Kolose 2:3 - Chuukese Bible

³ Kraist i ewe mi tongeni pwärala wöün än Kot tipachem me silelap meinisin mi monomonola.

Kolose 2:3 Iomraidhean Croise

1. King 3:28

Iwe, lupwen chon Israel meinisin ra rongorong usun pwüngün ewe kapwüng ewe king a eäni, ra meniniti ewe king, pun ra mefi pwe Kot a fang ngeni tipachem, pwe epwe tongeni eäni kapwüng fän pwüng.

Hiop 28:21

A opola seni mesen mönümanau meinisin o monola seni ekewe machangen failäng.

Än Salomon Fos 2:4

Kopwe kütta tipachem usun om kütta silifer, ika usun om kütta pisek aüchea mi monomon.

Aisea 11:2

Iwe, Ngünün ewe Samol mi Lapalap epwe nonom won, ewe Ngün epwe ngeni tipachem me mirit, ekieköch me tufich. Epwe pwal silei letipen ewe Samol mi Lapalap o niueiti i.

Aisea 40:14

Iö Kot a kütta an öüröür seni pwe epwe saram letipan, iö a pwal aiti ngeni mine a pwüng? Nge iö a atipachema pwe epwe wor an silelap me weweöch?

Mateus 10:26

“Iwe, ousap niuokusiti aramas! Pun mettoch meinisin mi pwölüla epwe pwäla, nge mettoch meinisin mi monomonola aramas repwe silei.

Lukas 11:49

Iei popun Tipachemen Kot a apasa, ‘Üpwe tinala rer soufos me soukünö. Repwe niela ekoch me leir, nge ekoch repwe ariaföüür.’

Nöün Paulus Toropwe ngeni ekewe Souläng lon Rom 11:33

A ifan me watten wöün Kot! A ifan me alololun an tipachem me silelap! Iö a tongeni awewei an apwüng? Iö a tongeni weweiti an kewe föför?

1. Korint 1:24

Nge ren chokewe Kot a köriir me lein chon Juta me chon lükün Israel, Kraist ewe manamanen Kot me ewe tipachemen Kot.

1. Korint 1:30

Nge Kot chök popun ämi nonom lon Kraist Jesus. Kot a föri pwe Kraist ach tipachem, ach pwüng, ach pin me ach ngas seni ach tipis.

Efisos 1:8

a fang ngenikich lon an kisäsew mi somwosomwola!

Kolose 1:19

Pun iei püsin än Kot akot, pwe unusen lapalapen Kot epwe unusolong lon Nöün we.

Kolose 1:28

Iei mine sia arongafeili Kraist ngeni aramas meinisin. Sia fönöör o asukuler ren sokun tipachem meinisin, pwe sipwe emwenato eman me eman mwen Kot fän ar unusöch lon Kraist.

Kolose 1:9

Iei popun, seni ewe rän aia rongorong usumi, aisap ükütiu le iotek fän itemi. Aia tüngor ngeni Kot pwe epwe aurakemi ren tufichin silei letipan me unusen mirit me weweöchiti ekewe mettoch lon pekin ngün.

Kolose 3:16

Än Kraist kapas mi fokun aüchea epwe nonom lon letipemi. Oupwe aiti ngeni eman me eman lefilemi ei kapas o fönööfengenikemi fän mirit. Oupwe kölü ekewe kölfel, ekewe kölün lamalam me ekewe köl mi pin. Oupwe köl ngeni Kot fän kilisou lon letipemi.

Kolose 3:3

Pun oua fen mäla, iwe, manauemi a opola ren Kraist lon Kot.

2. Petrus 1:5

Iwe, iei popun oupwe achocho le apachatä manauöch ngeni ämi lükülük, silelap ngeni ämi manauöch,

Pwärätä 2:17

Are a wor selingen eman epwe rongorong mine Ngünmifel a üreni ekewe mwichefel! Iö mi pwora ngeni mine a ngau üpwe ngeni och seni ewe mana mi monomon, üpwe pwal ngeni eman me eman leir eföü fau mi pwechepwech a mak won eu it mi fö, esap wor eman epwe silei pwe ewe chök eman mi angei.”