewe mettoch sisap tongeni küna repwe nonom tori feilfeilachök.

Efisos 4:10

Ewe eman mi feitiu pwal i chök ewe eman mi feitä asen ekewe läng meinisin, pwe epwe amasoua unusen läng me fanüfan.

Efisos 5:22

Ämi fefin kana, oupwe aleasochisi pwülüemi usun chök ämi oupwe aleasochisi ach Samol.

Kolose 2:20

Iwe, oua mäla fiti Kraist o ngas seni fän nemenien ekewe ngün mi nemeni ei fanüfan. Pwota chök oua manaueni eu sokun manau usun itä nge ämi nöün ei fanüfan? Pwota oua aleasochisi ekei sokun allük,

Kolose 3:2

Oupwe tipeni ekewe mettoch mi nom läng, nge sap ekewe mettoch mi nom ikei won fanüfan.

Ipru 1:13

Kot esap fokun apasa ngeni eman nöün kewe chon läng, “Kopwe mottiu lepelifichi tori üpwe anomu chon oputom, pwe repwe lenien puun pecheöm.”

Ipru 1:3

A lingeni lingen Kot o wesewesen lapalapeni lapalapen Kot. A anükünüköchü mettoch meinisin ren an kapas mi manaman. Mürin an awesala amusamusen än chon fanüfan tipis, a mottiu lepelifichin Kot lon läng, i ewe mi manaman seni meinisin.

Ipru 10:12

Nge Kraist a eäni eu chök asor fän iten tipis, eu asor mi manaman tori feilfeilachök. Mürin a mottiu lepelifichin Kot.

Ipru 12:2

Ousipwe chök nenengeni Jesus ewe chon popuetä me chon awesala ach lükülük. Esap fangatä pokiten ewe iräpenges, nge fänäsengesin ewe pwapwa mi nom mwan esap ekieki itengauen an mäla won ewe iräpenges. Iwe, iei a mottiu lepelifichin Kot.

Ipru 8:1

Iwe, iei aüchean mine sia kapas usun: Sia eäni eman Souasor mi Lap a mot lepelifichin ewe mi Unusen Tekia lon läng.

1. Petrus 3:22

i ewe mi feitä läng, a nonom lepelifichin Kot o a nemeni ekewe chon läng meinisin, pwal ekewe ngün mi wor ar nemenem me manaman.